लुका 13:16 - धिमाल

¹⁶ या आब्राहामको खालको चामिन्‍दिहेङ दियाबलस तेयेअ् बाअ्‍सारसो ताइको काब्‍जाता ताअ्‌का हिघाहि। हाइ पुनित माइसाका दिना एइ दोअ्‌तेङ वासेहेङ काब्‍जासो ओल्‍हेलि मागोयाङ कुनु?”

Dhimal NT

¹⁶ उङको बेबाल जाइ आब्राहामको हारागुटियासो हिघाहि, वासेहेङ साइतान तेक्वा बासार थेकापा बन्धनता ताअ्हि। हाइ परमेस्वरको पबित्तरो दिनाता वासेहेङ बन्धनसो लाअ्पाका काम ठिक मान्थुघाखे रो?

लुका 13:16 Iomraidhean Croise

मत्‍ति 4:10

कालाउ इसु इङकोहेङ दोअ्‌हि, “दियाबलस, ना दुरे हाने! हाइदोनु धरमकिताबता लेखेका हि, ‘ना परमप्रभु ताइको परमेस्‍वरहेङ खिनिङ बाखिन रो वाको खिनिङ सेवा पा।’”

मर्कुस 2:27

इसु एम्‍बालाइहेङ दोअ्‌हि, “माइसाका दिना द्‍याङको भाअ्‌सिङ बानेका एइ, द्‍याङ माइसाका दिनाको भाअ्‌सिङ माको।

लुका 16:24

कालाउ वा र्‍हिकाइतेङ दोअ्‌हि, ‘आबा आब्राहाम, कासेहेङ दायातेङ इता लाजरसहेङ दिङगिल्‍पि। वा ताइको आङगुलि चिता चोभेरतेङ एथोपा लाउ बुङ काङको देतोङता ह्‍याअ्‌पा प्‍याको। हाइदोनु का इदोइ मेको रापता सातपाताइदोङखा।’

लुका 19:9

इसु वासेहेङ दोअ्‌हि, “नानि इदोइ साअ्‌को द्‌याङगेलाइ छुटकारा निङकाहि। हाइ जखायस बुङ आब्राहामको सन्‍तान माको कुनु?

लुका 3:8

नेलाइ जातिङको ताताइको कुकरम मानितेङ परमेस्‍वरपाहा घुरिसुन्‍हा पानु इङको भाइपाङ पासु। कालाउ ‘केलाइ आब्राहामको सान्‍तान’ दोअ्‌तेङसाङ नेलाइ खाअ्‌लि द्‍वाङका दोअ्‌तेङ फोमपासुखेना। का नेलाइहेङ दोअ्‌ताङका, परमेस्‍वर आब्राहामको सान्‍तानहेङ इदोइ उन्‍ठुइसो बुङ जेङपालि द्‌वावा।

युहन्‍ना 8:44

नेलाइ ताइको आबा दियाबलसको एइ रो नेलाइको आबाको लाल्‍सा पोङघा पालि नेलाइको मनसुबा हि। इङको ते लाम्‍फासो दोङ ज्‍यानमारा हिघाहि रो सतेदोफा इङकोहेङ हाइदोङ वास्‍ता मान्‍थु। हाइदोनु इङकोता सत मान्‍थु। जेलाउ इङको असत धुइखे, इङको ताइकोङ आनिबानिमाफिक धुइखे, हाइदोनु इङको असत एइ रो असतको आबा एइ।

साल्न्हाका चात्या 13:26

“ओइ आब्राहामको खालको सान्‍तान रो नेलाइता परमेस्‍वरदोफा थिका ओइ ओनेगेलाइ, केलाइकोता दोङ इदोइ मुक्‍तिको बानाल पिगिल्‍का हि।

2 तिमोथि 2:26

एसापा एम्‍बालाइ ताइको हुसता लोतेङ दियाबलसको आस्‍तिसो खाअ्‌लि निनावा। हाइदोनु एम्‍बालाइहेङ दियाबलस ताइको कामको भाअ्‌सिङ रिम्‍तेङ ताअ्‌का हि।