लुका 4:41 - धिमाल

⁴¹ हेन्‍जाङ द्‌याङगेलाइसो मासानगेलाइ र्‍हिकाइतेङ एसा दोअ्‌तेङ ओल्‍हेहि, “ना परमेस्‍वरको चान हिना।” कालाउ इसु इङको मासानगेलाइहेङ सिकापा हिसु दोअ्‌तेङ नुइ धुइलि दोङ मापिहि। हाइदोनु वा मुक्‍ति पिका ख्रिस्‍ट हि दोअ्‌तेङ एम्‍बालाइ नाल्‍घाखे।

Dhimal NT

⁴¹ हेन्जाङ द्‍याङगेलाइसो भुत-आत्मागेलाइ बाहार ओल्लेतेङ हानिहि भुत-आत्मागेलाइ आहुतेङ हिघाहि, नाअ् परमेस्वरको चान हिना। कालाउ येसु भुत-आत्मागेलाइहेङ सिकापा हिलि आग्या पाहि, येसु दोङ ख्रिस्ट हि दोअ्तेङ भुत-आत्मागेलाइ गिका हिघाहि।

लुका 4:41 Iomraidhean Croise

मत्‍ति 26:63

कालाउ बुङ इसु सिपापा हि। बारा धामि वासेहेङ दोअ्‌हि, “सिन्‍हुका परमेस्‍वरको मिङता केरा चातेङ केलाइहेङ दोअ्, हाइ ना परमेस्‍वरको चान ख्रिस्‍ट हिन्‍हा?”

मत्‍ति 4:3

कालाउ दियाबलस वाकोता लोतेङ दोअ्‌हि, “ना परमेस्‍वरको चान हिन्‍हा पानु इदोइ उन्‍ठुइगेलाइहेङ तोले जेनाको दोअ्‌तेङ हुकुम पि।”

मत्‍ति 8:16

जेलाउ बेल्‍हाहि, कालाउ द्‍याङगेलाइ वाकोता मासान खोअ्‌का हेन्‍जाङहेङ चुमाहि। इसु बचनसो दोङ मासानगेलाइहेङ ओल्‍हेपाहि रो जेथे मासाअ्‌धेकालाइ हिघाखे, एम्‍बालाइ झाराङहेङ एल्‍पाहि।

मत्‍ति 8:29

एम्‍बालाइ एसा दोअ्‌तेङ र्‍हिकाइहि, “ओइ परमेस्‍वरको चान, नाङको केलाइदोफा हाइ मतलब? नियाको पहर माथुकासिङ केलाइहेङ हाइपालि साजाइ पिलि लोका हिन्‍हा?”

मत्‍ति 8:4

कालाउ इसु इङकोहेङ दोअ्‌हि, “इदोइ काथा हासुहेङ मादोअ्, कालाउ बुङ हाने रो ताइमि एल्‍का धामिहेङ तिङपा। कालाउ मोसा आर्‍हाइका भाइपा नाङको चार्‍हाइका भेटि दासिको आकारता ज्‍याको।”

मर्कुस 1:25

कालाउ बुङ इसु इङको वासेहेङ एसा दोअ्‌तेङ हाकाराइहि, “सिकापा हि रो इङकोसो ओल्‍हेतेङ हाने।”

मर्कुस 1:32

बेला दुबिकान्‍हुसो द्‍याङगेलाइ वाकोता मासाअ्‌धेकालाइ रो मासान खोअ्‌कालाइ झाराङहेङ चुमाहि।

मर्कुस 1:34

इसु हेन्‍जाङ खालको मासाअ्‌धेकालाइहेङ एल्‍पाहि रो हेन्‍जाङ कातामुन्‍डागेलाइहेङ ओल्‍हेपाहि, कालाउ बुङ मासानगेलाइ वासेहेङ नाल्‍का हिनाङसिङ इसु एम्‍बालाइहेङ धुइलि मापिहि।

मर्कुस 3:11

जेलाउ मासान वासेहेङ तिङघाखे, कोलाउ वाको आगाता तिर्‍हो थोतेङ एसा दोअ्‌तेङ र्‍हिकाइघाखे, “ना परमेस्‍वरको चान हिन्‍हा।”

लुका 4:39

इसु वाको भेर्पाङ हानितेङ मेसाहेङ हाकाराइहि रो ओदोङघरि मेसा एल्‍हि। कालाउ वा ल्‍होतेङ ओबालाइको सेवा पालि तेङहि।

युहन्‍ना 20:31

कुलाउ इदोइ लेखेन्‍हाका हि, नेलाइ इसु परमेस्‍वरको चान, ख्रिस्‍ट हि दोअ्‌तेङ खान्‍धुर पासु। खान्‍धुरसो वाको मिङता नेलाइ असिम ज्‍यान निङसु।

याकुब 2:19

परमेस्‍वर एलोङ हि दोअ्‌तेङ नेलाइ खान्‍धुर पासुखेना। इदोइ रेम्‍काङ काथा एइ। इसिकाङ खान्‍धुर दुरजन हाङसागेलाइ बुङ पाखे कालाउ एम्‍बालाइ थितेङ फिरखे।