मर्कुस 3:11 - धिमाल

¹¹ जेलाउ मासान वासेहेङ तिङघाखे, कोलाउ वाको आगाता तिर्‍हो थोतेङ एसा दोअ्‌तेङ र्‍हिकाइघाखे, “ना परमेस्‍वरको चान हिन्‍हा।”

Dhimal NT

¹¹ जेलाउ भुत-आत्मा धेल्कालाइ वासेहेङ तिङघाहि, कालाउ येसुको आगाता साम्मान तिङपालिको भाअ्सिङ पोम्भेलेतेङ इसिका दोकाताङ ह्रिकाइघाहि, “नाअ् परमेस्वरको चान हिना।”

मर्कुस 3:11 Iomraidhean Croise

लुका 4:41

हेन्‍जाङ द्‌याङगेलाइसो मासानगेलाइ र्‍हिकाइतेङ एसा दोअ्‌तेङ ओल्‍हेहि, “ना परमेस्‍वरको चान हिना।” कालाउ इसु इङको मासानगेलाइहेङ सिकापा हिसु दोअ्‌तेङ नुइ धुइलि दोङ मापिहि। हाइदोनु वा मुक्‍ति पिका ख्रिस्‍ट हि दोअ्‌तेङ एम्‍बालाइ नाल्‍घाखे।

लुका 8:28

इसुहेङ तिङतेङ वा हापाङ र्‍हिकाइतेङ, वाको आगाता पोम्‍भेलेतेङ दोअ्‌हि, “इसु, बारा परमेस्‍वरको चान, ना कासेहेङ हाइपालि खाङखेना? बिनइ हि, कासेहेङ तु: मापि।”

याकुब 2:19

परमेस्‍वर एलोङ हि दोअ्‌तेङ नेलाइ खान्‍धुर पासुखेना। इदोइ रेम्‍काङ काथा एइ। इसिकाङ खान्‍धुर दुरजन हाङसागेलाइ बुङ पाखे कालाउ एम्‍बालाइ थितेङ फिरखे।

मत्‍ति 8:29

एम्‍बालाइ एसा दोअ्‌तेङ र्‍हिकाइहि, “ओइ परमेस्‍वरको चान, नाङको केलाइदोफा हाइ मतलब? नियाको पहर माथुकासिङ केलाइहेङ हाइपालि साजाइ पिलि लोका हिन्‍हा?”

मत्‍ति 4:3

कालाउ दियाबलस वाकोता लोतेङ दोअ्‌हि, “ना परमेस्‍वरको चान हिन्‍हा पानु इदोइ उन्‍ठुइगेलाइहेङ तोले जेनाको दोअ्‌तेङ हुकुम पि।”

साल्न्हाका चात्या 16:17

इङको पावल रो केलाइहेङ पिताइलि तेङहि रो एसा दोअ्‌तेङ र्‍हिकाइहि, “इदोइ द्‍याङगेलाइ झाराङखान्‍तेङ बाराका परमेस्‍वरको सेबकगेलाइ एइ। एबालाइ नेलाइहेङ मुक्‍तिको दामाको पारचार पाखे।”

मत्‍ति 8:31

मासानगेलाइ इसुहेङ एसा दोअ्‌तेङ भनसुन पाहि, “ना केलाइहेङ ओल्‍हेपान्‍हा पानु, केलाइहेङ पायाको जेरता दिङगिलपि।”

मत्‍ति 4:6

रो वासेहेङ दोअ्‌हि, “ना परमेस्‍वरको चान हिना पानु, इतासो लेता धासे हाइदोनु धरमकिताबता इसिका लेखेका हि: ‘वा ताइको सादेलचरगेलाइको जिम्‍माता नासेहेङ प्‍यावा रो नाङको खोकोइ माबोखेन्‍हाको दोअ्‌तेङ एम्‍बालाइ नासेहेङ खुरखुरताङ खोअ्‌तावा’”

मत्‍ति 14:33

नाउता हिकालाइ इसुहेङ तिर्‍हो थोतेङ बाखिन्‍हि रो दोअ्‌हि, “जातिङको ना परमेस्‍वरको चान हिन्‍हा।”

मर्कुस 1:1

परमेस्‍वरको चान इसु ख्रिस्‍टको रेम्‍काबानाल एसापा सुरु जेङखे।

1 कोरिन्थि 11:34

एदि नेलाइता जाइ म्‍हितुखे पानु इङको ताइको सितासोङ चातेङ ल्‍वाको। माकोनु ते प्रभु भतेर चालि एदोसा जोम्‍लाउ नेलाइ परमेस्‍वरको दारता परेस्‍वाना। बो काथा का इन्‍ताङ लोका पहरता नेलाइहेङ दोअ्‍ताङका।