लुका 4:23 - धिमाल

²³ कालाउ इसु दोअ्‌हि, “एला पाक्‍का बुङ नेलाइ कासेहेङ ‘ओइ बोइद्‍या! ना ताइमिहेङ एल्‍पा’ कालाउ ‘कफर्नहुमता पाकाभाइपाङ ताइको देराता बुङ भारभुसाइका काम पा’ दोअ्‌स्‍वाना।”

Dhimal NT

²³ येसु ओबालाइहेङ दोअ्हि, का गिखा कि नेलाइ कासेहेङ या निङपिकासो दोअ्स्वाना, ओइ बैधे! ताइमिहेङ एल्पा। नाअ् जेदोङ कर्फनहुम सहरता पान्हा ओदोङ केलाइ हिङन्हाहि। एला नाअ् ताइको देराता बुङ एन्साङ पाअ्‌।

लुका 4:23 Iomraidhean Croise

मत्‍ति 13:54

कालाउ ताइमि हुर्किका पुरता लोतेङ वा एम्‍बालाइको कचहरिसाअ्‌ता एम्‍बालाइहेङ इसिका बिद्‌या पिलाउ एम्‍बालाइ भारभुसाइ तेङ एम्‍बालाइ दोअ्‌हि, “यासेहेङ इदोइ आकिल रो भारभुसाइका काम पाका सरबङगेलाइ हितासो निङहि?

मत्‍ति 4:13

रो वा नासरत लाअ्‌तेङ कफर्नहुम पुरता हानितेङ इन्‍ता हिलि तेङहि। इदोइ पुर जबुलुन रो नप्‍तालिको माउजाता गालिल चावान्‍दिको काम्‍बेता हिघाहि।

मत्‍ति 4:23

कालाउ इसु एम्‍बालाइको कचहरिसाअ्‌गेलाइता धिरपातेङ, सादेलको सारभिको रेम्‍काबानाल हिङपातेङ रो द्‍याङगेलाइता हिका गोताङ खाल्‍को रोगगेलाइ एल्‍पातेङ गालिलको गोताङ थामेगेलाइता घुराइगिल्‍हि।

मर्कुस 6:1

इसु इङको थामे लाअ्‌तेङ ताइमि हुर्किका पुर नासरतता घुरिहि। वाको चात्‍यागेलाइ बुङ वाकोङदोफा हानेहि।

लुका 2:39

प्रभु परमेस्‍वरको नियमता दोअ्‌काआन्‍सार पालिगोइका गोताङ काम पालिदोतेङ योसेफ रो मरियम जामाल इसुहेङ चुमपुतेङ गालिलको ताइको पुर नासरतता घुरिहि।

लुका 2:51

कालाउ जामाल इसु ओबालाइदोफाङ नासरतता घुरितेङ आबा आमाइको दोअ्‌का मानेतेङ हि। कालाउ वाको आमाइ इदोइ गोताङ काथागेलाइ मानिल्‍सिङ ताइको मनताङ ताअ्‌हि।

लुका 4:16

इसु नासरत पुरता लोहि। जेता वा हुर्किका हिघाहि। दिनाङ भाइपाङ वा पुनित माइसाका दिना कचहरिसाअ्‌ता हानिहि रो धरम किताब पर्‍हेलि जाअ्‍हि।

लुका 4:31

इङकोन्‍हुअ्‌सो इसु गालिल माउजाको कफर्नहुम दोअ्‌का पुरता लोहि। माइसाका दिनाता वा द्‌याङगेलाइहेङ धिरपाघाहि।

लुका 4:35

इदोइ हिङतेङ इसु इङको मासानहेङ हाकाराइतेङ दोअ्‌हि, “सिकापाहि रो इदोइ द्‌याङसो ओल्‍हितेङ हाने!” इङको द्‌याङहेङ झाराङको आगाता लोम्‍पातेङ मासान ओल्‍हेतेङ हानेहि। कालाउ वासेहेङ हाइदोङ चोट पटक मालागिहि।

लुका 6:42

ताइको मिँको धेङग्रा मातिङकालाइ ताइको दादा ओनेहेङ हेसापा दोअ्‌लि दोस्‍वाना, ‘खोइ खोइ, नाङको मिँको धुला ओल्‍हेपाप्‍याङका।’ ओइ चिम्‍काटागेलाइ! लाम्‍फा ताइको मिँको धेङग्रा ओल्‍हेपा कालाउ खिनिङ बोमिको मिँको धुला ओल्‍हेपालि तिङस्‍वाना।”

युहन्‍ना 4:28

कोलाउ इङको बेबाल ताइको घाइला इन्‍ताङ लाअ्‌धितेङ साअ्‌भारि हानिहि रो द्‍याङगेलाइहेङ दोअ्‌हि,