लुका 3:12 - धिमाल

¹² पोत ल्‍होपाकालाइ बुङ चिभुअ्‌लि र्‍हुलि लोतेङ युहन्‍नाहेङ हिअ्‌हि, “मास्‍टर, केलाइ हाइपालि गोयाङ कुनु?”

Dhimal NT

¹² पोत ल्होपाकालाइ बुङ युहान्नाकोता बप्तिस्ता ह्रुलि लोहि कालाउ वासेहेङ हिअ्हि, “गुरु ज्यु, केलाइ हाइ पालि गोयाङ?”

लुका 3:12 Iomraidhean Croise

मत्‍ति 5:46

ताइमिहेङ माया पाकालाइहेङ खिनिङ इन्‍ताना पासुन्‍हा पानु नेलाइ हाइ इनाम निङलि दोस्‍वाना कुनु? हाइ तिरो ल्‍होपाकालाइ बुङ एन्‍साङ मापाखे कुनु?

लुका 18:13

“कालाउ लेबि द्‌याङ बुङ दुरेङ जाअ्‌तेङ सादेल भारि खाङलि आँट दोङ मापासिङ तुम्‍ता थेतेङ दोअ्‌हि, ‘परमेस्‍वर आबा, का भाइका कुकरमिहेङ दाया पा!’”

लुका 3:10

द्‌याङगेलाइ युहन्‍नाहेङ हिअ्‌हि, “एन्‍सा पानु केलाइ हाइपालि गोयाङ कुनु?”

लुका 3:13

युहन्‍ना एम्‍बालाइहेङ दोअ्‌हि, “सारकारको तोकिका खान्‍तेङ हेङसा पोत माल्‍होपासु।”

लुका 7:29

कालाउ युहन्‍नाको काथा हिङतेङ द्‌याङगेलाइ रो पोत ल्‍होपाकालाइ परमेस्‍वरको हुकुम ठिक हि दोअ्‌तेङ युहन्‍नासो चिभुअ्‌लि र्‍हुहि।

साल्न्हाका चात्या 2:37

यिदोइ काथा हिङतेङ एम्‍बालाइको कोन्‍धाङ कानाङकाना जेङहि। कालाउ पत्‍रुस रो बो साल्‍तेङ दिङगिल्‍कालाइहेङ एम्‍बालाइ हिअ्‌हि, “ओइ दादाओनेगेलाइ, केलाइ हाइ पालि?”