लुका 2:11 - धिमाल

¹¹ हिङसु, दाउद जोन्‍मिका पुरता नानि मुक्‍ति पिका ख्रिस्‍टको जोलोम जेङकाहि। वा दोङ प्रभु जेनावा।

Dhimal NT

¹¹ हाइपालिपानु नानि दोङ राजा दाउदको सहर बेथेलेहेमता नेलाइको भाअ्सिङ एमि मुक्ति दाताको जोलोम जेङका हि, वा दोङ ख्रिस्ट प्रभु हि।

लुका 2:11 Iomraidhean Croise

मत्‍ति 1:16

याकुबको चान योसेफ जेङहि। योसेफचाहिँ इसु ख्रिस्‍टको आमाइ मरियमको केअ् हिघाखे। इदोङ मरियम ख्रिस्‍ट दोअ्‌का इसुहेङ जोलोमपिहि।

मत्‍ति 1:21

इङको एलोङ चान जोन्‍मायावा रो ना इङकोको मिङ इसु ताअ्ताना, हाइदोनु वा ताइको द्‍याङगेलाइहेङ एम्‍बालाइको कुकरमसो सिन्‍हुपावा।”

मत्‍ति 16:16

सिमोन पत्‍रुस दोअ्‌हि, “ना दोङ सिन्‍हुका परमेस्‍वरको चान ‘ख्रिस्‍ट’ हिन्‍हा।”

मत्‍ति 16:20

कालाउ इसु “का ख्रिस्‍ट हिघा दोअ्‌तेङ हासुहेङ मादोअ्‌लि” दोअ्‌तेङ ताइको चात्‍यागेलाइहेङ कारा हुकुम पिहि।

लुका 1:43

कार्‍हुता हेसापा निगाह जेङहि, काङको प्रभुको आमाइ काङकोता लोहि।

लुका 1:69

वा केलाइको भाअ्‌सिङ ताइको बान्‍धाइ दाउदको खालता एमि सरबङहिका बान्‍चेपाका जाअ्‌पाका हि,

लुका 2:26

परमप्रभु परमेस्‍वरको दिङगिल्‍का मुक्‍तिपिका ख्रिस्‍टहेङ मातिम्‍पाधाउ ना मास्‍याना दोअ्‌तेङ पुनित हाङसा वासेहेङ लाम्‍फासोङ गेपाका हिघाहि।

लुका 2:4

इङको पहरता योसेफ गालिल माउजाको नासरत दोअ्‌का पुरता हिघाखे। वा राजा दाउदको खालको सान्‍तान हिघाखे। इङकोखातिर वा ताइको खाल दाउदको पुर यहुदियाको बेथलेहेमता मिङ लेखेपालि हानेहि।

युहन्‍ना 1:41

वा लाम्‍फा ताइको दादा सिमोनहेङ दुसुहि रो वासेहेङ दोअ्‌हि, “केलाइ मसिहहेङ (हिब्रु राउता जाइको माने ख्रिस्‍ट एइ) दुसुन्‍हाका हिन्‍हाहि।”

युहन्‍ना 1:45

फिलिप नथानेलहेङ दुसुतेङ दोअ्‌हि, “जाइको बारेता मोसा नियमता रो आगाधुइकालाइ बुङ लेखेका हिघाखे, योसेफको चान नासरतको इसुहेङ केलाइ दुसुका हिन्‍हाहि।”

युहन्‍ना 11:27

मार्था वासेहेङ दोअ्‌हि, “एइ प्रभु, का खान्‍धुर पाखा, ना दुनियाता लोका ख्रिस्‍ट, परमेस्‍वरको चान हिना।”

युहन्‍ना 20:31

कुलाउ इदोइ लेखेन्‍हाका हि, नेलाइ इसु परमेस्‍वरको चान, ख्रिस्‍ट हि दोअ्‌तेङ खान्‍धुर पासु। खान्‍धुरसो वाको मिङता नेलाइ असिम ज्‍यान निङसु।

युहन्‍ना 4:25

इङको बेबाल वासेहेङ दोअ्‌हि, “का गेखा, जेलाउ मसिह (जाइहेङ ख्रिस्‍ट दोअ्‌खे) ल्‍वावा रो, वा दोङ केलाइहेङ गोताङ काथा दोअ्‌प्‍यावा।”

