लुका 2:21 - धिमाल

²¹ येअ्‌निको दिनाता जामालहेङ इस्राएलको नियममाफिक पाका खतना पालाउ वाको मिङ इसु ताअ्‌पिहि। जाइ मिङचाहिँ वा आमाइको कोखेता हिकाखान्‍तेङ लाम्‍फा दोङ सादेलचर ताअ्‌लि दोअ्‌का हिघाहि।

Dhimal NT

²¹ जेलाउ जामाल येसु येए दिनाको जेङहि, वाको खाताना पाहि, कालाउ येसु मिङ ताअ्पिहि। इङको मिङ दोङ जेलाउ जामाल हामुता लोका लाम्फा दोङ स्वर्गदुत दोअ्का हिघाहि।

लुका 2:21 Iomraidhean Croise

मत्‍ति 1:21

इङको एलोङ चान जोन्‍मायावा रो ना इङकोको मिङ इसु ताअ्ताना, हाइदोनु वा ताइको द्‍याङगेलाइहेङ एम्‍बालाइको कुकरमसो सिन्‍हुपावा।”

मत्‍ति 1:25

कालाउ बुङ मरियम चान जोलोम माजेम्‍पाधाउ योसेफ वाकोदोफा माजिम्‍हि। मरियम चान जोलोमजेङकान्‍हुअ्‌सो योसेफ इङको जामालको मिङ इसु ताअ्‌हि।

मत्‍ति 3:15

कालाउ बुङ इसु वासेहेङ दोअ्‌हि, “एला एसाङ जेङलि पि। हाइदोनु एसा दोङ केलाइ गोताङ धरम काम पोङघा पालिगोयाङ।” कालाउ युहन्‍ना राजि जेङहि।

लुका 1:31

एला खाङ, ना गान्धितेअ्‌का जेनाना रो एलोङ चान जोन्‍मायाना। ना वाको मिङ इसु ताअ्‌ताना।

लुका 1:59

येअ्‌निता एम्‍बालाइ जामालहेङ खतना पालि लोहि रो इङकोको मिङ वाको आबाको मिङभाइपाङ जकरिया ताअ्‌लि भोका हिघाखे।

फिलिप्पि 2:8

वा द्‌याङ जेङतेङ इदोइ सुमिङता हिलाउ ताइमिङहेङ नोइका बान्‍हाइहि। कालाउ वा सिका पहर थिकापाङ परमेस्‍वरको हुकुम साअ्‌तेङ कुरुसता टाङगाइन्‍हातेङ सिहि।