मर्कुस 1:2 - धिमाल

² यसैया आगाधुइकाको किताबता एसापा लेखेका हि: “खाङ, का काङको सादेलचरहेङ नाङको आगाआगा दिङगिलाङका, जाइ नाङको दामा त्‍यार पावा।”

Dhimal NT

² यासाइया परमेस्वरको बक्ता लेखेका कितापता परमेस्वर ताइको चान येसुहेङ दोअ्हि, “खाङसु, का काङको बानाल चुम्पुका नाङको लाङ-लाङ दिङगिल्लाङका, जाइ नाङको दामा तियार पावा।

मर्कुस 1:2 Iomraidhean Croise

मत्‍ति 11:10

या इङकोङ जाइको बारेता धरमकिताबता लेखेन्‍हाका हि: ‘खाङ, का ताइको सादेलचरहेङ नाङको आगाआगा दिङगिलाङका, जाइ नाङको आगाता नाङको दामा त्‍यार पावा।’

मत्‍ति 2:5

एम्‍बालाइ वासेहेङ दोअ्‌हि, “यहुदिया माउजाको बेथलेहेम देराता। हाइदोनु आगाधुइका धरमकिताबता इसिका लेखेका हि:

मत्‍ति 26:24

का द्‍याङको चान ते काङको बारेता धरमकिताबता लेखेका भाइपा हानेलिदोङ गोयाङ। कालाउ बुङ धिकार इङको द्‍याङहेङ, जाइसो का द्‍याङको चान रिमन्‍हाङका। इङको द्‍याङ ते भुरुङ जोलोम माजेङका हिनु दोङ इङकोको भाअ्‌सिङ रेम्‍का जेङधाङ।”

मत्‍ति 26:31

कालाउ इसु एम्‍बालाइहेङ दोअ्‌हि, “नानि न्‍हिसिङता काङको भाअ्‌सिङ नेलाइ कासेहेङ लाअ्‌तेङ हानेस्‍वाना। हाइदोनु धरमकिताबता एसा लेखिन्‍हाका हि: ‘का घोकालाइहेङ सुतायाङका रो भेरागेलाइ जेसोकोसोङ खेङन्‍हातेङ हानावा।’

लुका 1:70

जेसापा वा लाम्‍फासो दोङ ताइको पुनित आगाधुइकाको नुइसो धुइहि,

लुका 1:76

ओइ काङको चान, ना बारा आगाधुइका जेनाना, हाइपानु ना प्रभुको आगाआगा वाको दामा त्‍यार पालि हानाना।

लुका 18:31

इसु ताइको तेन्‍हे मुल चात्‍यागेलाइहेङ एपाहा काइपुतेङ दोअ्‌हि, “हिङसु, एला केलाइ यरुसलेम भारि हाने न्‍हाखे। इन्‍ता आगाधुइकालाइ द्‌याङको चानको बारेता लेखेका गोताङ काथागेलाइ एला इन्‍ता पुरा जेनावा।