युहन्‍ना 4:3 - धिमाल

³ जेलाउ इसु इदोइ काथा हिङहि, वा यहुदिया लाअ्‌तेङ आरोङ गालिलता घुरिहि।

Dhimal NT

³ जेलाउ येसु इदोइ काथा थाहा गिहि, येसु यहुदिया जिल्ला लाअ्तेङ आरोङ गालिल जिल्लाता ताइको चात्यागेलाइ दोफा घुरेहि।

युहन्‍ना 4:3 Iomraidhean Croise

मत्‍ति 10:23

जेलाउ एम्‍बालाइ नेलाइहेङ एलोङ पुरता सान्‍तायावा कालाउ भेनाङता खाअ्‌तेङ हानेसु। हाइपानु जातिङको का नेलाइहेङ दोअ्‌खा, का द्‍याङको चान लोका खान्‍तेङ लाम्‍फा नेलाइ हिदिङ रितसो इस्राएलको गोताङ देरा पुरगेलाइता घुराइलिदोका मान्‍थुस्‍वाना।

मर्कुस 3:7

इङकोन्‍हुअ्‌सो इसु ताइको चात्‍यागेलाइदोफा चावान्‍दिभारि हानेहि रो गालिलसो हेन्‍जाङ द्‍याङगेलाइ वासेहेङ पिताइहि।

लुका 17:11

इसु यरुसलेम हानेलाउ सामरिया रो गालिल माउजाको सिमाना जेङतेङ हानिहि।

युहन्‍ना 1:43

जुम्‍निदिना इसु गालिल माउजाता हानेलि निधो पातेङ ओल्‍हेहि। इङकोङ पहर वा फिलिपहेङ दुसुहि रो दोअ्‌हि, “कासेहेङ पिताइ।”

युहन्‍ना 10:40

इसु आरोङ यर्दन ओदोइपार इङको थामेता हानेहि, जेता युहन्‍ना लाम्‍फा चिभुअ्‌लि पिघाखे रो वा इन्‍ताङ हि।

युहन्‍ना 11:54

इदोइखातिर इसु आरोङ यहुदिगेलाइको माझाता खुलेआम माहिगिल्‍हि। कुलाउ इन्‍तासो उदादाङका थामेको भेर्पाता हिका एफ्राइम दोअ्‌का पुरता हानेहि रो इन्‍ता चात्‍यागेलाइदोफा हि।

युहन्‍ना 2:11

वाको चिनोगेलाइता इदोइ लाङ चिनो इसु गालिलको काना पुरता पाहि। एसापा वा ताइको प्रताप देखाल पाहि, कालाउ वाको चात्‍यागेलाइ वासेहेङ खान्‍धुर पाहि।

युहन्‍ना 3:22

इङकोन्‍हुअ्‌सो इसु रो वाको चात्‍यागेलाइ यहुदिया माउजाता हानेहि। इन्‍ता एम्‍बालाइदोफा आतुइसा दिना हि रो चिभुअ्‌लि पिहि।

युहन्‍ना 3:32

वा जेदोङ तिङका रो हिङका हि, इङकोको दासि वा पिखे। कुलाउ, वाको दासि हासुङ मार्‍हुखे।

युहन्‍ना 4:47

इसु यहुदियासो गालिलता लोका हि दोअ्‌का हिङतेङ इङको वाकोता हानेहि, कालाउ इङकोको चानहेङ लोतेङ एल्‍पापिलि दोअ्‌तेङ वासेहेङ पुकार पाहि। हाइपानु इङकोको चान सिलि तोम्‍का हिघाहि।

युहन्‍ना 7:1

इङकोन्‍हुअ्‌सो इसु गालिल माउजाता दोङ घुराइगिल्‍हि, कुलाउ वा यहुदियाता हानेलि माकिअ्‌हि। हाइदोनु यहुदि आगुवागेलाइ वासेहेङ सेअ्‌लि दाउता हिघाखे।