युहन्‍ना 4:42

इङको बेबालहेङ एम्‍बालाइ दोअ्‌हि, “एला नाङको दोअ्‌का काथाहोइ खिनिङ केलाइ खान्‍धुर पाका माको, कुलाउ केलाइ ताइमिङ हिङका खातिरहोइ जातिङको वा दुनियाको मुक्‍तिपिका हि दोअ्तेङ केलाइ गिका हिन्‍हाहि।”

युहन्‍ना 6:69

हाइपानु केलाइ खान्‍धुर पाका हिन्‍हाहि रो गेका हिन्‍हाहि, ना परमेस्‍वरको पुनित द्‍याङ हिन्‍हा।”

युहन्‍ना 7:41

आधिमि दोअ्‌हि, “या ख्रिस्‍ट एइ।” कुलाउ आधेमि दोअ्‌हि, “हाइ ख्रिस्‍ट गालिलसो ल्‍वावा कुनु?

साल्न्हाका चात्या 10:36

नेलाइ गेसुखेना, इसु ख्रिस्‍टसो पारचार पाका सुबिस्‍ताको रेम्‍काबानाल परमेस्‍वर इस्राएलिगेलाइता पिगिल्‍हि। (वा दोङ झाराङको प्रभु एइ।)

साल्न्हाका चात्या 13:23

“इदोङ द्‍याङको न्‍हुअ् खालसो ताइमिको पाका बाचा पुरा पातेङ परमेस्‍वर इस्राएलिगेलाइको भाअ्‌सिङ एमि मुक्‍तिपिका इसुहेङ चुमाहि।

साल्न्हाका चात्या 17:3

वा धरमकिताबसो दासि पितेङ एम्‍बालाइहेङ एसा गेपाहि, “ख्रिस्‍टहेङ तु: भोगेलि रो सिकासो सिन्‍हुलि गोइधाङ। इदोइ दोङ इसु, जाइको बारेता रेम्‍काबानाल का नेलाइहेङ हिङपाखा, वा दोङ ख्रिस्‍ट एइ।”

साल्न्हाका चात्या 2:36

“इङकोङखातिर इस्राएलको झाराङ द्‍याङगेलाइ इदोइ काथा ग्‍याको- इसु, जाइहेङ नेलाइ कुरुसता टाङगाइसुन्‍हा, परमेस्‍वर वासेहेङ प्रभु रो छुटकारा पिका ख्रिस्‍ट बान्‍हाइहि।”

साल्न्हाका चात्या 5:31

परमेस्‍वर इस्राएलगेलाइ कुकरम मानितेङ कुकरमसो माफ निनाको दोअ्‌तेङ वासेहेङ राजा रो मुक्‍तिपिका बान्‍हाइतेङ ताइको दाम्‍पाहा खुरहोइ झाउपाहि।

1 कोरिन्थि 15:47

परमेस्‍वर लाङ आदमहेङ सुमिङको भोनोसो बान्‍हाइहि, कालाउ न्‍हे आदम ख्रिस्‍टचाहिँ सादेलसो लोहि।

फिलिप्पि 2:11

कालाउ झाराङ परमेस्‍वर आबाको प्रतापको भाअ्‌सिङ इसु ख्रिस्‍टहेङ प्रभु दोअ्‌तेङ मन्‍जुर पावा।

फिलिप्पि 3:8

इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

कलस्सि 2:6

इदोइखातिर नेलाइ ख्रिस्‍ट इसुहेङ प्रभु दोअ्‌तेङ मानेका हिसुन्‍हा ‍एन्‍साङ पातेङ नेलाइ वाता थिर जेङतेङ हिसु।

१ युहन्‍ना 4:14

केलाइ तिङका हिन्‍हाहि रो दासि पिन्‍हाखे, परमेस्‍वर आबा ताइको चानहेङ दुनियाको छुटकारापिकाको आकारता दिङगिल्‍का एइ।

१ युहन्‍ना 5:1

इसु दोङ छुटकारा पिका ख्रिस्‍ट हि दोअ्‌तेङ खान्‍धुर पाका झाराङ परमेस्‍वरको जाहान एइ। कालाउ जाइ परमेस्‍वर आबाहेङ माया पाखे इङको चानहेङ बुङ माया पाखे।