फिलिप्पि 1:11 - धिमाल

¹¹ कालाउ इसु ख्रिस्‍टको सरबङसो नेलाइ दिनाङ परमेस्‍वरहेङ मोन्‍दाताका काम पासु। इदोङ रेम्‍का काम तिङतेङ द्‌याङगेलाइ परमेस्‍वरहेङ मान पातेङ वासेहेङ बाखिनावा।

Dhimal NT

¹¹ कालाउ जेसाङ एनोङ सिङ फल पिखे, एन्साङ दोङ नेलाइ परमेस्वरको महिमा कालाउ बाखिनको भाअ्सिङ येसु ख्रिस्टता ठिक काम पातेङ हानेसु।

फिलिप्पि 1:11 Iomraidhean Croise

मत्‍ति 5:16

एन्‍सा दोङ गेसाको जोल्‍का भाइपाङ नेलाइको जोल्‍का बुङ द्‍याङगेलाइको आगाता चिल्‍काको रो एम्‍बालाइ नेलाइको रेम्‍का काम तिनाको, कालाउ सादेलता हिका नेलाइको आबाहेङ बाखिनाको।

युहन्‍ना 15:16

कासेहेङ नेलाइ मासालसुन्‍हा, कालाउ का नेलाइहेङ साल्‍घा रो नेलाइहेङ भर्ना पाघा। नेलाइ हानेसु रो फल सेपासु कालाउ नेलाइको फल हितेङह्‍याको। एन्‍साङ नेलाइ आबादोफा काङको मिङता जेदोङ र्‍हेस्‍वाना, वा नेलाइहेङ इङको प्‍यावा।

युहन्‍ना 15:2

काता हिका गोताङ दालेङ जाइ फल मासेपाखे वा इङकोहेङ धाइगिलावा रो फल सेपाका गोताङ दालेङहेङ आरोङ हेन्‍जा फल स्‍याको दोअ्‌तेङ वा तुमप्‍यावा।

युहन्‍ना 15:8

नेलाइ हेन्‍जा फल सेपातेङ काङको चात्‍या एइ दोअ्‌का साबित पासुन्‍हा पानु इदोङता काङको आबाको प्रताप ज्‍यावा।

1 कोरिन्थि 10:31

इदोइखातिर का नेलाइहेङ दोअ्‌खा, नेलाइ चालाउ बुङ, आम्‍लाउ बुङ रो हाइदोङ पालाउ बुङ, गोताङ परमेस्‍वरको बाखिन्‍काको भाअ्‌सिङ पासु।

फिलिप्पि 4:17

का नेलाइसो भेटि निङलिको भाअ्‌सिङ एसा दोअ्‌का माको, कालाउ नेलाइ कासेहेङ साघाइनाङ परमेस्‍वर नेलाइहेङ सहसाम्‍पा प्‍याको दोअ्‌तेङ का लाल्‍सा पाखा।

कलस्सि 1:10

एन्‍सा पासुन्‍हा पानु नेलाइ प्रभुहेङ मोन्‍दाताका काम पातेङ दिनाङ वासेहेङ लेङचा पालि दोस्‍वाना। कालाउ गोताङ काम रेम्‍का पातेङ नेलाइको आनिबानि रेम्‍का जेनावा रो नेलाइ परमेस्‍वरकोङ आकिलता बार्‍हेतेङ हानेस्‍वाना।

कलस्सि 1:6

कालाउ गोताङ दुनियाता इङको रेम्‍का बानाल लोका हि रो इङको रेम्‍काबानालता खान्‍धुर पातेङ द्‌याङगेलाइको आनिबानि रेम्‍का जेङदोङखे। कालाउ परमेस्‍वरको निगाहासो इङको सत काथा हिङका रो बुझिका दिनासो रेम्‍काबानाल नेलाइको ज्‍यानता रेम्‍का काम जेङदोङखे।

2 थेस्लोनिकि 1:12

कोलाउ नेलाइसो केलाइको प्रभु इसुको मिङको मान ज्‍यावा कालाउ वासो नेलाइको बुङ मान ज्‍यावा। हाइदोनु नेलाइ केलाइको परमेस्‍वर आबा रो प्रभु इसु ख्रिस्‍टसो निगाहा निङका हिसुन्‍हा।

तितस 3:14

केलाइको द्‍याङगेलाइ बिथाता ज्‍यान थाल्‍लिमागोयाङ। एम्‍बालाइ रेम्‍का काम पातेङ हारजा परेका पहरता द्‍याङगेलाइहेङ साहेता पालि द्‍वाको।

1पतरुस 2:12

बोजात्‍यागेलाइको माझाता नेलाइको आनिबानि रेम्‍का ह्‍याको। एम्‍बालाइ नेलाइहेङ मारेम्‍का दोअ्‌तेङ दुसिलाउ नेलाइको रेम्‍का कामगेलाइ तिनाको। कालाउ परमेस्‍वर निया पालि लोलाउ वासेहेङ बाखिनाको।

1पतरुस 2:5

नेलाइ बुङ इसु ख्रिस्‍ट भाइपाङ सिन्‍हुका उन्‍थुइ जेङतेङ लोसु रो हाङसाको थान धाम्‍लिको भाअ्‌सिङ ताइमिङहेङ सोमपिसु। इन्‍ता नेलाइ इसु ख्रिस्‍टको सामान्‍दाहोइ पातेङ परमेस्‍वरहेङ मोन्‍दाताका हाङसाको भोक चार्‍हाइका पुनित धामिको काम पास्‍वाना।

1पतरुस 2:9

कालाउ बुङ नेलाइ ते परमेस्‍वर साल्‍का खालगेलाइ, राजाको धामिगेलाइ, पुनित जात्‍यागेलाइ, परमेस्‍वरको ताइकोङ राइतिगेलाइ एइ। वा नेलाइहेङ कितिकितिकासो वाको भारभुसाइका फासालाम्‍काता चुमाहि। कालाउ नेलाइ वाको भारभुसाइका कामगेलाइ पारचार पालि दोसु।

1पतरुस 4:14

नेलाइ ख्रिस्‍टता खान्‍धुर पालाउ द्‌याङगेलाइ नेलाइहेङ बादनामि पालाउ लेङचासु। हाइदोनु परमेस्‍वरको प्रतापि हाङसा नेलाइदोफा हिखे।