लुका 8:13 - धिमाल

¹³ उन्‍ठुइहिका भोनोइता हुल्‍का चालाइ दोअ्‌का एम्‍बालाइ परमेस्‍वरको कथन हिङतेङ लेङचातेङ र्‍हुखे। कालाउ इङको कथन मनता ताअ्‌लि मादोखे। एन्‍सा जेङलाउ एम्‍बालाइको खान्‍धुर एघुरिङको भाअ्‌सिङ खिनिङ जेङखे कालाउ मुस्‍किल रो तुता खान्‍धुर राम्‍खे।

Dhimal NT

¹³ आधे उन्ठुइ भाइका मिलिङ हि, जेता चालाइ बिन्हाका हि, या इसिका द्‍याङगेलाइ दोङ जाइ दोङ लेङचातेङ परमेस्वरको बचन हिङखे कालाउ तुरुन्तै ग्रहन पाखे। कालाउ मिलिङ चाहि इम्बालाइ, जाइ बचन हिङतेङ लेङचाखे कालाउ वा ग्रहन पाखे, कालाउ बुङ वाको चाहि जारि मान्थुनाङ कालाउ आतुइसा पहरको भाअ्सिङ इम्बालाइ खाङधुरि पाखे, कालाउ जाचिका पहरता इम्बालाइ नासातावा।

लुका 8:13 Iomraidhean Croise

मर्कुस 6:20

हाइपानु युहन्‍नाहेङ धरमाति रो पुनित द्‍याङ चिताइतेङ हेरोद वाकोदोफा थिघाखे। इदोइखातिर वासेहेङ बान्‍चेपातेङ ताअ्‌का हिघाखे। युहन्‍नाको काथा हिङलाउ हेरोद थिलाउ बुङ वाको काथा हिङलि मोन्‍दा ताघाखे।

लुका 8:12

दामाता हुल्‍का चालाइ एम्‍बालाइ जाइ कथन हिङनु ते हिङखे मनता ताअ्‌लि मादोखे। हाइदोनु खान्‍धुर पातेङ बान्‍चेलि मानिनाको दोअ्‌तेङ दियाबलस लोखे कालाउ एम्‍बालाइको कथन चुमपुखे।

लुका 8:14

चुइको झालासता बिअ्‌न्‍हाका चालाइते एम्‍बालाइ, जाइ परमेस्‍वरको कथन हिङनुते हिङखे, कालाउ दुनियाको सुर्ता, टाका काउरि रो सुख निङतेङ खान्‍धुरहेङ बारालि दोङ मापिखे। कालाउ एम्‍बालाइसो हाइ बुङ फलपाको मासेखे।

युहन्‍ना 15:2

काता हिका गोताङ दालेङ जाइ फल मासेपाखे वा इङकोहेङ धाइगिलावा रो फल सेपाका गोताङ दालेङहेङ आरोङ हेन्‍जा फल स्‍याको दोअ्‌तेङ वा तुमप्‍यावा।

युहन्‍ना 15:6

हासुङ द्‍याङ काता माहि पानु, इङको दालेङभाइपाङ बाहार थालन्‍हावा रो इङको सेनावा। इसिका दालेङगेलाइ द्‍याङगेलाइ जोम्‍पातेङ मेता दुकावा।

युहन्‍ना 5:35

युहन्‍ना जोल्‍का रो चिल्‍काका गिसा हिघाखे रो नेलाइ वाको फाइसालाम्‍काता आतुइसा पहर खिनिङ लेङचालि राजि जेङसुन्‍हा।

1 कोरिन्थि 13:2

कादोफा आगाधुइ धुइका बर हि, परमेस्‍वरको म्‍होअ्‌न्‍हाका काथागेलाइ गेका आकिल बुङ हि रो आरदाङहेङ लाअ्‌पालि दोका खान्‍धुरको सरबङ बुङ हि, कालाउ का बोमिहेङ माया मापाखा पानु का हाइ दोङ बुङ माको।

1 कोरिन्थि 15:2

एदि नेलाइ का पारचार पाका इदोइ रेम्‍काबानालता आरेतेङ हिसुन्‍हा पानु इङको नेलाइहेङ बान्‍चेपावा। माकोनुते नेलाइको पाका खान्‍धुर बिथाको ज्‍यावा।

