लुका 18:3 - धिमाल

³ इङकोङ पुरता एमि रान्‍दि बेबाल बुङ हिघाखे। वा जेलाउ बुङ न्‍याधिसकोता हानितेङ दोअ्‌घाहि, ‘काङको झागारियाको रो काङको माझाता हिका झागारा मिलि पापि।’

Dhimal NT

³ इङकोङ सहरता एमि के सिका बेबाल हिघाखे, घुरि-घुरि वा न्यायधिसकोता हानितेङ दोअ्हि, इता एमि द्‍याङ हि, काङको सतुरु कालाउ काङको माझाता न्याय पापि।

लुका 18:3 Iomraidhean Croise

मत्‍ति 5:25

“नाङको झागारियादोफा आडाता हानेलाउ दामाताङ मिलाप पा। माकुनु वा नाङको खिलापता न्‍याधिसकोता उजुर पावा। न्‍याधिस नासेहेङ सिपाल्‍हाइको जिम्‍मा लागाइयावा रो ना थुना निङचाना।

लुका 18:2

“हिदिङ पुरता एमि न्‍याधिस हिघाखे। वा परमेस्‍वरहेङ बुङ माथिघाखे रो द्‌याङहेङ बुङ वास्‍ताङ मापाघाखे।

लुका 18:4

हेन्‍जा दिना थिकापा वा रान्‍दिको काथाङ माहिम्‍पिहि। कालाउ न्‍हुअ्‌सो वा मन मनता फोमपाहि, ‘का परमेस्‍वरहेङ बुङ माथिका रो द्‌याङगेलाइहेङ बुङ वास्‍ताङ मापाखा!

लुका 18:5

कालाउ यिदोइ रान्‍दि कासेहेङ हेन्‍जाङ तु: पिनाङसिङ याको न्‍याय पापिलि गोयाङ। माकुनु ते वा घरि घरि काङकोता लोतेङ कासेहेङ दोङ सान्‍तायावा।’”