मर्कुस 4:11 - धिमाल

¹¹ इसु एम्‍बालाइहेङ दोअ्‌हि, “परमेस्‍वरको सारभिको भेद नेलाइहेङ पिकाहि, कालाउ बुङ बाहारकोलाइहेङ गोताङ काथा तुलनाता दोअ्‌खे,

Dhimal NT

¹¹ येसु इम्बालाइहेङ दोअ्हि, “नासेहेङ परमेस्वरको सासनको रहस्य पिका हि, जाइ परमेस्वरको सासनको बाहार हिकालाइहेङ निङपिका पाहासो गोताङ काथा दोअ्पिहि।”

मर्कुस 4:11 Iomraidhean Croise

मत्‍ति 11:25

इङको पहर इसु दोअ्‌हि, “ओइ आबा, सादेल रो सुमिङको प्रभु, का नासेहेङ च्‍याबास पिखा, हाइपानु ना इदोइ काथा आकिलहिका रो आकिलहिकालाइसो म्‍होअ्‌तेङ ताअ्‌न्‍हा, कालाउ बुङ जामालाइहेङ इदोइ तिङपान्‍हा।

मत्‍ति 13:16

“कालाउ बुङ नेलाइहेङ चाहिँ परमेस्‍वर आबा सहसाम्‍पा पिका हि, हाइपानु नेलाइको मिँ तिङका रो न्‍हातोङ हिङका जेङका हि।

मत्‍ति 16:17

इसु वासेहेङ दोअ्‌हि, “योनाको चान सिमोन, ना सहसाम्‍पा निङका हिन्‍हा। हाइदोनु द्‍याङसो नासेहेङ इदोइ तिम्‍पाका माको, कालाउ बुङ सादेलता हिका काङको परमेस्‍वर आबा तिम्‍पाका हि।

मर्कुस 3:23

कालाउ बुङ इसु एम्‍बालाइहेङ ताइकोता काइतेङ तुलनाता दोअ्‌हि, “दियाबलस दियाबलसहेङ हेसापा ओल्‍हेपालि द्वावा?

मर्कुस 4:10

जेलाउ इसु एकालाङ हिघाहि, कोलाउ तेन्‍हे मि चात्‍यागेलाइ रो वाको कोरबितिङ हिकालाइहेङ वा तुलनाको बारेता हिअ्‌हि।

मर्कुस 4:2

कालाउ इसु द्‍याङगेलाइहेङ तुलनाता हेन्‍जाङ काथा धिरपाहि। वा ताइ बिद्‍याता एम्‍बालाइ एसा दोअ्‌हि:

लुका 8:10

इसु एम्‍बालाइहेङ दोअ्‌हि, “नेलाइहेङ सादेलको सारभिको लिअ्‌ताको काथा गेलि पिकाहि। कालाउ बो द्‍याङगेलाइ दोफा का काथागेलाइता खिनिङ दोअ्‌खा। एम्‍बालाइ खाङनुते खाङखे कालाउ मातिङखे। हिङनुते हिङखे कालाउ मागेखे।”

1 कोरिन्थि 4:7

हासु नेलाइहेङ बोखान्‍तेङ बाराका बान्‍हाइहि? हाइ नेलाइदोफा हिका गोताङ काथा परमेस्‍वर दोङ पिका माको कुनु? कालाउ नेलाइदोफा हिका गोताङ थोक परमेस्‍वरसो निङहि पानु इङकोचाहिँ बर दोङ माको भाइपा पातेङ हाइपालि तुजुक पासुखेना?

कलस्सि 4:5

इसुता खान्‍धुर मापाकालाइदोफा बेभार पालाउ आकिल थेम्‍पातेङ पासु। कालाउ नेलाइको निङका गोताङ माउकाहेङ एन्‍साङ माथाल्‍सु।

1 थेस्लोनिकि 4:12

एसा पासुन्‍हा पानु नेलाइहेङ बोजात्‍यागेलाइ बुङ मान पावा रो नेलाइहेङ हार्जा जेङलाउ बोमिदोफा भर परेलि मागोयावा।

1तिमोथि 3:7

इन्‍सिका आगुवाचाहिँ ताइको मन्‍डलिता खिनिङ माको मन्‍डलि बाहार बुङ मान निङका हिलि गोयाङ। एन्‍सा जेङनु खिनिङ इङकोहेङ द्‌याङगेलाइ निन्‍दा मापावा रो इङको दियाबलसको आस्‍तिता मादेकावा।

१ युहन्‍ना 5:20

केलाइ गेन्‍हाखे, परमेस्‍वरको चान इसु ख्रिस्‍ट लोका हि, जाइ सत हि। वासेहेङ नाल्‍लि द्‍वाको दोअ्‌तेङ परमेस्‍वर केलाइहेङ आकिल पिका हि। केलाइ सत परमेस्‍वरता हिन्‍हाहि, हाइदोनु केलाइ वाको चान इसु ख्रिस्‍टता बुङ हिन्‍हाहि। इसु ख्रिस्‍ट दोङ जातिङको परमेस्‍वर रो असिम ज्‍यान हि।