फिलिप्पि 1:1 - धिमाल

¹ ख्रिस्‍ट इसुको बान्‍धाइगेलाइ पावल रो तिमोथिसो, फिलिप्‍पि पुरता हिका मन्‍डलिको आगुवागेलाइ, डिकनगेलाइ रो ख्रिस्‍ट इसुता हिका परमेस्‍वरको झाराङ पुनित जनगेलाइहेङ इदोइ चिथि लेखेदोङ न्‍हाखे।

Dhimal NT

¹ ख्रिस्ट येसुको बान्धाइतिगेलाइ, का पावल तिमोथि दोफा इता पात्ताराता फिलिप्पि सहरता हिका मन्डलिको आगुवागेलाइ कालाउ खान्धुराइगेलाइहेङ साघाइका दोफाङ गोताङ परमेस्वरको जनगेलाइहेङ लेखेदोङखा, जाइ ख्रिस्ट येसुको दोङ हि।

फिलिप्पि 1:1 Iomraidhean Croise

मर्कुस 13:34

इदोइ ते गिर्‍हि ताइको कामत्‍यागेलाइहेङ साअ्‌को गोताङ काम जिम्‍मा पितेङ, कालाउ द्‍वारता हिकाहेङ नाङघातेङ हि दोअ्‍तेङ हुकुम पितेङ बोमुलुक हानेका भाइका एइ।

युहन्‍ना 12:26

हासुङ काङको कामत्‍या जेङखे पानु इङको कासेहेङ पितायाको रो का जेता हिघा, काङको सेबक बुङ इन्‍ता ह्‍यावा। हासुङ काङको कामत्‍या जेङखे पानु आबा इङकोको मान पावा।

साल्न्हाका चात्या 1:20

पत्‍रुस आरोङ दोअ्‌हि, “लेको किताबता एसापा लेखेन्‍हाका हि: ‘इङकोको हिकाथामे र्‍हाअ्‌न्‍हाको, इन्‍ता बासा हिका हासुङ माज्‍याको। इङकोको पाका कामको जिम्‍मा बोमि दोङ र्‍हुकाको!’

साल्न्हाका चात्या 20:28

“एला नेलाइ ताइमिङ ताइको रेखदेख पासु रो पुनित हाङसा नेलाइहेङ जिम्‍मा पिका जेरगेलाइको बुङ रेखदेख पासु। परमेस्‍वरको मन्‍डलिको रेम्‍का घोका जेङसु हाइदोनु प्रभु इसु इङको द्‍याङगेलाइहेङ ताइकोङ हिति होपातेङ चोलका हि।

साल्न्हाका चात्या 9:13

कुलाउ हननिया दोअ्‌हि, “प्रभु, इङको द्‍याङ यरुसलेमता हिका परमेस्‍वरको पुनित जनगेलाइहेङ हेथे सान्‍ताइका हिघाखे इङको का हेन्‍जाङ द्‍याङगेलाइसो हिङका हिघा।

1 कोरिन्थि 16:10

तिमोथि नेलाइकोता लोलाउ वासेहेङ नेलाइकोताङ हिलि पिसु। हाइपानु इङको बुङ का भाइपाङ प्रभुको काम पादोङखे।

गलाति 1:10

का नेलाइहेङ दोअ्‌खा, एला का द्‍याङगेलाइको चितबुझिपालि माको, कालाउ का ते परमेस्‍वरको चित बुझिपालि भो:खा। एदि का द्‌याङगेलाइको चित बुझिपालि भो:का हिनु का ख्रिस्‍टको चाकर जेङलि दोङ मादोधाङका।

गलाति 3:26

एला नेलाइ झाराङ खान्‍धुरसो दोङ ख्रिस्‍ट इसुता परमेस्‍वरको जाहान जेङका हिसुन्‍हा।

गलाति 3:28

एला यहुदि रो बो जात्‍या, बान्‍धाइ रो फुका, वाबाल रो बेबाल, एसामान हिसुन्‍हा। हाइदोनु ख्रिस्‍ट इसुता नेलाइ एलोङ दोङ जेङका हिसुन्‍हा।

फिलिप्पि 2:19

प्रभु इसुको लाल्‍सा हिनु आस पाखा, का मारफाङ तिमोथिहेङ नेलाइकोता दिङगिलाङका। कालाउ वा काता घुरितेङ नेलाइको बानाल हिङपालाउ का हेन्‍जाङ लेङचाङका।

फिलिप्पि 2:5

नेलाइको इसिका मन ह्‍याको, जाइ ख्रिस्‍ट इसुता हिघाहि।

फिलिप्पि 3:12

का धेयता लाम्‍फादोङ थुकातेङ पुरा जेङहोइका दोअ्‌तेङ दोअ्‌का माको। कालाउ का ख्रिस्‍ट इसु भाइपाङ जेङलि हेन्‍जाङ चेस्‍ता पादोङखा। हाइदोनु वा इदोङ कामको भाअ्‌सिङ दोङ कासेहेङ साल्‍हि।

