लुका 3:11 - धिमाल

¹¹ वा एम्‍बालाइहेङ दोअ्‌हि, “न्‍हेलोङ लोखोन हिकालाइ लोखोन मान्‍थुकालाइहेङ प्‍याको। एन्‍साङ पातेङ चाका हिकालाइ मान्‍थुकालाइहेङ प्‍याको।”

Dhimal NT

¹¹ युहान्‍ना इम्बालाइहेङ जोबाफ पिहि, जेसापा नेलाइ दोफा न्हेनोङ लोखन हिनु भेनेङ माहिकाहेङ एनोङ पिसु, चाका-आम्का हिनु बुङ मान्थुकालाइहेङ बाखाराइपिसु।

लुका 3:11 Iomraidhean Croise

मत्‍ति 25:40

“कालाउ राजा नेलाइहेङ दोअ्‌तावा, ‘जातिङको, का नेलाइहेङ दोअ्‌खा, नेलाइ इदोइ काङको ओनेगेलाइता झाराङखान्‍तेङ म्‍हुइका एमिहेङ जेदोङ झोको पासुन्‍हा, इङको नेलाइ कासेहेङ दोङ पासुन्‍हा।’

लुका 11:41

नेलाइदोफा हिका थोकगेलाइ हाइदोङ मान्‍थुकालाइहेङ पिसु। कालाउ नेलाइको भाअ्‌सिङ गोताङ थोक सुचि जेनावा।

लुका 18:22

इदोइ हिङतेङ इसु वासेहेङ दोअ्‌हि, “ना आरोङ बुङ एलोङ काम पालि गोइका हिदोङ हि। नाङको दोफा हिका गोताङ टाका काउरि पिअ्‌तेङ हाइदोङ मान्‍थुकालाइहेङ बाखाराइपि। कालाउ खिनिङ ना सादेलको टाका निनाना। कालाउ ना लोतेङ कासेहेङ पिताइ।”

लुका 19:8

कालाउ जखायस प्रभुको आगाता जाअ्‌तेङ दोअ्‌हि, “प्रभु, काङकोदोफा हिका ताका काउरिको आधे भाग मान्‍थुकालाइहेङ बाखाराइ प्‍याङका। कालाउ हासुदोफा बुङ धाताइतेङ हेन्‍जा ल्‍होपाका हिघा पानु का इङकोको द्‌या गुना घुरिपाप्‍याङका।”

युहन्‍ना 13:29

हाइदोनु आधेमि इदोइ फोमपाहि, यहुदा दोफा टाकाको जाबि हिनाङ इसु इङकोहेङ पारबाको भाअ्‌सिङ गोइका आनेमाने चोलाको रो निरधनगेलाइहेङ आधे प्‍याको दोअ्‌का एइ।

साल्न्हाका चात्या 10:2

वा परमेस्‍वरहेङ मान पाघाखे रो वा रो वाको गोताङ खाल परमेस्‍वरता थिघाखे। वा मानथुकालाइहेङ साघाइघाखे रो दिनाङ परमेस्‍वरदोफा पुकार पाघाखे।

साल्न्हाका चात्या 10:31

रो दोअ्‌हि ‘कर्नेलियस, परमेस्‍वरको आगाता नाङको पुकारको हिङन्‍हाका हि रो नाङको मान्‍थुकालाइहेङ पिकाको फोम जेङका हि।

साल्न्हाका चात्या 10:4

कर्नेलियस थितेङ सादेलचरहेङ खाङहि रो दोअ्‌हि, “प्रभु, दोअ्।” कालाउ सादेलचर कर्नेलियसहेङ दोअ्‌हि, “नाङको पुकार रो ना मान्‍थुकालाइहेङ साघाइका परमेस्‍वरको आगाता थुकाका हि।

1तिमोथि 6:17

एला इदोइ दुनियाता गिर्‍हि जेङकालाइहेङ तुजुक मापालि दोअ्। कालाउ एम्‍बालाइको ताकाकाउरि दिनाङको भाअ्‌सिङ हितेङ माह्‍यावा। कालाउ केलाइको सुखको भाअ्‌सिङ गोताङ थोक होपाङ पिका परमेस्‍वरताङ भर ताअ्‌सु दोअ्‌तेङ एम्‍बालाइहेङ हुकुम पि।

1तिमोथि 6:18

भालाइ जेङका काम पालि, भालाइ पातेङ धनि जेङलि, खुला मनको जेङलि रो जेलाउ बुङ बोमिहेङ पिलि त्‍यार जेङलि दोअ्‌तेङ एम्‍बालाइहेङ दोअ्।

याकुब 1:27

परमेस्‍वर आबाहेङ मोन्‍दाताका जातिङको काथा इदोङ एइः तु:ता वालाका राँदि रो माउर्‍या माउर्‍याइनिहेङ सामर्‍हाइलि रो दुनियाको मारेम्‍का काथासो खेङन्‍हालि एइ।

याकुब 2:14

काङको दादाओने बाइओनेगेलाइ, जेदोङ द्‍याङ का खान्‍धुर पाखा दोअ्‌खे, कालाउ खान्‍धुरमाफिक कामचाहिँ मापाखे पानु, हाइ रेम्‍का जेङहि कुनु? हाइ इङकोको खान्‍धुरहोइ इङकोहेङ बान्‍चेपालि द्‌वावा कुनु?

१ युहन्‍ना 3:17

हासुङदोसा दुनियाको ताकाकाउरि हितेङ बुङ ताइको दादाओने बाइओनेगेलाइहेङ हारजाता हिका तिङलाउ बुङ ताइको मन थाङ पाखे पानु, हेसापा इङकोदोफा परमेस्‍वरको माया हिखे कुनु?

१ युहन्‍ना 4:20

एदि हासुङ “का परमेस्‍वरहेङ माया पाखा” दोअ्‌खे, कालाउ ताइको दादाओने बाइओनेहेङ दिगमिग पाखे पानु इङको असत एइ। हाइदोनु ताइमिको तिङका दादाओने बाइओनेहेङ माया पालि मादोखे पानु मातिङका परमेस्‍वरहेङ हेसापा माया पालि द्‌वावा?