लुका 2:26 - धिमाल

²⁶ परमप्रभु परमेस्‍वरको दिङगिल्‍का मुक्‍तिपिका ख्रिस्‍टहेङ मातिम्‍पाधाउ ना मास्‍याना दोअ्‌तेङ पुनित हाङसा वासेहेङ लाम्‍फासोङ गेपाका हिघाहि।

Dhimal NT

²⁶ प्रभु ख्रिस्टहेङ मातिङपा थेकापा नाअ् मासिस्वाना दोअ्तेङ वासेहेङ पबित्तरो आत्मा दोअ्का हिघाहि।

लुका 2:26 Iomraidhean Croise

मत्‍ति 2:12

न्‍हुअ्‌सो हेरोदकोता घुरितेङ मान्‍हेसु दोअ्‌का सोपोन्‍दाता चेतानि निङतेङ एम्‍बालाइ भेनेङ दामा जेङतेङ ताइको मुलुकता घुरिहि।

लुका 2:29

“प्रभु, ना ताइको बाचा पुरा पाका हिना, एला ताइको बान्‍धाइहेङ सुबिस्‍तासो सिलि पि

लुका 9:27

कालाउ जातिङकोङ का नेलाइहेङ दोअ्‌खा, इता जाअ्‌कालाइता आधेमि सादेलको सारभि मातिम्‍पाधाउ मास्‍यावा।”

युहन्‍ना 1:41

वा लाम्‍फा ताइको दादा सिमोनहेङ दुसुहि रो वासेहेङ दोअ्‌हि, “केलाइ मसिहहेङ (हिब्रु राउता जाइको माने ख्रिस्‍ट एइ) दुसुन्‍हाका हिन्‍हाहि।”

युहन्‍ना 20:31

कुलाउ इदोइ लेखेन्‍हाका हि, नेलाइ इसु परमेस्‍वरको चान, ख्रिस्‍ट हि दोअ्‌तेङ खान्‍धुर पासु। खान्‍धुरसो वाको मिङता नेलाइ असिम ज्‍यान निङसु।

युहन्‍ना 4:29

“लोसु, ए मि द्‍याङहेङ खाङसु, जाइ काङको पाका गोताङ काम कासेहेङ दोअ्‌पिहि। हाइ वा दोङ ख्रिस्‍ट ते माको?”

युहन्‍ना 8:51

जातिङको का नेलाइहेङ दोअ्‌खा, एदि हासुङ काङको कथन साअ्‌खे पानु इङको हेअ्‌लाउ सिका माचाख्‍यावा।”

साल्न्हाका चात्या 10:38

परमेस्‍वर नासरतको इसुहेङ ताइकोङ पुनित हाङसा रो सरबङ वाता हुपिन्‍हा। परमेस्‍वर वाकोदोफा हिनाङसिङ वा भालाइको काम पातेङ दियाबलससो सान्‍ताइन्‍हाकालाइहेङ एल्‍पातेङ हिगिल्‍हि। हाइपानु परमेस्‍वर वाको दोफा हिघाहि।

साल्न्हाका चात्या 17:3

वा धरमकिताबसो दासि पितेङ एम्‍बालाइहेङ एसा गेपाहि, “ख्रिस्‍टहेङ तु: भोगेलि रो सिकासो सिन्‍हुलि गोइधाङ। इदोइ दोङ इसु, जाइको बारेता रेम्‍काबानाल का नेलाइहेङ हिङपाखा, वा दोङ ख्रिस्‍ट एइ।”

साल्न्हाका चात्या 2:36

“इङकोङखातिर इस्राएलको झाराङ द्‍याङगेलाइ इदोइ काथा ग्‍याको- इसु, जाइहेङ नेलाइ कुरुसता टाङगाइसुन्‍हा, परमेस्‍वर वासेहेङ प्रभु रो छुटकारा पिका ख्रिस्‍ट बान्‍हाइहि।”

साल्न्हाका चात्या 9:20

कालाउ ओदोङघरि वा कचहरिसाअ्‌गेलाइता, “प्रभु इसु दोङ परमेस्‍वरको चान एइ” दोअ्‌तेङ पारचार पालि तेङहि।