लुका 1:6 - धिमाल

⁶ इङको न्‍हेमि परमेस्‍वरको आगाता धरम हिघाखे। एम्‍बालाइ परमेस्‍वरको गोताङ हुकुम रो नियमगेलाइ माबिराइसिङ मानिघाखे।

Dhimal NT

⁶ उधिन्हेमि परमेस्वरको आगाता धर्मि जिबन बितिपाघाखे। इम्बालाइ परमप्रभुको गोताङ आग्या कालाउ मुन्धुमगेलाइ माबिराइसिङ मानिघाहि।

लुका 1:6 Iomraidhean Croise

लुका 1:7

कुलाउ एम्‍बालाइको हासुङ खाल मान्‍थुघाखे, हाइदोनु एलिसिबा बान्‍जि हिघाखे। इङको न्‍हेमि हेन्‍जाइ बोइसा चाका हिघाखे।

लुका 16:15

कालाउ इसु एम्‍बालाइहेङ दोअ्‌हि, “नेलाइ द्‌याङगेलाइको नजरता धरम तिङलि ते भोसुखेना कुलाउ परमेस्‍वर नेलाइको कोन्‍धाङ गेखे। द्‌याङको झाउका फोमपाका इन्‍सिका काथागेलाइहेङ परमेस्‍वर आखेका दोअ्‌तेङ मोन्‍दा माताखे।

लुका 2:25

इङको पहर सिमियोन दोअ्‌का द्‌याङ यरुसलेमता हिघाखे। वा धरम द्‌याङ हिघाखे रो परमेस्‍वरको भक्ति पाघाखे। वा इस्राएलिगेलाइहेङ बान्‍चेपाका द्‌याङको आस पातेङ दामा खाङघाखे। पुनित हाङसा वाकोदोफा हिघाहि।

साल्न्हाका चात्या 2:25

राजा दाउद बुङ इसुको बारेता एसा दोअ्‌का हिघाखे: ‘का प्रभुहेङ दिनाङ काङकोङ आगाता तिङखा, वा का दोफाङ हिखे, एन्‍साङ का माथिखा।

साल्न्हाका चात्या 23:1

पावल कचहरिको चारबितिङ खान्‍तेङ दोअ्‌हि, “दादा ओनेगेलाइ, नानिको दिनाथिकापा परमेस्‍वरको आगाता का सुदो मनपातेङ बान्‍चेतेङ हिघा।”

साल्न्हाका चात्या 24:16

इदोङखातिर द्‍याङ रो परमेस्‍वर न्‍हेमिको आगाता का ताइको मनहेङ चोखो ताअ्‌लि भोखा।

साल्न्हाका चात्या 8:21

नाङको इदोइता ना बाखारा हि ना खाबरा दोङ हि, हाइपानु परमेस्‍वरको आगाता नाङको कोन्‍धाङ मुनासिप मान्‍थु।

1 कोरिन्थि 11:2

का नेलाइहेङ हेन्‍जाङ बाखिन्‍खा, हाइदोनु गोताङ काथाता नेलाइ कासेहेङ फोमपासुखेना रो काङको धिरपाका बिद्‌या साअ्‌सुखेना।

फिलिप्पि 2:15

एसा पासुन्‍हा पानु नेलाइ कुकरमि रो दुनियाको आखेका द्‌याङगेलाइको माझाता परमेस्‍वरको हाइदोङ दुस मान्‍थुका जामाल भाइपाङ पुनित जेङस्‍वाना। कालाउ आदेलता फुरुगेलाइ चिल्‍काका भाइपाङ नेलाइ बुङ रेम्‍का काम पातेङ एम्‍बालाइको माझाता चिल्‍कास्‍वाना।

कलस्सि 1:22

कालाउ एला परमेस्‍वर नेलाइहेङ ताइको आगाता पुनित, चोखो रो दुसमान्‍थुका दोअ्‌तेङ वाको चानको ताइकोङ जिउको भोकहोइ नेलाइहेङ वा आरोङ ताइको सानाइति बान्‍हाइहि।

1 थेस्लोनिकि 3:13

एसापा वाको झाराङ पुनित जनगेलाइदोफा केलाइको प्रभु इसु ख्रिस्‍ट आरोङ लोलाउ वा केलाइको परमेस्‍वर आबाको आगाता नेलाइको कोन्‍धाङहेङ पुनित रो दुसमान्‍थुका बान्‍हाइयाको।

२ पत्‍रुस 3:14

इदोइखातिर मोन्‍दाताकालाइ, नेलाइ इदोइ काथाहेङ र्‍हुमकालाइ हिनाङसिङ, वाको नजरता नेलाइ दागा माकोनु दुस मान्‍थुकालाइ रो सान्‍तिता हिलि बल पासु।

१ युहन्‍ना 2:29

ख्रिस्‍ट धरमाति हि दोअ्‌का काथा नेलाइदोङ गेसुखेना। एन्‍सा जेङलाउ नेलाइ गेसु परमेस्‍वरको आगा उचित जेङका काम पाकालाइचाहिँ परमेस्‍वरको जाहान एइ।

१ युहन्‍ना 2:3

एदि केलाइ वाको हुकुमगेलाइ साअ्‌न्‍हाखे पानु पाकाङ केलाइ वासेहेङ नालन्‍हाखे दोअ्‌तेङ गेन्‍हाखे।

१ युहन्‍ना 3:7

काङको दायाका जामालाइ, हिदिङ बुङ द्‍याङ नेलाइहेङ छलेलि मानिनाको। धरमाति काम पाका द्‌याङ दोङ ख्रिस्‍टभाइपाङ धरमाति ज्‍यावा।