लुका 24:44 - धिमाल

⁴⁴ कालाउ वा दोअ्‌हि, “का नेलाइ दोफा हिलाउ दोअ्‌का कथनगेलाइ एला पुरा जेङलि लोका हि। ‘काङको बारेता नियम, आगाधुइकाको किताबगेलाइ रो लेको किताबता लेखेन्‍हाका गोताङ काथा पुरा जेङलि गोयाङ’ दोअ्‌तेङ का नेलाइहेङ दोअ्‌काङ हिघाखा!”

Dhimal NT

⁴⁴ कालाउ येसु ओबालाइहेङ दोअ्हि, जेलाउ का नेलाइ दोफा हिघाखा का हाइ दोअ्घा इङको फोम पासु। का दोअ्घा, मोसाको व्यवस्थाता, परमेस्वरको बक्तागेलाइको पुस्तकता कालाउ भजन सङग्रहता काङको बिसोइता लेखेका गोताङ काथा पुरा जेनाको।

लुका 24:44 Iomraidhean Croise

मत्‍ति 1:22

परमेस्‍वरसो आगाधुइकासो परमप्रभुको धुइका कथन पोङघालि दोङ इदोइ गोताङ जेङका एइ:

मत्‍ति 16:21

इङको दिनासो इसु चात्‍यागेलाइहेङ हेतेङ गोताङ काथा दोअ्‍लि तेङहि। का यरुसलेमता हानाङका रो इन्‍ता आगुवागेलाइ, मुल धामिगेलाइ, धरममास्‍टरगेलाइसो हेन्‍जा तु: निङचाङका, सेअ्‍न्‍हाङका रो सुम्‍नि दिनाता आरोङ सिकासो सिन्‍हुतेङ ल्‍होपान्‍हाङका।

मत्‍ति 26:54

कालाउ बुङ का र्‍हेनु ते धरमकिताबता कासेहेङ इसिका जेङलिगोयाङ दोअ्‌तेङ लेखेन्‍हाका काथा हेसापा पोङघालि द्‍वावा कुनु?”

मत्‍ति 26:56

कालाउ बुङ आगाधुइकालाइ धरमकिताबता लेखेका काथा पोङघाको दोअ्‌तेङ दोङ इदोइ गोताङ जेङलि लोका हिघाहि।” कालाउ झाराङ चात्‍यागेलाइ इसुहेङ लाअ्‌तेङ खाअ्‌हि।

मर्कुस 9:31

हाइपानु इसु ताइको चात्‍यागेलाइहेङ खिनिङ हिङपालि भोघाहि। वा एम्‍बालाइहेङ दोअ्‌हि, “का द्‍याङको चान द्‍याङगेलाइकोङ खुर्ता प्‍यावा। एम्‍बालाइ वासेहेङ सेअ्‌तावा रो वा सेअ्‌काको सुम्‍नि दिनान्‍हुसो आरोङ सिन्‍हुतेङ ल्‍होकावा।”

लुका 21:22

हाइदोनु धरम किताबता लेखेन्‍हाका गोताङ काथा पुरा जेङलिको भाअ्‌सिङ इदोइ डाँडको बेला ल्‍वावा।

लुका 22:37

हाइदोनु का नेलाइहेङ दोअ्‌खा, धरम किताबता ‘वा आपाराधिगेलाइदोफा गान्‍देन्‍हाहि’ दोअ्‌तेङ लेखेन्‍हाका काथा काङको ज्‍यानता पोङघा जेङलि दोङ गोयाङ। जातिङको काङको बारेता लेखेन्‍हाका काथा पुरा बुङ जेङदोङ खे।”

लुका 24:46

“धरमकिताबता इसिका लेखेका हि: मुक्‍ति पिका ख्रिस्‍ट तु: भोगितेङ सुमनिता आरोङ सिकासो सिन्‍हुतावा।

