लुका 9:2 - धिमाल

² कालाउ इसु एम्‍बालाइहेङ सादेलको सारभिको बारेता पारचार पालि रो रोगाइकालाइहेङ एल्‍पालि भाअ्‌सिङ दिङगिल्‍हि।

Dhimal NT

² येसु इम्बालाइहेङ परमेस्वरको सासनको बिसोइता सुसमाचार पालि, मासाधेकालाइहेङ कालाउ मिसा एल्पालि बाहार दिङगिल्हि।

लुका 9:2 Iomraidhean Croise

मत्‍ति 10:5

इसु इदोइ तेन्‍हे चात्‍यागेलाइहेङ एसा दोअ्‌तेङ हुकुम पितेङ दिङगिल्‍हि, “बोजात्‍यागेलाइको माझाता मान्‍हेसु रो सामरिगेलाइको पुरता मादुल्‍सु।

मत्‍ति 13:19

हेथे द्‍याङगेलाइ सादेलको सारभिको कथन हिङनुते हिङखे कालाउ बुङ मागेखे, कालाउ दुरजन लोखे रो इङकोको कोन्‍धाङता जे बिअ्‌का हिघाहि इङको कुर्‍हाइतेङ चुमपुखे। दामाभारि बिअ्‍न्‍हाका चालाइचाहिँ इङकोङ एइ:

मत्‍ति 24:14

कालाउ सादेलको सारभिको इदोइ रेम्‍काबानाल दुनियाको गोताङ जात्‍यागेलाइता दासिको भाअ्‌सिङ हिम्‍पावा। इङकोन्‍हुअ्‌सो दोकादिना ल्‍वावा।

मत्‍ति 3:2

“कुकरम पालि लाअ्‌सु, हाइदोनु सादेलको सारभि भेर्पा लोका हि।”

मर्कुस 16:15

कालाउ इसु एम्‍बालाइहेङ दोअ्‌हि, “गोताङ दुनियाता हानितेङ गोताङ सिरजाइहेङ रेम्‍काबानाल हिम्‍पासु।

मर्कुस 6:12

इङकोन्‍हुअ्‌सो एम्‍बालाइ ओल्‍हेतेङ हानेहि रो द्‍याङगेलाइ “कुकरमगेलाइ मानितेङ परमेस्‍वरभारि घुरिसु” दोअ्‌तेङ पारचार पालि तेङहि।

लुका 10:1

इङकोन्‍हुअ्‌सो इसु प्रभु बो सुमकुरिते न्‍हेमि द्‌याङगेलाइहेङ साल्‍हि। एम्‍बालाइहेङ न्‍हेमि न्‍हेमि पातेङ ताइमि हानेलि तोम्‍का देरा रो पुरभारि ताइमि खान्‍तेङ लाम्‍फा दिङगिलतेङ दोअ्‌हि,

लुका 10:11

‘केलाइ नेलाइको पुरको धुलासुदाङ नेलाइको खिलापता केलाइको खोकोइसो थिदोङन्‍हाखे। कालाउ नेलाइ गेसु, सादेलको सारभि लोलि तोम्‍का हि’ दोअ्‌तेङ इङको द्‌याङगेलाइहेङ हिम्‍पासु।

लुका 10:9

कालाउ इन्‍ता हिका रोगाइकालाइहेङ एल्‍पासु रो एम्‍बालाइहेङ ‘सादेलको सारभि नेलाइ भेर्पा लोलि तोम्‍का हि’ दोअ्‌तेङ पारचार पासु।

लुका 16:16

“चिभुअ्‌लि पिका युहन्‍नाको पहरथिकापा मोसाको पिका नियम रो आगाधुइकालाइको बिद्‌या यहुदि आगुवागेलाइ मानेतेङ लोदोङघाहि। इङको पहरसो एला थिकापा सादेलको सारभिको रेम्‍काबानाल हिम्‍पाका काम जेङदोङ खे। कालाउ झाराङ सादेलको सारभिता दुल्‍लिको भाअ्‌सिङ बल पादोङखे।

लुका 9:11

कालाउ इदोइ काथा गेतेङ हेन्‍जाङ द्‌याङगेलाइ वासेहेङ पिताइहि। इसु एम्‍बालाइहेङ स्‍वागत पाहि रो सादेलको सारभिको बारेता हिम्‍पाहि। कालाउ रोगाइकालाइहेङ एल्‍पाहि।