लुका 5:1 - धिमाल

¹ एनि इसु गनेसरेत दोअ्‌का चावान्‍दिको काम्‍बेता जाअ्‌तेङ हिघाहि। हेङसाङ द्‌याङगेलाइ परमेस्‍वरको कथन हिङलि गुल्‍सुमुल्‍सुपा लोहि।

Dhimal NT

¹ येसु एनि गेनेसरेत समुन्द्रको (या गालिल समुन्द्र भेनेङ मिङ) काम्भेता जाअ्तेङ हिघाहि, वाको द्‍यापाहाङ द्‍याङगेलाइ चेसुमेसुपा जोमदोङघाखे, इम्बालाइ परमेस्वरको बचन हिङलि खाङघाखे।

लुका 5:1 Iomraidhean Croise

मत्‍ति 11:12

चिभुअ्‌लि पिका युहन्‍नाको पहरसो एलाथिकापा सादेलको सारभि हापाङ आगाइदोङखे, कालाउ चेरफेअ्‌का द्‍याङगेलाइ बोलधाकाङ यासेहेङ रिम्‍खे।

मत्‍ति 14:34

ओदोइपार थुकाकान्‍हुअ्‌सो ओबालाइ गनेसरेतको माउजाता थुकालिलोहि।

मर्कुस 3:9

द्‍याङगेलाइको चेप्‍रेचेअ्‌कासो ताइमिहेङ मामिच्‍याको दोअ्‌तेङ वा चात्‍यागेलाइहेङ ताइको भाअ्‌सिङ एलोङ नाउ चुमालि लागाइहि।

मर्कुस 4:1

इसु आरोङ गालिल चावान्‍दिको काम्‍बेता बिद्‍या पिलि तेङहि। वाको कोरबितिङ हेन्‍जाङ द्‍याङगेलाइ जोम्‍नाङसिङ वा इनता हिका नाउता धोल्‍हि रो इन्‍ताङ योम्‍हि। द्‍याङगेलाइचाहिँ चावान्‍दिको काम्‍बेता दोङ योम्‍हि।

मर्कुस 5:24

कालाउ इसु याइरसदोफा हानेहि रो हेन्‍जाङ द्‍याङगेलाइ वासेहेङ पिताइहि। द्‍याङगेलाइ वाको कोरबितिङ गुल्‍सुमुल्‍सुलि तेङहि।

मर्कुस 6:53

चावान्‍दि पाराकान्‍हुअ्‌सो ओबालाइ गनेसरेतको दोअ्‌का थामेता थुकालिलोहि रो एम्‍बालाइ नाउ काम्‍बेता ताअ्‌हि।

लुका 12:1

इङको पहर इन्‍ता गान्‍देलि मादोपाङ हेन्‍जाङ द्‌याङगेलाइ जोम्‍नाङसिङ मिचामिच दोङ ज्‍याङभाइपा जेङका हिघाहि। कालाउ इङको पहर इसु लाम्‍फा ताइको चात्‍यागेलाइहेङ दोअ्‌हि, “नेलाइ फरिसिगेलाइको तोले फुलिपाका सोडासो जोगेतेङ हिसु! इङको सोडा नेलाइको कपटि आनिबानि एइ।

लुका 5:2

इसु चावान्‍दिको काम्‍बेता न्‍हेलोङ नाउ तिङहि। जालेघाकालाइ नाउ लाअ्‌तेङ जाले झादोङघाहि।

लुका 8:22

एनि इसु चात्‍यागेलाइदोसा नाउता धोल्‍तेङ ओबालाइहेङ दोअ्‌हि, “केलाइ चावान्‍दिको ओदोइपार हानाइने।” कालाउ ओबालाइ हानिहि।

लुका 8:23

हानेकाताङ पालाउ इसु नाउताङ जिम्‍हि। कालाउ चावान्‍दिता बारा दुम्‍भेर्मा लोलि तेङहि रो नाउता चि पोङघालि तोम्‍लाउ एम्‍बालाइ बारा आपतता परिहि।

लुका 8:33

इदोइ मासानगेलाइ इङको द्‌याङसो ओल्‍हेतेङ पायागेलाइ लिअ्‌ता दुल्‍हि। कालाउ इङको पायाको जेर धाअ्‌तेङ हानेलाउ आरदाङसो लेता चावान्‍दिता हुल्‍तेङ दुबितेङ सिहि।

लुका 8:45

इङको दोङ पहर इसु हिअ्‌हि, “कासेहेङ हासु साइहि?” कालाउ झाराङ, “काते साइनाङ मान्‍थुघा” दोअ्‌हि। कालाउ झाराङ “का ते साइनाङ मान्‍थुघा” दोअ्‌हि। कालाउ पत्‍रुस दोअ्‌हि, “मास्‍टर, नासेहेङ ते द्‌याङगेलाइको चेअ्‌सुमेअ्‌सु दोङ ठेलिदोङखे।”

युहन्‍ना 1:40

युहन्‍नाको दोअ्‌का काथा हिङतेङ इसुहेङ पिताइका न्‍हेमिता ए मिचाहिँ सिमोन पत्‍रुसको ओने अन्‍द्रियास हिघाखे।

युहन्‍ना 6:1

इङकोन्‍हुअ्‌सो इसु गालिलको चावान्‍दि पारातेङ ओदोइपार हानिहि। (जाइहेङ तिबेरियासको चावान्‍दि बुङ दोअ्‌खे।)