मर्कुस 1:16 - धिमाल

¹⁶ गालिल चावान्‍दिको काम्‍बेसो हानेकाताङपालाउ इसु सिमोन रो वाको ओने अन्‍द्रियासहेङ चावान्‍दिता जाले थाल्‍तेङहिका तिङहि। हाइपानु एम्‍बालाइ जालेघाका हिघाखे।

Dhimal NT

¹⁶ एनि येसु गालिल समुन्द्रको आलि-आलि हानिकाताङ पालाउ वा सिमोन कालाउ वाको ओने आन्द्रियासहेङ समुन्द्रता जाले आकाताङ पाका तिङहि। हाइपालिपानु इम्बालाइ हाया माङकालाइ हिघाहि।

मर्कुस 1:16 Iomraidhean Croise

मत्‍ति 10:2

तेन्‍हे साल्‍तेङ दिङगिल्‍कालाइको मिङ इदोइ एइ: लाङ, पत्‍रुस जाइहेङ सिमोन बुङ दोअ्‌खे रो वाको ओने अन्‍द्रियास, जब्‍दियाको चानगेलाइ याकुब रो वाको ओने युहन्‍ना,

मर्कुस 3:16

इङको तेन्‍हे साल्‍तेङ दिङगिलाकालाइ एबालाइ दोङ हि: सिमोन, जाइको मिङ वा पत्‍रुस ताअ्‌पिहि।

मर्कुस 3:18

कालाउ अन्‍द्रियास, फिलिप, बारथोलोमाइ, मत्‍ति, थोमा, अल्‍फायसको चान याकुब, थेदियस, मुलुकभक्त हुलको सिमोन

लुका 6:14

एसापा तेन्‍हेमि साल्‍तेङ दिङगिल्‍कालाइ एबालाइ दोङ: सिमोन, जाइहेङ इसु पत्‍रुस मिङ बुङ ताअ्‌पिहि। सिमोनको ओने अन्‍द्रियास। याकुब, युहन्‍ना, फिलिप, बारथोलोमाइ,

युहन्‍ना 12:22

फिलिप हानितेङ अन्‍द्रियासहेङ दोअ्‌हि, कालाउ अन्‍द्रियास रो फिलिप हानितेङ इदोइ काथा इसुहेङ हिङपाहि।

युहन्‍ना 6:8

इसुको चात्‍यागेलाइता ए मि, सिमोन पत्‍रुसको ओने अन्‍द्रियास दोअ्‌हि,

साल्न्हाका चात्या 1:13

यरुसलेम थुकातेङ एम्‍बालाइ ताइमि हिका साअ्‌को र्‍हुताको तालाता ताङतेङ एलोङ कोठाता जोम्‍हि। इन्‍ता जोम्‍कालाइता पत्‍रुस, युहन्‍ना, याकुब, अन्‍द्रियास, फिलिप, थोमा, बारथोलोमाइ, मत्‍ति, अल्‍फयसको चान याकुब, मुलुकभक्‍त दोअ्‌का सिमोन रो याकुबको चान यहुदा हिघाखे।