लुका 4:18 - धिमाल

¹⁸ प्रभु परमेस्‍वर ताइको हाङसा काङकोर्‍हुता हुपिका हि, गरिबगेलाइहेङ रेम्‍काबानाल हिम्‍पालि वा कासेहेङ अभिसेक पातेङ दिङगिल्‍का हि। कैदिगेलाइहेङ लाअ्‌पालि, कान्‍हागेलाइहेङ तिङका बान्‍हाइलि, आन्‍याएता परिकालाइहेङ ल्‍होपालि

Dhimal NT

¹⁸ प्रभुको आत्मा काङको ह्रुता हि, हाइपालिपानु गरिबगेलाइहेङ प्राचार पालिको भाअ्सिङ कासेहेङ आबिसेक पाका हि। कैदिगेलाइहेङ लाअ्पालिको भाअ्सिङ, कालाउ कान्हाँगेलाइहेङ तिङपालि दोपालि, हेन्जाङ आत्याचारता परिकालाइहेङ लाअ्पालिको भाअ्सिङ,

लुका 4:18 Iomraidhean Croise

मत्‍ति 11:5

कान्‍हागेलाइ तिनावा रो नेङगारागेलाइ त्‍यावा। रोग्‍याल्‍होकालाइ एलावा। न्‍हातोङ माहिङकालाइ हिङलि दोका जेङका हि। सिकालाइ सिन्‍हुतेङ ल्‍होका हि रो निरधनगेलाइहेङ रेम्‍काबानाल हिङपादोङखे।

मत्‍ति 12:18

“खाङसु, का साल्‍का काङको मोन्‍दाताका सेबक या दोङ हि। वासेहेङ का हेन्‍जाङ दायाखा रो वादोफा का हेन्‍जा लेङचाका हिघा, का ताइको हाङसा वासेहेङ प्‍याङका कालाउ वा जात्‍या जात्‍याको द्‍याङगेलाइहेङ नियाको पारचार पावा।

मत्‍ति 12:20

भोइका नाले वा माथुरावा, सिलितोम्‍का गिसा वा मासेअ्‌तावा, रो न्‍हुअ्‌सो निसापहेङ जितिकाथिकापा थुकापावा।

मत्‍ति 4:16

कितिकितिकाता हिका द्‍याङगेलाइ एलोङ बाराका जोल्‍का तिङका हि। सिलि गोइका काथाता थितेङ हिकालाइर्‍हुता एलोङ जोल्‍का चिल्‍काका हि।”

मत्‍ति 5:3

“परमेस्‍वरको आगाता ताइमिहेङ हाइदोङ माको दोअ्‌तेङ फोमपाकालाइ सहसाम्‍पा निङकालाइ ज्‍याङ, हाइदोनु सादेलको सारभि एम्‍बालाइको ज्‍यावा।

लुका 4:17

वासेहेङ यसैया आगाधुइकाको लेखेका किताब पर्‍हेलि पिहि। कालाउ किताब हेतेङ वा इसिका लेखेका ओल्‍हेपातेङ पर्‍हेहि:

लुका 6:20

इङकोन्‍हुअ्‌सो इसु ताइको चात्‍यागेलाइहेङ खाङतेङ दोअ्‌हि, “जाइ हाइदोङ मान्‍थुकालाइ, नेलाइ हेथे आसिसित हिसुन्‍हा! हाइदोनु सादेलको सारभि नेलाइकोङ।

लुका 7:22

इसु युहन्‍नाको चात्‍यागेलाइहेङ दोअ्‌हि, “नेलाइ जेदोङ तिङका रो हिङका हिसुन्‍हा हानेतेङ इङकोङ काथा दोङ युहन्‍नाहेङ दोअ्‌पिसु: मिँ मातिङकालाइ तिङलिदोहि, तेलि मादोकालाइ तेलिदोहि, रोग्‍यागेलाइ सुचि जेङदोङ खे, न्‍हातोङ माहिङकालाइ हिङलिदोहि, सिकालाइ सिन्‍हुदोङखे रो पिर गरिबगेलाइ परमेस्‍वरको रेम्‍काबानाल हिङलि निङदोङखे।

