लुका 23:2 - धिमाल

² कालाउ एम्‍बालाइ वासेहेङ फतुर लागाइतेङ दोअ्‌हि, “या ताइमिहेङ ‘का युहुदिगेलाइहेङ मुक्‍ति पिका राजा ख्रिस्‍ट दोअ्‌खे। कालाउ रोमि सारकारहेङ तिरो तिरिलि मागोयाङ’ दोअ्‌तेङ झाराङ द्‍याङगेलाइहेङ उल्‍काइका केलाइ निङन्‍हाहि।”

Dhimal NT

² इम्बालाइ येसुहेङ दुसिलि तेङहि, कालाउ दोअ्हि इदोइ द्‍याङ केलाइको सारभिको द्‍याङगेलाइहेङ केउपालि खाङका हि, केलाइ निङनाहि। या द्‍याङ रोमि साम्रातहेङ पोत मातिरिलि दोअ्तेङ केलाइहेङ रोकिहि, ताइमि दोङ का एमि ख्रिस्ट, राजा दोअ्खे।

लुका 23:2 Iomraidhean Croise

मत्‍ति 17:27

कालाउ बुङ एम्‍बालाइ केलाइसो चेरमाताम्‍पाको दोअ्‌तेङ, चावान्‍दिता हानितेङ बल्‍सि थो रो लाम्‍फा देका हाया चुमा। इङकोको नुइ हेअ्‌लाउ ना एलोङ रुपाको टाका निनाना। इङको चुमपुतेङ नाङको रो काङको भाअ्‌सिङ एम्‍बालाइहेङ पि।”

मत्‍ति 22:21

एम्‍बालाइ इसुहेङ दोअ्‌हि, “कैसरको।” कालाउ वा एम्‍बालाइहेङ दोअ्‌हि, “इदोइखातिर जे कैसरको हि, इङको कैसरहेङ पिसु। जे परमेस्‍वरको एइ, इङको परमेस्‍वरहेङ पिसु।”

मत्‍ति 27:11

जेलाउ इसु रोमि बाराहाकिम पिलातसको आगाता जाअ्‌तेङ हिघाहि, कालाउ बाराहाकिम वासिहेङ हिअ्‌हि, “जातिङको ना यहुदिगेलाइको राजा हिन्‍हा?” इसु दोअ्‌हि, “ना ताइमिङ एन्‍सा दोअ्‌दोङखेना।”

मर्कुस 12:17

इसु एम्‍बालाइहेङ दोअ्‌हि, “कैसरको चिजगेलाइ कैसरहेङ पिसु रो परमेस्‍वरको चिजगेलाइ परमेस्‍वरहेङ पिसु।” एम्‍बालाइ वाकोदोफा भारभुसाइ हि।

मर्कुस 15:2

पिलातस इसुहेङ हिअ्‌हि, “हाइ ना यहुदिगेलाइको राजा हिना?” इसु दोअ्‌हि, “ना दोङ दोअ्‌दोङखेना।”

लुका 23:14

“द्‍याङगेलाइहेङ उल्‍काइहि दोअ्‌तेङ नेलाइ यासिहेङ काङकोता चुमासुन्‍हा। का यासिहेङ नेलाइकोङ आगाता इदोइ द्‍याङहेङ केरकार पाहोइका। कालाउ नेलाइको दोअ्‌का भाइपाङ फतुर लागाइका काथा याकोता हाइ दोङ मानिङघा।

लुका 23:5

कालाउ एम्‍बालाइ र्‍हिकाइतेङ दोअ्‌हि, “या गालिलसो सुरु पातेङ गोताङ यहुदिया रो इता बुङ ताइमिङ धिरपातेङ द्‍याङगेलाइहेङ केउपादोङखे।”

युहन्‍ना 18:29

इदोइखातिर एम्‍बालाइकोता बाहार ओल्‍हेतेङ पिलातस दोअ्‌हि, “नेलाइ हाइ फतुर लागाइस्‍वाना?”

युहन्‍ना 18:30

एम्‍बालाइ वासेहेङ दोअ्हि, “इदोइ द्‍याङ कुकरमि मान्‍थुनु केलाइ यासेहेङ नाङकोता हाइपालि चुमाधाङ कुनु?”

युहन्‍ना 19:12

इङकोन्‍हुअ्‌सो पिलातस इसुहेङ लाअ्‌पिलि हेन्‍जा बल पाहि। कुलाउ यहुदि आगुवागेलाइ एसा दोअ्‌तेङ र्‍हिकाइहि, “एदि ना इङकोहेङ लाअ्‌पिन्‍हा पानु ना कैसरको सानाइति मान्‍थुन्‍हा। जाइ ताइमिङहेङ राजा एइ दोअ्‌तेङ जिकिर पाखे इङको कैसरको खिलापता जाअ्‌खे।”

साल्न्हाका चात्या 24:13

कालाउ एम्‍बालाइ कासेहेङ फतुर लागाइका दासि बुङ पिलि माद्‍वावा।

साल्न्हाका चात्या 24:5

केलाइको नाल्‍का इदोइ द्‍याङ पिरपितेङ हिगिल्‍का खालको हि। इदोइ द्‍याङ नासरि दोअ्‌का हुलको नेता जेङतेङ दुनियाभरिको यहुदिगेलाइको माझाता हुल्‍दाङगा पातेङ हिगिल्‍दोङखे।