लुका 17:2 - धिमाल

² जाइ म्‍हुइकालाइहेङ कुकरम पालि लागाइखे; इन्‍सिकाहेङ ते निर्घाता उन्‍ठुइको जान्‍ता तोइपितेङ जाहादिता थाल्‍गिल्‍लि दोङ रेम्‍फा जेङधावा।

Dhimal NT

² येसु आरोङ दोअ्हि, हासुहेङ बुङ ताइको निर्घाता जान्ता तोइतेङ समुन्द्रता थाल्लि मारेम्का साजाइ दोङ हि। कालाउ जेसापा हासु बुङ काङको ह्रुता खाङधुरि पाका इदोइ म्हुइकालाइको मध्ये एमिहेङ बाधा पिनु वासेहेङ इदोइ खान्तेङ मारेम्का साजाइ जेनावा।

लुका 17:2 Iomraidhean Croise

मत्‍ति 17:27

कालाउ बुङ एम्‍बालाइ केलाइसो चेरमाताम्‍पाको दोअ्‌तेङ, चावान्‍दिता हानितेङ बल्‍सि थो रो लाम्‍फा देका हाया चुमा। इङकोको नुइ हेअ्‌लाउ ना एलोङ रुपाको टाका निनाना। इङको चुमपुतेङ नाङको रो काङको भाअ्‌सिङ एम्‍बालाइहेङ पि।”

मत्‍ति 18:10

“होस पातेङ हिसु, नेलाइ इदोइ म्‍हुइकालाइता एमिहेङ बुङ आनादर मापासु। हाइदोनु का नेलाइहेङ दोअ्‌खा, एम्‍बालाइको रेखदेख पाका सादेलचरगेलाइ सादेलता हितेङहिका काङको परमेस्‍वर आबाको नजर दिनाङ पातेङहिखे।

मत्‍ति 18:14

एसा दोङ सादेलता हिका नेलाइको आबाको इदोइ लाल्‍सा हि, इदोइ म्‍हुइकालाइता एमि बुङ मा मुअ्‌ताको।

मत्‍ति 26:24

का द्‍याङको चान ते काङको बारेता धरमकिताबता लेखेका भाइपा हानेलिदोङ गोयाङ। कालाउ बुङ धिकार इङको द्‍याङहेङ, जाइसो का द्‍याङको चान रिमन्‍हाङका। इङको द्‍याङ ते भुरुङ जोलोम माजेङका हिनु दोङ इङकोको भाअ्‌सिङ रेम्‍का जेङधाङ।”

मर्कुस 9:42

इसु आरोङ दोअ्‌हि, “जाइ कार्‍हुता खान्‍धुर पाका इदोइ आतुइकालाइता एमिहेङ खिचोला प्‍यावा, इङकोको भाअ्‌सिङ भुरुङ एलोङ बाराका जान्‍ता निरघाता तोइपितेङ इङकोहेङ जाहादिता थाइपिगिल्‍लि रेम्‍का जेङधावा।

युहन्‍ना 21:15

जेलाउ एम्‍बालाइ चालिदोहि, कोलाउ इसु सिमोन पत्‍रुसहेङ दोअ्‌हि, “युहन्‍नाको चान सिमोन, हाइ ना कासेहेङ एबालाइखान्‍तेङ हेन्‍जा इन्‍ताना पाखेना?” सिमोन पत्‍रुस वासेहेङ दोअ्‌हि, “एइ प्रभु, ना गेखेना, का नासेहेङ इन्‍ताना पाखा।” इसु इङकोहेङ दोअ्‌हि, “एन्‍सानु काङको भेरागेलाइहेङ चापा।”

1 कोरिन्थि 9:15

कालाउ का एलाथिकापा हिदिङ खाबारा चालाइका मान्‍थुघा रो एला बुङ इदोइ चिथि लेखेतेङ ताइको खाबरा चालाइलि भोका माको। एसा पाका खाङतेङ ते भुरुङ का सिलि दोङ रेम्‍का ज्‍याङ। हासुङ काङको इदोइ काथाहेङ तुजुक माथान्‍याको।

1 कोरिन्थि 9:22

का निरधो द्‌याङगेलाइको माझाता काम पालाउ एम्‍बालाइ ख्रिस्‍टता खान्‍धुर पाको दोअ्‌तेङ का बुङ एम्‍बालाइ भाइपाङ निरधो जेङखा। एसापा झाराङ द्‌याङगेलाइ ख्रिस्‍ता नावा ज्‍यान निनाको दोअ्‌तेङ का द्‌याङगेलाइको आगाता गोताङ थोक जेङघा।