लुका 9:7 - धिमाल

⁷ जेलाउ इदोइ गोताङ बारदातगेलाइको बारेता गालिल माउजाता राज पाका हेरोद एन्‍टिपास हिङहि कालाउ वा आवाइ हि। हाइदोनु हेथे द्‌याङगेलाइ “चिभुअ्‌लि पिका युहन्‍ना सिकासो सिन्‍हुहि” दोअ्‌तेङ दोअ्‌घाखे।

Dhimal NT

⁷ सासक राजा हेरोद इदोइ गोताङ घाटाना थाहा गिहि वा आवाइतुहि, हाइपालिपानु हेथेते द्‍याङगेलाइ दोअ्हि, बप्तिस्ता पिका युहान्‍ना सिकासो सिन्चालतेङ ल्होका हि।

लुका 9:7 Iomraidhean Croise

मत्‍ति 11:2

जेलाउ चिभुअ्‌लि पिका युहन्‍ना झ्‍यालखानाता हिलाउ ख्रिस्‍टको पाका कामगेलाइको बारेता हिङहि। कालाउ वा ताइको चात्‍यागेलाइहेङ इसुकोता हिअ्‌लि दिङगिल्‍हि।

मर्कुस 8:28

एम्‍बालाइ इसुहेङ दोअ्‌हि, “आधेमि दोअ्‌खे, ‘चिभुअ्‌लि पिका युहन्‍ना।’ आधिमि दोअ्‌खे, ‘एलिया’ दोअ्‌खे। आधिमिचाहिँ हिदिङ एमि ‘आगाधुइका’ हिवाला दोअ्‌खे।”

लुका 13:31

उदोङघरि आधेमि फरिसिगेलाइ इसुकोता लोतेङ दोअ्‌हि, “ना इतासो ओल्‍हेतेङ भेनेङ थामे भारि हाने हाइदोनु राजा हेरोद एन्‍टिपास नासेहेङ सेअ्‌लि खाङदोङखे।”

लुका 21:25

“सान्‍हे, तालि रो फुरुगेलाइता भारभुसाइका चिनोगेलाइ तिनावा। जाहादि र्‍हिकाइका रो बाबारका लहर तिङतेङ सुमिङको गोताङ जात्‍याको द्‍याङगेलाइ थितेङ आत्‍यावा।

लुका 23:7

इसु राजा हेरोदको थामेको द्‍याङ दोअ्‌का काथा पिलातस गेतेङ वा इसुहेङ हेरोद एन्‍टिपासकोता दिङगिल्‍हि। इङको पहर हेरोद ताइमि बुङ यरुसलेमता दोङ हिघाहि।

लुका 3:1

रोमि माहाराजा तिबेरिअस सिजरको राज पाका तेना बाअ्‍सार जेङका हिघाहि। इङको पहरता पन्‍तियस पिलातस यहुदिया माउजाको रोमि बारा हाकिम हिघाखे। रोमि माहाराजाको बसता हेरोद गालिल माउजाता राज पाघाखे। वाको ओने फिलिप इतुरिया रो त्‍रोखोनितिस माउजाता राज पाघाखे। कालाउ अबिलेने माउजाता लुसानियास दोअ्‌का द्‌याङ राज पाघाखे।

लुका 9:19

एम्‍बालाइ दोअ्‌हि, “आधिमि द्‌याङगेलाइ चिभुअ्‌लि पिका युहन्‍ना दोअ्‌खे आधिमि एलिया दोअ्‌खे। कालाउ बोगेलाइ हेअ्‌मि चाहिँ उइल्‍हेको आगाधुइका सिकासो सिन्‍हुका वाला दोअ्‌खे।”