लुका 2:51 - धिमाल

⁵¹ कालाउ जामाल इसु ओबालाइदोफाङ नासरतता घुरितेङ आबा आमाइको दोअ्‌का मानेतेङ हि। कालाउ वाको आमाइ इदोइ गोताङ काथागेलाइ मानिल्‍सिङ ताइको मनताङ ताअ्‌हि।

Dhimal NT

⁵¹ कालाउ येसु ओबालाइ दोफाङ नासरत देराता हानिहि। वा ताइको आमाइ-आबाको दोअ्का गोताङ काथागेलाइ किहि। वाको आमाइ इङको गोताङ काथागेलाइ मनता सोचितेङ ताअ्हि।

लुका 2:51 Iomraidhean Croise

मत्‍ति 12:46

इसु जोम्‍कालाइदोफा धुइकाताङपालाउ, वाको आमाइ रो ओनेगेलाइ बाहार जाअ्‌तेङ हिघाखे रो वाकोदोफा काथा पालि भोघाखे।

मत्‍ति 3:15

कालाउ बुङ इसु वासेहेङ दोअ्‌हि, “एला एसाङ जेङलि पि। हाइदोनु एसा दोङ केलाइ गोताङ धरम काम पोङघा पालिगोयाङ।” कालाउ युहन्‍ना राजि जेङहि।

मर्कुस 1:9

युहन्‍ना एसापा पारचार पातेङहिका पहरता इसु गालिलको नासरतसो लोहि रो युहन्‍नासो यर्दन झोराता चिभुअ्‌लि र्‍हुहि।

मर्कुस 6:3

हाइ या मरियमको चान मिस्‍त्‍रि माको कुनु? हाइ या याकुब, योसेफ, यहुदा रो सिमोनको दादा माको कुनु? हाइ याको बेजान ओनेगेलाइ बुङ केलाइ दोफाङ मान्‍थु कुनु?” एसा दोअ्‌तेङ एम्‍बालाइ वाकोदोफा चेरताम्‍पाहि।

लुका 18:37

द्‌याङगेलाइ वासेहेङ दोअ्‌हि, “नासरत दोअ्‌का थामेको इसु इतासो हानेदोङखे।”

लुका 2:19

कालाउ मरियमचाहिँ यिदोइ गोताङ काथा लिअ्‌ताको मनसो ठहर पातेङ मन्‍ताङ ताअ्‌हि।

लुका 2:39

प्रभु परमेस्‍वरको नियमता दोअ्‌काआन्‍सार पालिगोइका गोताङ काम पालिदोतेङ योसेफ रो मरियम जामाल इसुहेङ चुमपुतेङ गालिलको ताइको पुर नासरतता घुरिहि।

लुका 4:16

इसु नासरत पुरता लोहि। जेता वा हुर्किका हिघाहि। दिनाङ भाइपाङ वा पुनित माइसाका दिना कचहरिसाअ्‌ता हानिहि रो धरम किताब पर्‍हेलि जाअ्‍हि।

लुका 4:23

कालाउ इसु दोअ्‌हि, “एला पाक्‍का बुङ नेलाइ कासेहेङ ‘ओइ बोइद्‍या! ना ताइमिहेङ एल्‍पा’ कालाउ ‘कफर्नहुमता पाकाभाइपाङ ताइको देराता बुङ भारभुसाइका काम पा’ दोअ्‌स्‍वाना।”

1पतरुस 2:21

हाइपानु याकोङ भाअ्‌सिङ परमेस्‍वर नेलाइहेङ काइका एइ। ख्रिस्‍ट बुङ नेलाइको भाअ्‌सिङ तु: भोगेहि रो नेलाइको भाअ्‌सिङ एलोङ नामुना जेङपिहि। कालाउ नेलाइ बुङ ख्रिस्‍टको तिङपाका दामाता तेलिगोयाङ।