युहन्‍ना 7:3 - धिमाल

³ इसुको ओनेगेलाइ वासेहेङ दोअ्‌हि, “इदोइ थामे लाअ्‌तेङ यहुदियाता हाने रो नाङको पागिल्‍का कामगेलाइ इन्‍ता बुङ नाङको चात्‍यागेलाइ तिनाको।

Dhimal NT

³ ओदोङ भाअ्सिङ येसुको ओनेगेलाइ वासेहेङ दोअ्हि, “इदोइ थामे लाअ्तेङ यहुदिया जिल्ला हाने, कालाउ नाअ् दोङ पातेङ हिका कामगेलाइ नाङको चात्यागेलाइ बुङ तिनाको।

युहन्‍ना 7:3 Iomraidhean Croise

मत्‍ति 12:46

इसु जोम्‍कालाइदोफा धुइकाताङपालाउ, वाको आमाइ रो ओनेगेलाइ बाहार जाअ्‌तेङ हिघाखे रो वाकोदोफा काथा पालि भोघाखे।

मर्कुस 3:21

जेलाउ इसुको ताइ द्‍याङगेलाइ इदोइ काथा हिङहि, कोलाउ वासेहेङ नानि एम्‍बालाइ ओल्‍हेहि, हाइपानु वाको मन ठेगानता मान्‍थु दोअ्‌तेङ एम्‍बालाइ दोअ्‌घाखे।]

मर्कुस 3:31

इङको पहर इसुको आमाइ रो ओनेगेलाइ इन्‍ता लोहि रो बाहार जाअ्‌तेङ वासेहेङ काइलि दिङगिल्‍हि।

लुका 8:19

एनि इसुको ओनेगेलाइ रो वाको आमाइ वासेहेङ दुसुलि लोहि। कुलाउ द्‌याङगेलाइको चेअ्‌सुमेअ्‌सुका एम्‍बालाइ वासेहेङ दुसुलि मादोहि।

लुका 8:20

एमि द्‌याङ इसुहेङ दोअ्‌हि, “नाङको आमाइ रो ओनेगेलाइ नासेहेङ भेटिलि बाहार र्‍हुम्‍तेङ हि।”

युहन्‍ना 2:2

इसु रो वाको चात्‍यागेलाइहेङ बुङ बिहुता नेउतापिका हिघाखे।

युहन्‍ना 6:60

इदोइ हिङकान्‍हुअ्‌सो इसुको चात्‍यागेलाइता हेअ्‌मि दोअ्‌हि, “इदोइ कथन थाङका हि, हासु इदोइ हिङलि द्‌वावा कुनु?”

युहन्‍ना 6:66

इङकोन्‍हुअ्‌सो इसुको चात्‍यागेलाइता हेअ् मि न्‍हुअ्‌सो पासाइहि रो वाकोदोफा हिगिल्‍लि लाअ्‌हि।

युहन्‍ना 7:10

कुलाउ इसुको ओनेगेलाइ पारबाता हानिकान्‍हुअ्‌सो वा बुङ हासुहेङ मागेपासिङ सिपापा इन्‍ता हानिहि।

युहन्‍ना 7:4

जेदोङ द्‍याङ मिङचलेपालि भोखे, इङको सिपापा काम मापाखे। ना इदोइ कामगेलाइ पाखेना पानु ताइमिहेङ दुनियाहेङ देखाल पापि।”

युहन्‍ना 7:5

(हाइपानु वाको ओनेगेलाइ बुङ वासेहेङ खान्‍धुर मापाघाखे।)

साल्न्हाका चात्या 2:14

कुलाउ पत्‍रुस तेएमि साल्‍तेङ दिङगिल्‍कालाइ दोफाङ जाअ्‌तेङ बारा गालाता एम्‍बालाइहेङ दोअ्‌हि, “यहुदियाता रो यरुसलेमता हिका झाराङ दादाओनेगेलाइ, नेलाइ इदोइ काथा रेम्‍फा हिङसु।