मर्कुस 1:7 - धिमाल

⁷ वा एसा दोअ्‍तेङ पारचार पाहि, “जाइ कान्‍हुअ्‌सो ल्‍वावा वा काखान्‍तेङ सरबङहिका हि, कालाउ तुघुरतेङ वाको जुताको फिता होअ्‌लि सोबाइका का मान्‍थुघा।

Dhimal NT

⁷ कालाउ वा इसिका दोअ्काताङ सिक्स्या पिहि, “का न्हुसो जाइ एमि ल्वाङ, वा का खान्तेङ हेन्जा माहान हि, कालाउ का वाको खोकोइको जुत्ताको तुना बुङ तुघुरतेङ खाइलि थेकापा सोबाइका मान्थुघा।

मर्कुस 1:7 Iomraidhean Croise

मत्‍ति 3:11

“काचाहिँ नेलाइहेङ कुकरम लाअ्‌लिको भाअ्‌सिङ चिहोइ चिभुअ्‌लि पिखा, कालाउ बुङ कान्‍हुअ्‌सो लोका काखान्‍तेङ सरबङहिका हि, का वाको जुता चुमलि सोबाइका मान्‍थुघा। वा नेलाइहेङ पुनित हाङसा रो मेहोइ चिभुअ्‌लि प्‍यावा।

मत्‍ति 3:14

कालाउ बुङ युहन्‍ना एसा दोअ्‌तेङ वासेहेङ गोर्‍हाइलि भोहि, “भुरुङ कासेहेङ कि नासो चिभुअ्‌लि र्‍हुलि गोइका हि, हाइ ना काङकोता लोलिगोइका?”

मर्कुस 1:6

युहन्‍ना उटको मुइसासो थिरका धाबा लागाइघाखे रो केङखेनेता धालेको तेपाना तेअ्‌घाखे कालाउ जिर्‍हाम रो झार मह चाघाखे।

मर्कुस 1:8

का नेलाइहेङ चिहोइ चिभुअ्‌लि पिका हिघा, कालाउ बुङ वा नेलाइहेङ पुनित हाङसाहोइ चिभुअ्‌लि प्‍यावा।”

लुका 3:16

एन्‍साजेङलाउ युहन्‍ना झाराङहेङ दोअ्‌हि, “का ते नेलाइहेङ चिहोइ चिभुअ्‌लि पिखा। कालाउ का खान्‍तेङ बारा सरबङहिका एमि लोदोङखे। का ते वाको जुता होअ्‌पिलि सोबाइका मान्‍थुघा। वा नेलाइहेङ पुनित हाङसा रो मेहोइ चिभुअ्‌लि प्‍यावा

युहन्‍ना 1:27

कान्‍हुअ्‌सो लोका वा दोङ हि। का वाको जुताको तुना खाइलि लायकको बुङ मान्‍थुघा।”

साल्न्हाका चात्या 13:25

युहन्‍ना ताइको काम दोपालि तोम्‍लाउ दोअ्‌का हिघाखे, ‘नेलाइ हाइ दोअ्‌सुखेना, का हासु एइ? का वा माको। कुलाउ कान्‍हुअ्‌सो एमि ल्‍वावा, जाइको खोकोइको जुताथिकापा बुङ होअ्‌का लायकको का मान्‍थुघा।’

साल्न्हाका चात्या 19:4

कोलाउ पावल दोअ्‌हि, “युहन्‍नाको पिका चिभुअ्‌लिचाहिँ कुकरमसो घुरिका चिभुअ्‌लि हिघाहि। वान्‍हुअ्‌सो लोका द्‍याङ इसुहेङ खान्‍धुर पासु दोअ्‌तेङ वा द्‍याङगेलाइहेङ दोअ्‌घाखे।”