लुका 9:22

कालाउ इङकोन्‍हुअ्‌सो वा एम्‍बालाइहेङ काथा गेपातेङ दोअ्‌हि, “का द्‌याङको चान हेन्‍जाङ पिर, पिर भोगेलि गोयाङ। यहुदि आगुवागेलाइ, मुल धामिगेलाइ रो धरम मास्‍टरगेलाइ वासेहेङ मामान्‍यावा कालाउ सेअ्‌तावा। कालाउ परमेस्‍वर वासेहेङ सुम्‍निता सिकासो सिन्‍हुपावा।”

लुका 9:44

द्‌याङगेलाइ वाको काम तिङतेङ भारभुसाइका पहरता इसु चात्‍यागेलाइहेङ दोअ्‌हि, “का हाइ दोअ्‌लि भोखा इङको काथा रेम्‍फा हिङसु कालाउ मनता ताअ्‌सु। हाइपानु का द्‌याङको चानहेङ रिम्‍तेङ द्‌याङगेलाइको खुर्ता प्‍यावा।”

युहन्‍ना 3:14

जेसापा मोसा उदादाङका थामेता पुह्‍याँहेङ तोल्‍हेहि, एन्‍सा दोङ का द्‍याङको चान तोल्‍हेन्‍हालि गोयाङ।

युहन्‍ना 5:39

नेलाइ धरमकिताबता भोसुखेना, हाइदोनु इन्‍ता असिम ज्‍यान निङखे दोअ्‌तेङ नेलाइ फोमपासुखेना।

युहन्‍ना 5:46

हाइदोनु नेलाइ मोसाहेङ खान्‍धुर पाका हिनु कासेहेङ बुङ खान्‍धुर पासुधाना, हाइपानु वा काङको बारेता लेखेका हिघाखे।

साल्न्हाका चात्या 13:33

हाइपानु परमेस्‍वर इसुहेङ सिकासो सिन्‍हुपातेङ इङको काथा केलाइ, एम्‍बालाइको खालको भाअ्‌सिङ पोङघा पापिहि। जिसिका ले न्‍हेता बुङ लेखेन्‍हाका हि: ‘नानिसो ना काङको चान जेङन्‍हा रो का नाङको आबा जेङघा।’

साल्न्हाका चात्या 13:40

इदोइखातिर होसपातेङ हिसु रो माकोनुते आगाधुइकालाइको दोअ्‌का इदोइ काथा नेलाइर्‍हुता लोलिद्‍वावा:

साल्न्हाका चात्या 2:27

हाइपानु ना काङको बायुहेङ पातेलता मालाअ्‌ध्‍याना, ना ताइको पुनित सेवकको जिउ आइलि प्‍याना।

साल्न्हाका चात्या 3:18

ख्रिस्‍ट पिर भोगेलि गोयाङ दोअ्‌तेङ परमेस्‍वर झाराङ आगाधुइकाको नुइसो दोअ्‌का काथा वा एसापा पोङघा पाहि।

साल्न्हाका चात्या 7:37

“इङको इङकोङ मोसा एइ, जाइ इस्राएलिगेलाइहेङ दोअ्‌का हिघाखे, ‘परमेस्‍वर कासेहेङ जाअ्‌पाकाभाइपाङ नेलाइको दादाओनेगेलाइको माझासो नेलाइको भाअ्‌सिङ एमि आगाधुइका जाअ्‌पावा।’

1पतरुस 1:11

आगाधुइकालाइ इङको हेसापा रो हेअ्‌लाउ ज्‍याङ दोअ्‌तेङ गेलि भोहि। कालाउ ख्रिस्‍टको पुनित हाङसा एम्‍बालाइहेङ वा तु: भोगेलि गोयाङ रो इङकोन्‍हुअ्‌सो बाराका मान निनावा दोअ्‌तेङ लाम्‍फा दोङ दोअ्‌पिका हिघाहि।