लुका 24:7 - धिमाल

⁷ ‘का द्‍याङको चानहेङ कुकरमि द्‍याङको खुरता सुमप्‍यावा। कुरुसता टाङगाइतेङ सेअ्‌तावा रो सुम्‍निता आरोङ सिकासो सिन्‍हुताङका’ दोअ्‌का काथा हाइ नेलाइहेङ फोम मान्‍थु?”

Dhimal NT

⁷ कि का द्‍याङको चान आबस्य दोङ पापि द्‍याङगेलाइको खुरता सुम्पि प्यावा कालाउ क्रुस्टा तोइयावा कालाउ सिकाको सुम्निता सिन्हुतेङ ल्होकाङ।

लुका 24:7 Iomraidhean Croise

मत्‍ति 16:21

इङको दिनासो इसु चात्‍यागेलाइहेङ हेतेङ गोताङ काथा दोअ्‍लि तेङहि। का यरुसलेमता हानाङका रो इन्‍ता आगुवागेलाइ, मुल धामिगेलाइ, धरममास्‍टरगेलाइसो हेन्‍जा तु: निङचाङका, सेअ्‍न्‍हाङका रो सुम्‍नि दिनाता आरोङ सिकासो सिन्‍हुतेङ ल्‍होपान्‍हाङका।

लुका 24:26

हाइ आदर रो प्रताप निङकाखान्‍तेङ लाम्‍फा ख्रिस्‍ट तु: भोगेलि मागोइधाङ कुनु?”

लुका 24:46

“धरमकिताबता इसिका लेखेका हि: मुक्‍ति पिका ख्रिस्‍ट तु: भोगितेङ सुमनिता आरोङ सिकासो सिन्‍हुतावा।

गलाति 2:15

केलाइ ते जोलोमसोङ यहुदि रो नियम मामानेका बो जात्‍यागेलाइ भाइका कुकरमि माको।