फिलिप्पि 3:3

कालाउ केलाइ जातिङकोङ खाताना पान्‍हाका हिन्‍हाहि। हाइदोनु केलाइ परमेस्‍वरहेङ पुनित हाङसासो पुजिन्‍हाखे। केलाइ हिदिङ द्‌याङगेलाइको चालचलनता माको, ख्रिस्‍ट इसुता भर पान्‍हाखे।

फिलिप्पि 3:8

इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

1 थेस्लोनिकि 1:1

परमेस्‍वर आबा रो प्रभु इसु ख्रिस्‍टता थेसलोनिकिता हिका मन्‍डलिगेलाइहेङ केलाइ पावल, सिलास रो तिमोथिसो इदोइ चिठि लेखेदोङन्‍हाखे। परमेस्‍वर नेलाइहेङ निगाहा रो सान्‍ति प्‍याको।

1 थेस्लोनिकि 2:2

केलाइ इन्‍ता लोकालाम्‍फा फिलिप्‍पिको द्‌याङगेलाइ केलाइहेङ तु: पिहि रो केलाइको बिजेत पाहि। इदोइ काथा बुङ नेलाइ गेसुखेना। कालाउ बुङ परमेस्‍वर केलाइहेङ हिमत पिहि रो हेन्‍जाङ बिभेदि हिलाउ बुङ केलाइ नेलाइहेङ परमेस्‍वरको रेम्‍काबानाल हिङपान्‍हाहि।

2 थेस्लोनिकि 1:1

केलाइको परमेस्‍वर आबा रो प्रभु इसु ख्रिस्‍टको थेसलोनिकिता हिका मन्‍डलिको द्‌याङगेलाइहेङ केलाइ पावल, सिलास रो तिमोथिसो इदोइ चिथि लेखेदोङन्‍हाखे।

2 थेस्लोनिकि 1:10

इदोइ काथा प्रभु इसु लोका दिनाता ज्‍यावा। इङको दिना परमेस्‍वर ताइको पुनित जनगेलाइसो मान निनावा। नेलाइ बुङ एम्‍बालाइदोफा हिस्‍वाना, हाइदोनु नेलाइ केलाइको पारचार पाका रेम्‍काबानालहेङ खान्‍धुर पासुन्‍हा।

1तिमोथि 1:2

खान्‍धुरता काङको जातिङको चान तिमोथिहेङ इदोइ चिथि लेखेदोङखा। परमेस्‍वर आबा रो केलाइको प्रभु येसु ख्रिस्‍ट नेलाइहेङ निगाहा, दाया रो सान्‍ति प्‍याको।

1तिमोथि 3:8

एन्‍साङ पातेङ मन्‍डलिता चाकरपाकालाइ मान निङका रो जातिङको धुइका हिलि गोयाङ। इन्‍सिकालाइ हेन्‍जाङ माम्‍हाका रो मारेम्‍का काम पातेङ टाका काउरि काम्‍हाइलि भोका द्‌याङ हिलि माएल।

तितस 1:1

का पावल परमेस्‍वरकोङ बान्‍धाइ रो ख्रिस्‍ट इसुकोङ साल्‍तेङ दिङगिल्‍का इदोइ चिथि लेखेदोङखा। परमेस्‍वर कासेहेङ साल्‍हि रो वाको साल्‍तेङ दिङगिल्‍कालाइको खान्‍धुर बार्‍हेपालि दिङगिल्‍हि। कालाउ परमेस्‍वरहेङ मोन्‍दाताका ज्‍यानदोफा मिलिका सतभारि एम्‍बालाइहेङ थुकापालि बुङ कासेहेङ खाटाइहि।

तितस 1:7

हाइदोनु मन्‍डलिको आगुवा परमेस्‍वरको कामको जिमा र्‍हुका हिखे। इदोइभाअ्‌सिङ इङको हिदिङ दुस मान्‍थुका द्‌याङ हिलिगोयाङ। इङको ताइमिङ पाका, मारफाङ चेरताम्‍पाका, म्‍हाका, चेरसुका रो मारेम्‍का काम पातेङ टाका कामाइका हिलिमागोयाङ।

याकुब 1:1

परमेस्‍वर रो प्रभु इसु ख्रिस्‍टको चाकर का याकुबसो इदोइ चिथि चारबितिङ राइन्‍हातेङ हिका इस्राएलको तेन्‍हे खालहेङ लेखेदोङखा। नेलाइ झाराङहेङ सेउपाखा।

1पतरुस 2:25

हाइदोनु नेलाइ भेरागेलाइभाइपाङ बान्‍दालाइगिल्‍का हिघासुन्‍हा। कालाउ एला नेलाइको हाङसाको घोका रो सामर्‍हाइकाकोता नेलाइ घुरितेङ लोका हिसुन्‍हा।

२ पत्‍रुस 1:1

का इसु ख्रिस्‍टको साल्‍तेङ दिङगिल्‍का रो चाकर सिमोन पत्‍रुससो, केलाइको परमेस्‍वर रो छुटकारापिका इसु ख्रिस्‍टको धरमातितासो केलाइको भइपाङ हेन्‍जाङ जाङका खान्‍धुर निङकालाइहेङ इदोइ चिथि लेखेदोङखा।