गलाति 3:1

ओइ माबुझिका गलातिगेलाइ, नेलाइहेङ हासु मुहुनि लागाइतेङ बसता चुमाहि? का नेलाइहेङ इसु ख्रिस्‍ट कुरुसता सिका काथा गोताङ रेम्‍फा दोअ्‌पिका हिघाखा।

गलाति 3:4

आहाँ एन्‍सा हेअ्‌लाउ माज्‍याङ। नेलाइ हेन्‍जाङ काथा भोगेका हिसुन्‍हा। हाइ इङको गोताङ बिथाको जेङहि कुनु? का आस पाखा इङको बिथाको माजेङहि।

कलस्सि 1:23

जातिङको नेलाइ थिर रो खान्‍धुरता बोल्‍याका जेङतेङ हिसु। नेलाइको हिङका रेम्‍काबानालता परमेस्‍वरको कबोल पाका आस पालि मामालाअ्‌सु। इदोङ रेम्‍काबानाल दुनियाको झाराङ द्‌याङगेलाइहेङ हिङपान्‍हाका हि। कालाउ का पावल इदोङ रेम्‍काबानाल हिङपालिको भाअ्‌सिङ चाकर जेङका हिघा।

कलस्सि 2:7

जेसापा सिङ भोनोता जारि जोतेङ बोल्‍याका जेङखे, नेलाइ बुङ खान्‍धुरता बोल्‍याका जेङतेङ हानेसु। कालाउ नेलाइहेङ धिरपाका आन्‍सार खान्‍धुरता बोल्‍याका जेङसु रो परमेस्‍वरहेङ दिनाङ च्‍याबास चार्‍हाइसु।

1 थेस्लोनिकि 3:5

इदोइभाअ्‌सिङ का बो आरोङ हेन्‍जा सहेलि मादोनाङ नेलाइको खान्‍धुर गेलि तिमोथिहेङ दिङगिल्‍घा। हाइपानु फासेपाकालाइ नेलाइहेङ फासेपातेङ केलाइको काम बिगिरपाहि बे दोअ्‌तेङ का थिका हिघाखा।

1तिमोथि 1:19

ना ताइको खान्‍धुरि रो रेम्‍का आकिलहेङ मालाअ्। आकिलको दोअ्‌का मासाअ्‌लाउ हेअ्‌मिको खान्‍धुर दोङ मुअ्‌तेङ हानेहि।

याकुब 2:26

जेसापा जिउ हाङसासो खेङन्‍हालाउ सिखे, एन्‍साङ पातेङ खान्‍धुर बुङ कामगेलाइसो खेङन्‍हालाउ सिखे।

२ पत्‍रुस 2:20

एम्‍बालाइ केलाइको प्रभु रो छुटकारापिका इसु ख्रिस्‍टहेङ नाल्‍तेङ बुङ दुनियाको आखेका पापाका काथासो खाअ्‌कान्‍हुअ्‌सो आरोङ कुकरमता वालातेङ इङकोको बसता परिखे पानु, एम्‍बालाइको न्‍हु हालत लाम्‍फाको खान्‍तेङ झन आखेका ज्‍यावा।

२ पत्‍रुस 2:22

एम्‍बालाइ ते इदोइ सत दोअ्‍का एम्‍बालाइता ओसाभारापाङ मिलिखे, “खिया ओअ्‌तेङ ताइमिङ चाखे” रो “चिउपापिका पाया आरोङ खिचाताङ लोताइखे।”

१ युहन्‍ना 2:19

एम्‍बालाइ केलाइको मान्‍थुघाहि, इङकोभाअ्‌सिङ एम्‍बालाइ केलाइहेङ लाअ्‌तेङ हानेहि। एदि एम्‍बालाइ केलाइको हिनु पाकाङ एम्‍बालाइ केलाइदोफाङ हितेङहिधावा। कालाउ एम्‍बालाइ केलाइहेङ लाअ्‌तेङ हानेनाङसिङ एम्‍बालाइ केलाइको माको दोअ्‌का काथा रेम्‍फा गेलि दोन्‍हाहि।