लुका 3:16 - धिमाल

¹⁶ एन्‍साजेङलाउ युहन्‍ना झाराङहेङ दोअ्‌हि, “का ते नेलाइहेङ चिहोइ चिभुअ्‌लि पिखा। कालाउ का खान्‍तेङ बारा सरबङहिका एमि लोदोङखे। का ते वाको जुता होअ्‌पिलि सोबाइका मान्‍थुघा। वा नेलाइहेङ पुनित हाङसा रो मेहोइ चिभुअ्‌लि प्‍यावा

Dhimal NT

¹⁶ युहान्‍ना झाराङहेङ जोबाफ पिहि, का नेलाइहेङ चिको बप्तिस्ता पिखा, का न्हुसो जाइ एमि ल्वाङ वा दोङ का खान्तेङ हेन्जा माहान हि कालाउ का वाको जुत्ताको तुना बुङ खाइलि थेकापा सोबाइका मान्थुघा, वा दोङ नेलाइहेङ पबित्तरो आत्मा कालाउ मेको बप्तिस्ता प्यावा।

लुका 3:16 Iomraidhean Croise

मत्‍ति 3:11

“काचाहिँ नेलाइहेङ कुकरम लाअ्‌लिको भाअ्‌सिङ चिहोइ चिभुअ्‌लि पिखा, कालाउ बुङ कान्‍हुअ्‌सो लोका काखान्‍तेङ सरबङहिका हि, का वाको जुता चुमलि सोबाइका मान्‍थुघा। वा नेलाइहेङ पुनित हाङसा रो मेहोइ चिभुअ्‌लि प्‍यावा।

मत्‍ति 3:12

वाको पाचिका राअ् वाकोङ खुरता हि। वा ताइको खाइर्‍हामहेङ थाइथाइ पावा रो ताइको आनाज भाकारता जोम पावा। कालाउ बुङ पितानाचाहिँ हेअ्‌लाउ मासिका मेता ओअ्‌पावा।”

युहन्‍ना 1:26

युहन्‍ना एम्‍बालाइहेङ दोअ्‌हि, “का ते चिहोइ चिभुअ्‌लि पिखा, कुलाउ नेलाइको माझाता एमि जाअ्‌का हि, जाइहेङ नेलाइ मानालसुखेना।

युहन्‍ना 1:27

कान्‍हुअ्‌सो लोका वा दोङ हि। का वाको जुताको तुना खाइलि लायकको बुङ मान्‍थुघा।”

युहन्‍ना 1:33

का वासेहेङ नाल्‍का मान्‍थुघाघा, कुलाउ जाइ कासेहेङ चिहोइ चिभुअ्‌लि पिलि दोअ्‌तेङ दिङगिल्‍हि, वा दोङ कासेहेङ एसा दोअ्‌का हिघाहि, ‘जाइर्‍हुता ना परमेस्‍वरको हाङसाहेङ खुअ्‌तेङ रो न्‍होअ्‌तेङहिका तिनाना, पुनित हाङसाहोइ चिभुअ्‌लि पिका वा दोङ हि।’

युहन्‍ना 7:38

जाइ कार्‍हुता खान्‍धुर पाखे, धरमकिताबको दोअ्‌कामाफिक ‘इङकोको कोन्‍धाङलिअ्‌तासो सिन्‍हुका चिको झोरागेलाइ झोतेङ ओल्‍ह्‍यावा।’”

साल्न्हाका चात्या 1:5

युहन्‍ना ते चिको चिभुअ्‌लि पिघाखे, कालाउ एलाको आसा दिनान्‍हुअ्‌सो नेलाइ पुनित हाङसाको चिभुअ्‌लि निङस्‍वाना।”

साल्न्हाका चात्या 10:44

पत्‍रुस इदोइ काथा धुइकाधुइकाताङ कथन हिङका झाराङर्‍हुता पुनित हाङसा खुअ्‌हि।

साल्न्हाका चात्या 2:33

इदोङखातिर परमेस्‍वर आबा इसुहेङ तोल्‍हेतेङ ताइको दाम्‍पाहा योम्‍पाहि रो ताइको कबोलमाफिक वासेहेङ पुनित हाङसा पिहि। इङकोङ पुनित हाङसा प्रभु इसु एला केलाइहेङ पिका हि, जेदोङ काथा नेलाइ एला हिङतेङ रो तिङतेङ हिसुखेना।

1 कोरिन्थि 12:13

केलाइ यहुदि हिलाउ बुङ, बो जात्‍या हिलाउ बुङ, बान्‍धाइ हिलाउ बुङ, फुक्‍का हिलाउ बुङ, केलाइ झाराङ एलोङदोङ पुनित हाङसासो चिभुअ्‌लि निङका हिन्‍हाहि। कालाउ केलाइ झाराङ एलोङदोङ पुनित हाङसा निङका हिन्‍हाहि।