मर्कुस 6:2 - धिमाल

² वा माइसाका दिनाता कचहरिसाअ्‌ता बिद्‍या पिलि तेङहि। हिङकालाउ झाराङ भारभुसाइतेङ दोअ्‌हि, “या इदोइ काथागेलाइ हितासो धिरहि? हिसिका आकिल निङहि! हेसापा इसिका भारभुसाइका कामगेलाइ पालि दोखे?

Dhimal NT

² परमेस्वरको पबित्तरो दिनाता येसु यहुदिगेलाइको चाउघारा साअ्ता परमेस्वरको बचन प्राचार पालि तेङहि। वाको बचन हिङका हेन्जा द्‍याङगेलाइ भारभुसाइतेङ ता-ताइमिता एसापा काथा दोअ्लि तेङहि, “या द्‍याङ, इदोइ काथागेलाइ हिसोसो धिरहि? इसिका ग्यान कालाउ इसिका माहान सरबुङसाइका काम पाका स्यामाता वासेहेङ हासु पिका हि?”

मर्कुस 6:2 Iomraidhean Croise

मत्‍ति 4:23

कालाउ इसु एम्‍बालाइको कचहरिसाअ्‌गेलाइता धिरपातेङ, सादेलको सारभिको रेम्‍काबानाल हिङपातेङ रो द्‍याङगेलाइता हिका गोताङ खाल्‍को रोगगेलाइ एल्‍पातेङ गालिलको गोताङ थामेगेलाइता घुराइगिल्‍हि।

मत्‍ति 7:28

इसु इदोइ काथा दोअ्‌लि दोकान्‍हुअ्‌सो इन्‍ता जोम्‍कालाइ वाको बिद्‍या हिङतेङ भारभुसाइहि।

मर्कुस 1:39

कालाउ गोताङ गालिलता एम्‍बालाइको कचहरिसाअ्‌गेलाइता पारचार पातेङ रो मासानहेङ ओल्‍हेपातेङ वा हिगिल्‍हि।

मर्कुस 10:1

इसु इङको थामेहेङ लाअ्‌तेङ यर्दन झोराको ओदोइपार यहुदिया माउजाता हानेहि। चेअ्‌सुमेअ्‌सुका वाकोता जोम्‍हि रो दिनाङ भाइपाङ वा एम्‍बालाइहेङ बिद्‍या पिलि तेङहि।

लुका 2:47

इन्‍ता जोम्‍का द्‌याङगेलाइ इसुको आकिल तिङतेङ रो वाको दोअ्‌का काथा हिङतेङ झाराङ भारभुसाइहि।

लुका 4:15

वा कचहरिसाअ्‌ता बिद्‍या पिलि तेङलाउ, झाराङ वासेहेङ बाखिनघाखे।

युहन्‍ना 6:42

एम्‍बालाइ दोअ्‌हि, “हाइ या योसेफको चान इसु माको? याको आबा रो आमाइहेङ केलाइ मानालन्‍हाखे कुनु? एला या हेसापा ‘का सादेलसो खुअ्‌तेङलोका एइ’ दोअ्‌तेङ दोअ्‌खे?”

युहन्‍ना 7:15

यहुदि आगुवागेलाइ भारभुसाइ मानेतेङ एसा दोअ्‌हि, “इदोइ द्‍याङ माधिरसिङ हेसापा इदोइझोको गेका जेङहि?”