लुका 7:6 - धिमाल

⁶ इसिका बिनइ हिङतेङ इसु एम्‍बालाइदोफाङ हानिहि। साअ् भेर्पा थुकालिलोलाउ कप्‍तान ताइको सानाइतिगेलाइहेङ इसुकोता इसिका बानाल पिगिल्‍हि, “प्रभु, तु: मापा, नासेहेङ ताइको साअ्‌लिता चुमपुलि सोबाइका का मान्‍थुघा।

Dhimal NT

⁶ येसु उङको द्‍याङगेलाइ दोफा हानिहि, वा साअ् थुकालि दुरे दोङ हिलाउ कप्तान ताइको सानाइतिगेलाइहेङ वाको दोफा एसा दोअ्लि दोअ्तेङ सेउपालि दिङगिल्हि, हे प्रभु, नाअ् काङको साअ्ता लोलि दुख मापापि नाअ् भाइका द्‍याङहेङ काङको साअ्ता खोकोइ टेकि पालि सोबाइका का मान्थुघा।

लुका 7:6 Iomraidhean Croise

मत्‍ति 20:28

जेसापा का द्‍याङको चान सेवा निङलि माको, कालाउ बुङ बोमिको सेवा पालि रो हेन्‍जाङहेङ लाअ्‌पाकाको मोल चुकाइतेङ ताइको बायु पिलि लोघा।”

मत्‍ति 3:11

“काचाहिँ नेलाइहेङ कुकरम लाअ्‌लिको भाअ्‌सिङ चिहोइ चिभुअ्‌लि पिखा, कालाउ बुङ कान्‍हुअ्‌सो लोका काखान्‍तेङ सरबङहिका हि, का वाको जुता चुमलि सोबाइका मान्‍थुघा। वा नेलाइहेङ पुनित हाङसा रो मेहोइ चिभुअ्‌लि प्‍यावा।

मर्कुस 5:24

कालाउ इसु याइरसदोफा हानेहि रो हेन्‍जाङ द्‍याङगेलाइ वासेहेङ पिताइहि। द्‍याङगेलाइ वाको कोरबितिङ गुल्‍सुमुल्‍सुलि तेङहि।

लुका 5:8

इदोइ तिङतेङ सिमोन पत्‍रुस इसुको खोकोइता सेउपातेङ दोअ्‌हि, “प्रभु, का कुकरमि हिघा, कासो दुरे योम!”

लुका 7:4

इङको आगुवागेलाइ इसुकोता लोतेङ बिनइ पातेङ दोअ्‌हि, “मास्‍टर, रोमि कप्‍तानको कामत्‍याहेङ एल्‍पापिनु रेम्‍का जेन्‍धावा।

लुका 7:5

हाइदोनु वा केलाइको जात्‍याहेङ माया पातेङ केलाइको भाअ्‌सिङ एलोङ कचहरिसाअ् बुङ धामपिका हि।”

लुका 7:7

का ताइमिङ बुङ नाङको भेर्पा लोलि सोबाइका मान्‍थुघा। कालाउ ना हुकुम खिनिङ पि, काङको कामत्‍या एलावा।

लुका 8:49

इसु एसा दोअ्‍काताङ पालाउ याइरसको साअ्‌सो एमि द्‌याङ लोतेङ याइरसहेङ दोअ्‌हि, “नाङको चामिन्‍दि सिलिदोहोइ, एला मास्‍टरहेङ तु: मापि।”

साल्न्हाका चात्या 10:38

परमेस्‍वर नासरतको इसुहेङ ताइकोङ पुनित हाङसा रो सरबङ वाता हुपिन्‍हा। परमेस्‍वर वाकोदोफा हिनाङसिङ वा भालाइको काम पातेङ दियाबलससो सान्‍ताइन्‍हाकालाइहेङ एल्‍पातेङ हिगिल्‍हि। हाइपानु परमेस्‍वर वाको दोफा हिघाहि।

याकुब 4:10

कालाउ नेलाइ प्रभुको आगाता नोइका जेङसुन्‍हा पानु वा नेलाइहेङ तोल्‍हायावा।

याकुब 4:6

कालाउ वा केलाइहेङ हेन्‍जाङ निगाहा प्‍यावा। हाइपानु पुनित धरमकिताबता इसिका लेखेन्‍हाका हि, “परमेस्‍वर तुजुक पाकालाइको खिलाप पाखे, कालाउ नोइकालाइर्‍हुता निगाहा पावा।”