लुका 15:6 - धिमाल

⁶ कालाउ ताइको सानाइतिगेलाइ रो साअ् भेर्पाको द्‍याङगेलाइहेङ काइतेङ दोअ्‌तावा, ‘काङको राम्‍का भेडा का निङहोइका! लोसु, लेङचाका मान्‍याइने।’

Dhimal NT

⁶ कालाउ ताइको सिता लोतेङ वा ताइको सानाइतिगेलाइ कालाउ देरागेलाइहेङ काइयावा, कालाउ ओबालाइहेङ दोअ्तावा, का दोफा लेङचासु, हाइपालिपानु का ताइको राम्का भेडा निङका हिघा,

लुका 15:6 Iomraidhean Croise

लुका 1:58

परमप्रभु वार्‍हुता वाको बारा निगाह तिङपाका हि दोअ्‌का हिङतेङ वाको भेर्पा हिकालाइ रो ताइगेलाइ वाकोदोफा लेङचाहि।

लुका 15:10

का नेलाइहेङ दोअ्‌ताङका, एन्‍साङ पातेङ ताताइको कुकरम मानितेङ परमेस्‍वरपाहा घुरिका एमि कुकरमिको भाअ्‌सिङ सादेलता सादेलचरगेलाइ हेन्‍जाङ लेङचावा।”

लुका 15:24

हाइदोनु काङको इदोइ चान सिका हिघाहि आरोङ सिन्‍हुतेङ लोहि। वा राम्‍का हिघाहि एला वासेहेङ निङन्‍हाहि!’ कालाउ एम्‍बालाइ लेङचातेङ भात्‍यार चालि तेङहि।

लुका 15:5

वा इङको राम्‍का भेडाहेङ निङलाउ लेङचातेङ वासेहेङ कान्‍धेता फातेङ ताइको साअ्‌ता चुमावा।

लुका 15:7

का नेलाइहेङ दोअ्‍ताङका, ताताइको कुकरम मानितेङ परमेस्‍वरपाहा घुरिपालि मागोयाङ दोअ्‌का द्‌याकुरिते क्‍वाहा धरम द्‌याङगेलाइ खान्‍तेङ ताताइको कुकरम मानितेङ परमेस्‍वरपाहा घुरिका एमि कुकरमिको भाअ्‌सिङ सादेलता हेन्‍जाङ लेङचावा।”

युहन्‍ना 15:14

नेलाइहेङ का जेदोङ हुकुम पाखा इङको नेलाइ मानिसुन्‍हा पानु नेलाइ काङको सानाइति एइ।

युहन्‍ना 3:29

जाइदोफा कान्‍या हि, दारुवा इङकोङ एइ। दार्‍वाको सानाइति जाइ वाको भेर्पा जाअ्‌खे, वाको गाला हिङतेङ हेन्‍जाङ लेङचाखे। इदोङखातिर काङको इदोइ लेङ एला पोङघाका हि।

साल्न्हाका चात्या 11:23

इङको इन्‍ता लोतेङ परमेस्‍वरको निगाहा तिङतेङ लेङचाहि रो एम्‍बालाइ झाराङहेङ पुराङ कोन्‍धाङसो प्रभुता खान्‍धुरि हितेङहिलि हाउसाला पिहि।

साल्न्हाका चात्या 15:3

मन्‍डलिको दादाओने रो बाइओनेगेलाइ एम्‍बालाइहेङ इन्‍तासो दिङगिल्‍हि। एम्‍बालाइ फोनिके रो सामरिया जेङतेङ हानेलाउ बोजात्‍यागेलाइ प्रभुहेङ र्‍हुका काथा एम्‍बालाइहेङ माबिराइसिङ हिम्‍पाहि। इदोइ बानालसो इन्‍ताको दादाओनेगेलाइ हेन्‍जाङ लेङचाहि।

फिलिप्पि 1:4

कालाउ नेलाइ झाराङको भाअ्‌सिङ पुकार पालाउ का दिनाङ लेङचातेङ पुकार पाखा।

फिलिप्पि 2:17

नेलाइको प्रभु इसुता पाका खान्‍धुर परमेस्‍वरहेङ चार्‍हाइका भोक भाइकाङ एइ। इङको भोकता काङको हिति होलाउ बुङ का लेङचाका हिघा। कालाउ का नेलाइ दोफादोफाङ लेङचाङका।

फिलिप्पि 4:1

इदोइखातिर काङको दादाओने बाइओनेगेलाइ, नेलाइ प्रभुता थिर जेङतेङ हिसु। का नेलाइहेङ माया पाखा रो दुसुलि भोखा। नेलाइ कासेहेङ लेङचा पासुन्‍हा रो नेलाइदोङ काङको कामको इनाम हिसुन्‍हा।

1 थेस्लोनिकि 2:19

केलाइको प्रभु इसु जेलाउ ल्‍वावा, इङको पहर वाको आगाता केलाइको आस, लेङ, मान निङका सिरपेच नेलाइ दोङ, माको कुनु?

1पतरुस 2:10

लाम्‍फा ते नेलाइ परमेस्‍वरको राइति मान्‍थुसुघान्‍हा, कालाउ एला नेलाइ वाको राइति जेङका हिसुन्‍हा। ए पहर ते नेलाइ परमेस्‍वरको दाया निङका मान्‍थुसुघाना, कालाउ एला नेलाइ दाया निङका हिसुन्‍हा।

1पतरुस 2:25

हाइदोनु नेलाइ भेरागेलाइभाइपाङ बान्‍दालाइगिल्‍का हिघासुन्‍हा। कालाउ एला नेलाइको हाङसाको घोका रो सामर्‍हाइकाकोता नेलाइ घुरितेङ लोका हिसुन्‍हा।