युहन्‍ना 4:9 - धिमाल

⁹ कोलाउ सामरि बेबाल वासेहेङ दोअ्‌हि, “ना यहुदि जेङतेङ का सामरिको खुरसो हेसापा चि आमाना?” (हाइपानु यहुदिगेलाइ सामरिगेलाइदोफा हिदिङ नाता माताअ्‌घाखे।)

Dhimal NT

⁹ कालाउ सामारि बेबाल वासेहेङ दोअ्हि, नाअ् एनोङ यहुदि हिना कालाउ का एमि सामारि बेबाल हिघा, नाअ् का दोफा चि हाइ पालि ह्रेखेना? हाइपालिपानु यहुदिगेलाइ सामारिगेलाइ दोफा हिदोइ बुङ सामान्दा माताखे।

युहन्‍ना 4:9 Iomraidhean Croise

मत्‍ति 10:5

इसु इदोइ तेन्‍हे चात्‍यागेलाइहेङ एसा दोअ्‌तेङ हुकुम पितेङ दिङगिल्‍हि, “बोजात्‍यागेलाइको माझाता मान्‍हेसु रो सामरिगेलाइको पुरता मादुल्‍सु।

लुका 10:33

एमि सामरि बुङ इङकोङपाहा लोहि। इङको घाइते द्‍याङहेङ तिङलाउ वाको मन दायासो पोङघातेङ लोहि।

युहन्‍ना 4:27

इङको दोङ पहर वाको चात्‍यागेलाइ इन्‍ता थुकालि लोहि रो वासेहेङ एमि बेबालदोफा काथा पातेङहिका तिङतेङ भारभुसाइहि। कुलाउ एम्‍बालाइ “ना हाइ भोखेना” रो “ना इङको बेबालदोफा हाइपालि काथा पादोङखेना?” दोअ्‌तेङ हासुङ माहिअ्‌हि।

युहन्‍ना 8:48

यहुदि आगुवागेलाइ इसुहेङ दोअ्‌हि, “केलाइको दोअ्‌का मुनासिप एइ, ना सामरि हिना रो नासेहेङ मासान खोअ्‌काहि।”

साल्न्हाका चात्या 1:8

कुलाउ पुनित हाङसा नेलाइर्‍हुता लोकान्‍हुअ्‌सो नेलाइ सरबङ निङस्‍वाना। इङकोन्‍हुअ्‌सो नेलाइ यरुसलेमता, गोताङ यहुदिया रो सामरिया माउजाता कालाउ सुमिङको कोन्‍हाथिकापा काङको दासि जेङस्‍वाना।”

साल्न्हाका चात्या 10:28

पत्‍रुस एम्‍बालाइहेङ दोअ्‌हि, “बोजात्‍यादोफा सङगत पालि रो एम्‍बालाइहेङ दुसुलि केलाइ यहुदिगेलाइको भाअ्‌सिङ उचित माको दोअ्‌का काथा नेलाइ झाराङ गेकाङ हिसुन्‍हा। कोलाउबुङ परमेस्‍वर कासेहेङ हिदिङ द्‍याङहेङ हुकुम रो अपुनित मादोलि दोअ्‌तेङ तिङपाका हि।

साल्न्हाका चात्या 10:32

इदोइखातिर योप्‍पाता द्‍याङ दिङगिल्‍तेङ पत्‍रुस दोअ्‌का सिमोनहेङ काइगिल। वा जाहादिको काम्‍बेता धालेको काम पाका सिमोनको साअ्‌ता हिका हि।’