लुका 13:12 - धिमाल

¹² इसु इङको बेबालहेङ तिन्‍तेङ वाको भेर्पा काइतेङ दोअ्‌हि, “ओइ आनाउ, एला ना रोगसो एल्‍होइना।”

Dhimal NT

¹² जेलाउ येसु वासेहेङ तिङहि ताइको दोफा काइतेङ दोअ्हि, ओइ बेबाल, नाअ् नाङको बेथासो एल्होइना।

लुका 13:12 Iomraidhean Croise

मत्‍ति 4:23

कालाउ इसु एम्‍बालाइको कचहरिसाअ्‌गेलाइता धिरपातेङ, सादेलको सारभिको रेम्‍काबानाल हिङपातेङ रो द्‍याङगेलाइता हिका गोताङ खाल्‍को रोगगेलाइ एल्‍पातेङ गालिलको गोताङ थामेगेलाइता घुराइगिल्‍हि।

मत्‍ति 8:16

जेलाउ बेल्‍हाहि, कालाउ द्‍याङगेलाइ वाकोता मासान खोअ्‌का हेन्‍जाङहेङ चुमाहि। इसु बचनसो दोङ मासानगेलाइहेङ ओल्‍हेपाहि रो जेथे मासाअ्‌धेकालाइ हिघाखे, एम्‍बालाइ झाराङहेङ एल्‍पाहि।

लुका 13:11

इन्‍ता एमि तेयेअ् बाअ्‌सारसो मासान लागितेङ हिका एमि बेबाल हिघाखे। वा गान्‍धि कुकुरुतेङ सोझा जेङलि मादोघाखे।

लुका 13:13

कालाउ इसु ताइको खुर इङको बेबाल र्‍हुता ताअ्‌हि रो उदोङघरि वाको गान्‍धि सोझातेङ परमेस्‍वरहेङ बाखिन्‍लि तेङहि।

लुका 13:16

या आब्राहामको खालको चामिन्‍दिहेङ दियाबलस तेयेअ् बाअ्‍सारसो ताइको काब्‍जाता ताअ्‌का हिघाहि। हाइ पुनित माइसाका दिना एइ दोअ्‌तेङ वासेहेङ काब्‍जासो ओल्‍हेलि मागोयाङ कुनु?”