लुका 5:8 - धिमाल

⁸ इदोइ तिङतेङ सिमोन पत्‍रुस इसुको खोकोइता सेउपातेङ दोअ्‌हि, “प्रभु, का कुकरमि हिघा, कासो दुरे योम!”

Dhimal NT

⁸ जेलाउ इदोइ तिङतेङ येसुको खोकोइता तुघुरतेङ सिमोन पतरुस दोअ्हि, हे प्रभु, काङकोसो एलाङ दोङ दुरे हाने हाइपालिपानु का पापि द्‍याङ हिघा।

लुका 5:8 Iomraidhean Croise

मत्‍ति 17:6

जेलाउ चात्‍यागेलाइ इदोइ हिङहि, कालाउ एम्‍बालाइ थितेङ पोम्‍भेलेहि।

मत्‍ति 2:11

कालाउ साअ्‌लिअ्‌ता दुल्‍तेङ एम्‍बालाइ जामालहेङ वाको आमाइ मरियम दोसा तिङहि रो तिर्‍हो थोतेङ वासेहेङ बाखिन्‍हि। कालाउ ताइको बाकस हेतेङ वासेहेङ सोना, मालामालाका धुमाना रो जाङका आतर ओल्‍हेपातेङ पिहि।

मत्‍ति 8:8

कालाउ बुङ काप्‍तान दोअ्‌हि, “ओइ प्रभु, नासेहेङ काङको सिता चुमपुलि लायकको का मान्‍थुघा। ना कथन खिनिङ धुइपि, कालाउ काङको कामत्‍या एलावा।

लुका 5:7

कालाउ एम्‍बालाइ भेनेङ नाउता हिका सानाइतिगेलाइहेङ साघाइलि भाअ्‌सिङ खुरको टिपनिहोइ काइहि। कालाउ एम्‍बालाइ लोतेङ हाया ओल्‍हेपालि तेङहि। हाया ओल्‍हेपाकाताङ पालाउ न्‍हेलोङ नाउताङ हाया पोङघातेङ नाउ दोङ दुबिलि तोम्‍हि।

लुका 5:9

हाइदोनु इदोइ झोको हेन्‍जा हाया देकाता सिमोन रो वाको सानाइतिगेलाइ बुङ भारभुसाइहि।

युहन्‍ना 11:32

जेलाउ मरियम इसु हिका थामेता लोहि रो वासेहेङ तिङहि, कोलाउ एसा दोअ्‌तेङ इङको वाको खोकोइता पोमभेलेहि, “प्रभु, ना इता हिकाहिनु ते काङको ओने मासिधावा।”

1 कोरिन्थि 13:12

एला केलाइ ना:का आइनाता तिङका भाइपाङ तिङन्‍हाखे। कालाउ इङको पहरचाहिँ गोताङ थोक फाइसालामपा तिनाङ। एला का आतुइसा खिनिङ गेखा, कालाउ इङकोपहरचाहिँ परमेस्‍वर काङको बारेता गोताङ काथा गिकाभाइपाङ का बुङ गोताङ थोक ग्‍याङका।