मर्कुस 2:16 - धिमाल

¹⁶ इसु निठुरिगेलाइ रो तिरो ल्‍होपाकालाइदोफा चातेङहिका तिङतेङ फरिसि हुलको धरम मास्‍टरगेलाइ वाको चात्‍यागेलाइहेङ दोअ्‌हि, “वा हाइपालि तिरो ल्‍होपाका रो निठुरिगेलाइदोफा योम्‍तेङ चाखे?”

Dhimal NT

¹⁶ जेलाउ फारिसि दोअ्का समुहको आधिमि व्यवस्था धिरपाका द्‍याङगेलाइ येसुहेङ एसापा पोत ल्होपाकालाइ कालाउ आरु द्‍याङगेलाइ दोफा तिङहि जाइहेङ इम्बालाइ पापि दोअ्घाखे, इम्बालाइ दोङ चाकाताङ पाका तिङहि कालाउ ओबालाइ वाको चात्यागेलाइहेङ हिअ्हि, हाइ पालि येसु इन्सिका पोत ल्होपाका कालाउ पापि द्‍याङगेलाइ दोफा योम्तेङ चाखे?

मर्कुस 2:16 Iomraidhean Croise

मत्‍ति 18:17

इङको एम्‍बालाइको काथा बुङ हिङलि माकिअ्‌नु, दलहेङ दोअ्। इङको मन्‍डलिको काथा बुङ हिङलि माकिअ्‌नु, वासेहेङ कुकरम रो तिरो ल्‍होपाकाभाइपाङ फोमपातेङ लाअ्‌गिल्‍सु।

मत्‍ति 5:46

ताइमिहेङ माया पाकालाइहेङ खिनिङ इन्‍ताना पासुन्‍हा पानु नेलाइ हाइ इनाम निङलि दोस्‍वाना कुनु? हाइ तिरो ल्‍होपाकालाइ बुङ एन्‍साङ मापाखे कुनु?

मत्‍ति 9:11

जेलाउ फरिसिगेलाइ इङको तिङहि, कालाउ वाको चात्‍यागेलाइहेङ दोअ्‌हि, “हाइपालि नेलाइको मास्‍टर तिरो ल्‍होपाकालाइ रो निठुरिगेलाइदोफा योम्‍तेङ चाखे?”

मर्कुस 2:15

इसु लेबिको साअ्‌ता चालि योम्‍लाउ तिरो ल्‍होपाकालाइ रो निठुरिगेलाइ बुङ वा रो वाको चात्‍यागेलाइ दोफाङ योम्‍तेङ हिघाहि। हाइपानु वासेहेङ पिताइकालाइ हेन्‍जाङ हिघाखे।

मर्कुस 2:7

“इदोइ द्‍याङ हाइपालि एसापा धुइदोङखे? या ते परमेस्‍वरको निन्‍दा कि पाखे। परमेस्‍वर बिना बो हासुङ कुकरम माफ पालि द्‍वावा?”

लुका 18:11

इङको फरिसि आसा उसो जाअ्‌तेङ एसापा पुकार पालि तेङहि, ‘परमेस्‍वर आबा, का नासेहेङ च्‍याबास पिखा; हाइपानु का बो द्‌याङगेलाइ भाइपा दिअ्‌का रो बाइमान मान्‍थुघा। का दुराचार बुङ पानाङ मान्‍थुघा। कालाउ का इङको लेबि द्‌याङ भाइका बुङ मान्‍थुघा।

लुका 19:10

का द्‌याङको चान राम्‍कालाइहेङ दोङ भोलि रो बान्‍चिपालि दोअ्‌तेङ लोका हिघा।”

लुका 19:7

इदोइ तिङतेङ झाराङ एसा दोअ्‌तेङ गानगानाइलि तेङहि, “इदोइ द्‌याङ ते कुकरमिको साअ्‌ता कि बासा हिलि हानेखे।”

लुका 5:30

फरिसि रो फरिसिको धरम मास्‍टरगेलाइ गनगन पातेङ इसुको चात्‍यागेलाइहेङ दोअ्‌हि, “नेलाइ हाइपालि तिरो ल्‍होपाकालाइ रो बो कुकरमि द्‍याङगेलाइ दोफा दोफाङ योम्‍तेङ चासुखेना?”

साल्न्हाका चात्या 23:9

इन्‍ता बारा गालबाजि जेङहि रो फरिसि मन्‍डलिको आधे धरममास्‍टरगेलाइ जाअ्‌तेङ एसा दोअ्‌तेङ बिरोध पालि तेङहि, “इदोइ द्‍याङता केलाइ हाइदोङ फतुर मातिङन्‍हाखे। इदोइ द्‍याङदोफा हिदिङ आत्‍मा माकुनु सादेलचरको धुइका दोङ हिनु हाइ जेङहि कुनु!”

1 कोरिन्थि 2:15

जेदोङ द्‌याङदोफा पुनित हाङसा हिखे, इङको खिनिङ रेम्‍का रो मारेम्‍का काथा खेङलि द्‌वावा। कालाउ पुनित हाङसा मान्‍थुका द्‌याङ वासेहेङ जाचिलि माद्‌वावा।