लुका 16:2 - धिमाल

² कालाउ वा खाजान्‍चिहेङ काइतेङ हिअ्‌हि, ‘नाङको बारेता का इदोइ हाइ हिङदोङखा? नाङको पाका गोताङ हर हिसाब कासेहेङ बुझाइ। हाइपानु एलासो उसो ना खाजान्‍चि जेङलि मानिनाना।’

Dhimal NT

² कालाउ धनि द्‍याङ खारान्जियाहेङ काइतेङ दोअ्हि, नाङको बिसोइता का हाइ हिङदोङखा? नाअ् काङको धन हाइ पान्हा इङको को गोताङ हिसाब किताप कासेहेङ बुझाइ, एलासो नाअ् काङको खारान्जिया मान्थुन्हा।

लुका 16:2 Iomraidhean Croise

मत्‍ति 12:36

का नेलाइहेङ दोअ्‌खा, ‘जाइ माजेङका काथा धुइखे, नियाको दिनाता एम्‍बालाइ इङकोको हिसाब पिलिगोयावा।’

मत्‍ति 20:8

“जेलाउ बेला दुबेहि, कालाउ आङगुर बारिको गिर्‍हि ताइको कामत्‍याहेङ दोअ्‌हि, ‘काम पाकालाइहेङ काइतेङ न्‍हुअ्‌सो लोकालाइसो लाम्‍फा लोकालाइ सुदाङहेङ एम्‍बालाइको जेला पि।’

लुका 12:20

“कालाउ परमेस्‍वर वासेहेङ दोअ्‌हि, ‘ओइ बुद्धिमान्‍थुका द्‍याङ, नानिङ न्‍हिसिङताङ नाङको प्रान हानावा। कालाउ नाङको जोम्‍पातेङ ताअ्‌का टाका काउरि हासु चावा?’”

लुका 12:42

प्रभु दोअ्‌हि, “आकिलहिका रो कामता साअ्‌लिदोका खाजान्‍चिचाहिँ हिसिका द्‌याङ वाला? गिर्‍हि ताइको साअ्‌को गोताङ कामकाजको जिमा पिकान्‍हुसो वा बो कामत्‍यागेलाइहेङ उचित पहरता चाका इन्‍तिजाम पापिखे।

लुका 16:1

इसु ताइको चात्‍यागेलाइहेङ दोअ्‌हि, “एमि हेन्‍जा टाका काउरि हिका द्‌याङको साअ्‌द्वार खाङका एमि खाजान्‍चि हिघाहि। एनि आधेमि द्‍याङगेलाइ इङको हिका चाका द्‍याङकोता लोतेङ ‘इङको खाजान्‍चि नाङको टाका काउरि दोपापिलि तोमदोङखे’ दोअ्‌तेङ हिङपाहि।

लुका 16:3

एन्‍सा जेङलाउ इङको खाजान्‍चि मन मनताङ दोअ्‌हि, ‘काङको मालिक कासेहेङ खाजान्‍चिको कामसो ओल्‍हेपालि तोम्‍का हि; एला का हाइपालि? का तोलिचोइलि बुङ माद्‌वाङका रो र्‍हेतेङ चालिबुङ लेदेरखा।

1 कोरिन्थि 1:11

हाइदोनु नेलाइ ताइमिङता झागारा पातेङहिका काथा क्‍लोएको साअ्‌को जाहानगेलाइ कासेहेङ हिङपाका हि।

1 कोरिन्थि 4:2

कालाउ इदोइ कामको खाङकाखुङका पाका जिमा निङका द्‌याङ खान्‍धुरलाएक हिलिगोयाङ।

1 कोरिन्थि 4:5

इदोइभाअ्‌सिङ तोकेका पहरखान्‍तेङ लाम्‍फा हासुकोङ निया मापासु रो प्रभु लोपाधाउ र्‍हुम्‍सु। प्रभु दोङ कितिकितिकाता म्‍होअ्‌न्‍हाका गोताङ काथा फाइसालाम्‍काता चुमावा रो द्‌याङगेलाइको मनको काथागेलाइ तिङपाप्‍यावा। इङको पहरता झाराङ द्‍याङगेलाइको पाका कामको इनाम परमेस्‍वरसो निनावा।

1तिमोथि 4:14

नाङको निङका बरदानहेङ काम मालागेका दोअ्‌तेङ बादनाम मापा। जेदोङ दान मन्‍डलिको आगुवागेलाइ नार्‍हुता खुर ताअ्‌तेङ आगाधुइलाउ ना निङका हिघान्‍हा।

1तिमोथि 5:24

हिदिङहिदिङ द्‍याङको कुकरम ते सोझाङ तिङका जेङखे रो इन्‍सिकालाइ लाम्‍फा दोङ दोसि ठर्‍हाइन्‍हाखे। कालाउ हेथेको कुकरमचाहिँ न्‍हुअ्‌सो खिनिङ तिङतेङ हानेखे।

1पतरुस 4:10

परमेस्‍वरको निगाहाता झाराङ खाल खाल्‍को बर निङका हि। ताइमिको निङका बरहेङ एमि भेनेङको भालाइको भाअ्‌सिङ चालाइसु।

1पतरुस 4:5

कालाउ सिन्‍हुका रो सिकालाइको निया पाका परमेस्‍वरको आगाता इदोइ बारेता एम्‍बालाइ हिसाप पिलिगोयावा।