लुका 8:3 - धिमाल

³ हेरोद राजाको खाजान्‍चि खुजासको बेअ् योअन्‍ना, सुसन्‍ना रो आरोङ बुङ हेन्‍जाङ बेबालाइ हिघाखे। जाइ इसु रो वाको चात्‍यागेलाइहेङ टाका काउरि पितेङ साघाइघाखे।

Dhimal NT

³ कालाउ राजा हेरोदहेङ साघाइका खुजासकि को बे योआन्ना दोफाङ सुसन्ना कालाउ आरु हेन्जाङ बेबालाइ हिघाहि। जाइ दोङ येसु कालाउ वाको चात्यागेलाइहेङ ताइको ताका पितेङ साघाइघाखे।

लुका 8:3 Iomraidhean Croise

मत्‍ति 14:1

इङको पहर गालिल माउजाको राजा हेरोद इसुको नावाइ हिङहि।

मत्‍ति 14:3

लाम्‍फा ताइको ओने फिलिपको बेअ् हेरोदियासको खातिरसो हेरोद युहन्‍नाहेङ रिम्‍तेङ धेउतेङ थुनाता ताअ्‌का हिघाखे।

मत्‍ति 14:6

कालाउ बुङ जेलाउ हेरोदको जोलोमदिना लोहि, कालाउ हेरोदियासको चामिन्‍दि एम्‍बालाइको माझाता न्‍हातेङ हेरोदहेङ लेङचापाहि।

मत्‍ति 2:11

कालाउ साअ्‌लिअ्‌ता दुल्‍तेङ एम्‍बालाइ जामालहेङ वाको आमाइ मरियम दोसा तिङहि रो तिर्‍हो थोतेङ वासेहेङ बाखिन्‍हि। कालाउ ताइको बाकस हेतेङ वासेहेङ सोना, मालामालाका धुमाना रो जाङका आतर ओल्‍हेपातेङ पिहि।

मत्‍ति 20:8

“जेलाउ बेला दुबेहि, कालाउ आङगुर बारिको गिर्‍हि ताइको कामत्‍याहेङ दोअ्‌हि, ‘काम पाकालाइहेङ काइतेङ न्‍हुअ्‌सो लोकालाइसो लाम्‍फा लोकालाइ सुदाङहेङ एम्‍बालाइको जेला पि।’

मत्‍ति 25:40

“कालाउ राजा नेलाइहेङ दोअ्‌तावा, ‘जातिङको, का नेलाइहेङ दोअ्‌खा, नेलाइ इदोइ काङको ओनेगेलाइता झाराङखान्‍तेङ म्‍हुइका एमिहेङ जेदोङ झोको पासुन्‍हा, इङको नेलाइ कासेहेङ दोङ पासुन्‍हा।’

मत्‍ति 26:11

हाइपानु मान्‍थुकालाइ नेलाइदोफा दिनाङ हिखे। कालाउ बुङ का नेलाइदोफा दिनाङ माह्‍याङका।

मत्‍ति 27:55

इन्‍ता गालिलसो लोका हेन्‍जाङ बेबालाइ बुङ हिघाखे। एम्‍बालाइ दुरेङसो इदोइ गोताङ खाङतेङ हिघाखे। एम्‍बालाइ इसुको सेवाटहल पातेङ गालिलसो वासेहेङ पिताइतेङ लोका हिघाखे।

लुका 24:10

इदोइ बेबालाइचाहिँ मरियम मग्‍दलिनि, याकुबको आमाइ मरियम, योअन्‍ना रो बो आधेमि बेबालाइ हिघाहि। एबालाइ दोङ इदोइ काथा तेएअ् साल्‍तेङ दिङगिल्‍कालाइहेङ हिम्‍पाका हिघाहि।

युहन्‍ना 12:6

कुलाउ इङको निरधनगेलाइको ख्‍याल ताअ्‌तेङ इदोइ दोअ्‌का मान्‍थुघाखे। हाइपानु इङको खुका हिघाहि रो टाकाको जाबि इङकोङ ताअ्‌घाखे, कालाउ इन्‍तासो खुघाखे।

साल्न्हाका चात्या 13:1

एन्‍टिओखियाको मन्‍डलिता आगाधुइकालाइ रो धिरपाकालाइता बारनाबास, दाका दोअ्‌का सिमियोन, कुरेनिको लुकियस, प्रान्‍तिय राजा हेरोददोफा हुरकिका मनेन रो साउल हिघाखे।

फिलिप्पि 4:22

एन्‍साङ पातेङ इता हिका बो परमेस्‍वरको पुनित जनगेलाइ बुङ नेलाइहेङ सेउपाका पिगिल्‍का हि। खास पातेङ रोमि बाराराजाको दारबारता हिकालाइ बुङ नेलाइहेङ सेउपाका पिगिल्‍का हि।

1तिमोथि 5:10

रेम्‍का काम पातेङ इङकोको मिङ चारचाराइका हिलि गोयाङ। इङको ताइको चान चामिन्‍दिगेलाइहेङ रेम्‍फा पातेङ हुर्किपाका रो बान्‍सालाइहेङ ताइको साअ्‌ता चुमातेङ बान्‍साबुझाइका हिलि गोयाङ। कालाउ इङको परमेस्‍वरको पुनित जनगेलाइको खोकोइ झातेङ चाकर पाका, तु:ता वाङकालाइहेङ साघाइका रो इसिकाङ रेम्‍का कामगेलाइ पाका हिलिगोयाङ।