लुका 9:1 - धिमाल

¹ इसु तेन्‍हे चात्‍यागेलाइहेङ काइहि। एम्‍बालाइहेङ मासान ओल्‍हेपालि रो रोगाइकालाइहेङ एल्‍पाका सरबङ रो खाबरा पिहि।

Dhimal NT

¹ कालाउ येसु वाको तेन्हे झना चात्यागेलाइहेङ ए दोफाङ काइहि, वा मासाधेकालाइहेङ एल्पालि कालाउ गोताङ भुत-आत्मा धेल्काहेङ लाअ्पालि सरबुङ कालाउ खाबारा इम्बालाइहेङ पिहि।

लुका 9:1 Iomraidhean Croise

मत्‍ति 16:19

का नासेहेङ सादेलको सारभिको चाभिगेलाइ प्‍याङका। जेदोङ ना सुमिङता धेवाना, इङको सादेलता जिङन्‍हावा। जेदोङ ना सुमिङता खायाना, इङको सादेलता खाइन्‍हावा।”

मत्‍ति 4:24

एन्‍सा जेङलाउ वाको मिङ गालिल भेर्पा हिका सिरिया मुलुकको गोताङ थामेगेलाइता चारचाराइहि। कालाउ द्‍याङगेलाइ गोताङ खालको रोगाइका रो बेथासो सान्‍ताइका मासाअ्‌धेकालाइहेङ इसुकोता चुमाहि। एम्‍बालाइता मासान खोअ्‌का, झाकालोङका रो गाहिलि जेङका हिघाखे। वा एम्‍बालाइ झाराङहेङ एल्‍पाहि।

मत्‍ति 8:9

हाइपानु का बुङ हाकिमगेलाइको बसता हिघा, कालाउ काङको बसता बुङ सिपाल्‍हाइ हि। का एमिहेङ ‘हाने’ दोअ्‌खा, इङको हानिखे, भेनेङहेङ ‘लोउ’ दोअ्‌खा, इङको लोखे। काङको कामत्‍याहेङ ‘एसा पा’ दोअ्‌खा, वा एन्‍साङ पाखे।”

लुका 10:1

इङकोन्‍हुअ्‌सो इसु प्रभु बो सुमकुरिते न्‍हेमि द्‌याङगेलाइहेङ साल्‍हि। एम्‍बालाइहेङ न्‍हेमि न्‍हेमि पातेङ ताइमि हानेलि तोम्‍का देरा रो पुरभारि ताइमि खान्‍तेङ लाम्‍फा दिङगिलतेङ दोअ्‌हि,

लुका 10:19

हिङसु, का नेलाइहेङ पुय्हाँ रो बिच्‍छिहेङ याङतेङ हिगिल्‍का सरबङ कालाउ दुस्‍मनको गोताङ सरबङहेङ जितिका खाबरा पिका हिघा। हिदोइ बुङ काथाहोइ नेलाइहेङ नोक्‍सान मापावा।

युहन्‍ना 14:12

“जातिङको, का नेलाइहेङ दोअ्‌खा, जाइ कासेहेङ खान्‍धुर पाखे, इङको काङको पाका काम बुङ पावा। इङकोखान्‍तेङ बाराका काम पावा, हाइदोनु का आबाकोता हानेदोङखा।

साल्न्हाका चात्या 1:8

कुलाउ पुनित हाङसा नेलाइर्‍हुता लोकान्‍हुअ्‌सो नेलाइ सरबङ निङस्‍वाना। इङकोन्‍हुअ्‌सो नेलाइ यरुसलेमता, गोताङ यहुदिया रो सामरिया माउजाता कालाउ सुमिङको कोन्‍हाथिकापा काङको दासि जेङस्‍वाना।”

साल्न्हाका चात्या 3:16

इसुको मिङता खान्‍धुर पानाङसिङ वाकोङ मिङहोइ नेलाइ तिङका रो गेका इदोइ द्‍याङहेङ बोल्‍याका बान्‍हाइहि। वासो निङका इङकोङ खान्‍धुरसो इदोइ द्‍याङ नेलाइ झाराङको आगाता पुराङ एल्‍का तिङदोङसुखेना।

साल्न्हाका चात्या 4:30

कालाउ ताइको सेबकगेलाइहेङ, इसुको मिङता रोगाइका, मासाअ्‌धेकालाइ एल्‍पाका रो भारभुसाइका कामगेलाइ नाङको सरबङसो ज्‍याको।”

साल्न्हाका चात्या 9:34

पत्‍रुस इङकोहेङ दोअ्‌हि, “ओइ एनियास, इसु ख्रिस्‍ट नासेहेङ एल्‍पाङ। ल्‍हो रो नाइको सिदाउ मिलिपा।” कालाउ इङको ओदोङघरि ल्‍होहि।