युहन्‍ना 1:41

वा लाम्‍फा ताइको दादा सिमोनहेङ दुसुहि रो वासेहेङ दोअ्‌हि, “केलाइ मसिहहेङ (हिब्रु राउता जाइको माने ख्रिस्‍ट एइ) दुसुन्‍हाका हिन्‍हाहि।”

युहन्‍ना 12:46

का दुनियाता जोल्‍का जेङतेङ लोका हिघा, कोलाउ कासेहेङ खान्‍धुर पाका कितिकितिकाता माह्‍याको।

युहन्‍ना 3:34

हाइदोनु जाइहेङ परमेस्‍वर दिङगिल्‍हि, इङको परमेस्‍वरको बचन धुइखे। हाइपानु परमेस्‍वर मादोङसिङ पुनित हाङसा पिखे।

साल्न्हाका चात्या 10:38

परमेस्‍वर नासरतको इसुहेङ ताइकोङ पुनित हाङसा रो सरबङ वाता हुपिन्‍हा। परमेस्‍वर वाकोदोफा हिनाङसिङ वा भालाइको काम पातेङ दियाबलससो सान्‍ताइन्‍हाकालाइहेङ एल्‍पातेङ हिगिल्‍हि। हाइपानु परमेस्‍वर वाको दोफा हिघाहि।

साल्न्हाका चात्या 26:18

ना एम्‍बालाइको मिँ हेपितेङ एम्‍बालाइहेङ कितिकितिकासो फाइसालामकाता, दियाबलसको सरबङसो परमेस्‍वरभारि घुरिपालि गोयाना। एम्‍बालाइ कार्‍हुता खान्‍धुर पाखे कालाउ एम्‍बालाइको कुकरम मेटिन्‍हावा रो एम्‍बालाइ परमेस्‍वरको साल्‍तेङ दिङगिल्‍का जनगेलाइको निङका एबाखारा निनावा।’

साल्न्हाका चात्या 4:26

परमप्रभुको खिलापता रो ख्रिस्‍टको खिलापता सुमिङको राजागेलाइ जाअ्‌हि, हाकिमगेलाइ एदोसाङ जोम्‍हि।’

साल्न्हाका चात्या 4:27

“हाइदोनु ना अभिसेक पाका, नाङको पुनित सेबक इसुको खिलापता हेरोद रो पन्‍तियस पिलातस न्‍हेमिङ, बोजात्‍या रो इस्राएलिगेलाइदोफा इदोङ पुरता जोम्‍का हिघाखे।

कलस्सि 1:13

परमेस्‍वर दोङ केलाइहेङ दियाबलसको सरबङसो छुटकारा पिका हि। कालाउ वा केलाइहेङ ताइको दायाका चानको सारभिता चुमाका हि।

याकुब 2:5

काङको मोन्‍दाताका दादाओने बाइओनेगेलाइ, हिङसु हाइ परमेस्‍वर दुनियाको निरधनहेङ खान्‍धुरता धनि बान्‍हाइलि रो कबोल पाका सारभि वासेहेङ इन्‍ताना पाकालाइहेङ पिलि मासाल्‍हि कुनु?

1पतरुस 2:9

कालाउ बुङ नेलाइ ते परमेस्‍वर साल्‍का खालगेलाइ, राजाको धामिगेलाइ, पुनित जात्‍यागेलाइ, परमेस्‍वरको ताइकोङ राइतिगेलाइ एइ। वा नेलाइहेङ कितिकितिकासो वाको भारभुसाइका फासालाम्‍काता चुमाहि। कालाउ नेलाइ वाको भारभुसाइका कामगेलाइ पारचार पालि दोसु।