लुका 9:12 - धिमाल

¹² बेला दुबिलि तोम्‍लाउ तेन्‍हेमि चात्‍यागेलाइ लोतेङ इसुहेङ दोअ्‌हि, “एला इदोइ द्‌याङगेलाइहेङ इतासो बिदा पागिल। कालाउ एम्‍बालाइ भेर्पाको देरागेलाइता हानितेङ ताइको चाका, हिका थामेगेलाइ ताइमिङ भोकाको। हाइपानु केलाइ हाइदोङ मान्‍थुका चाकामान्‍दाका थामेता हिनाहि।”

Dhimal NT

¹² एला बेल्हालि तम्होइ, कालाउ तेन्हे चात्यागेलाइ येसुकोता लोहि कालाउ दोअ्हि, इदोइ थामेता हिदोइ बुङ द्‍याङ माहिखे, इम्बालाइहेङ घुरिपासु, इदोइ द्‍याङगेलाइ ओबालाइको चाका-आम्का कालाउ जिम्का ब्यबास्ताको भाअ्सिङ भेरपाको देरागेलाइ कालाउ सहरगेलाइता हानाको। हाइपालिपानु इता केलाइ चाका-मान्दा थामेता हिनाहि।

लुका 9:12 Iomraidhean Croise

मत्‍ति 14:13

जेलाउ इसु इदोइ हिङहि, वा नाउता धोल्‍तेङ इन्‍तासो एकलास थामेभारि एकालाङ हानेहि। इदोइ हिङतेङ द्‍याङगेलाइ पुरगेलाइसो ओल्‍हेतेङ वासेहेङ पिताइहि।

मत्‍ति 15:23

इसु इङकोहेङ हाइदोङ जावाफ मापिहि। वाको चात्‍यागेलाइ लोतेङ वासेहेङ बिम्‍ति पाहि, “यासेहेङ दिङगिल, हाइदोनु इङको र्‍हिकाइतेङ केलाइहेङ पिताइदोङखे।”

मत्‍ति 15:32

कालाउ इसु ताइको चात्‍यागेलाइहेङ ताइकोता काइतेङ दोअ्‌हि, “का इदोइ द्‍याङगेलाइहेङ खाङतेङ दायाघा, हाइदोनु एबालाइ कादोफा हिका नानि सुम्‍नि जेङहोइ। एला एबालाइदोफा चालि हाइदोङ मान्‍थु। का एबालाइहेङ म्‍हितुपाङ दिङगिल्‍लि माभोखा। माकुनु एम्‍बालाइ दामाताङ झाका लोनावा।”

लुका 9:11

कालाउ इदोइ काथा गेतेङ हेन्‍जाङ द्‌याङगेलाइ वासेहेङ पिताइहि। इसु एम्‍बालाइहेङ स्‍वागत पाहि रो सादेलको सारभिको बारेता हिम्‍पाहि। कालाउ रोगाइकालाइहेङ एल्‍पाहि।

लुका 9:13

कालाउ इसु एम्‍बालाइहेङ दोअ्‌हि, “नेलाइ दोङ एम्‍बालाइहेङ चालि पिसु।” कालाउ एम्‍बालाइ दोअ्‌हि, “केलाइदोफा नालोङ तोले रो न्‍हेलोङ हाया खिनिङ हि। इदोइ झाराङ द्‌याङगेलाइहेङ चालि पिलि गोइनु ते आरोङ चाका आनेमानेगेलाइ चोलतेङ चुमालि गोयाङ।”

युहन्‍ना 6:1

इङकोन्‍हुअ्‌सो इसु गालिलको चावान्‍दि पारातेङ ओदोइपार हानिहि। (जाइहेङ तिबेरियासको चावान्‍दि बुङ दोअ्‌खे।)

फिलिप्पि 1:19

हाइदोनु नेलाइ काङको भाअ्‌सिङ पुकार पापितेङ कालाउ इसु ख्रिस्‍टको पिका हाङसासो साघाइतेङ छुटकारा निनाङका दोअ्‌का काथा का गेखा।