युहन्‍ना 3:5 - धिमाल

⁵ इसु इङकोहेङ दोअ्‌हि, “जातिङको का नासेहेङ दोअ्‌खा, हासुङ चि रो हाङसासो माजोन्‍मेहि पानु परमेस्‍वरको सारभिता दुल्‍लि माद्‍वावा।

Dhimal NT

⁵ येसु उत्तारा पिहि, “जातिङ भारि का नासेहेङ दोअ्खा, चि कालाउ आत्मासो जोलोम माजेङपा थेकापा हासु बुङ परमेस्वरको सासनता दुल्लि माद्वाङ।

युहन्‍ना 3:5 Iomraidhean Croise

मत्‍ति 18:3

रो दोअ्‌हि, “जातिङको, का नेलाइहेङ दोअ्‌खा, मन फेरिन्‍हातेङ नेलाइ आतुइका जामालाइभाइपा माजेङसुन्‍हा पानु हेअ्‌लाउ सादेलको सारभिता मादुलस्‍वाना।

मत्‍ति 19:24

आरोङ का नेलाइहेङ दोअ्‌खा, धनि द्‍याङहेङ सादेलको सारभिता दुल्‍काखान्‍तेङ भुरुङ उटहेङ बिन्‍दुको कानाता दुल्‍लि सुकातावा।”

मत्‍ति 21:31

एला इदोइ न्‍हेमिता हिदोइचाहिँ आबाको दोअ्‌का साअ्‌हि?” एम्‍बालाइ दोअ्‌हि, “दादा चाहिँ।” इसु एम्‍बालाइहेङ दोअ्‌हि, “जातिङको, का नेलाइहेङ दोअ्‌खा, तिरो ल्‍होपाकालाइ रो कासबिरिगेलाइ नेलाइखान्‍तेङ लाम्‍फा सादेलको सारभिता दुलावा।

मत्‍ति 28:19

इदोइखातिर नेलाइ हानितेङ गोताङ मुलुकको द्‍याङगेलाइहेङ चात्‍या बान्‍हाइसु। आबा, चान रो पुनित हाङसाको मिङता एम्‍बालाइहेङ चिभुअ्‌लि पिसु।

मत्‍ति 3:11

“काचाहिँ नेलाइहेङ कुकरम लाअ्‌लिको भाअ्‌सिङ चिहोइ चिभुअ्‌लि पिखा, कालाउ बुङ कान्‍हुअ्‌सो लोका काखान्‍तेङ सरबङहिका हि, का वाको जुता चुमलि सोबाइका मान्‍थुघा। वा नेलाइहेङ पुनित हाङसा रो मेहोइ चिभुअ्‌लि प्‍यावा।

मत्‍ति 5:20

का नेलाइहेङ दोअ्‌खा, नेलाइको धरममास्‍टर रो फरिसिगेलाइको पाका धरम काम खान्‍तेङ नेलाइको काम रेम्‍का माजेङनु नेलाइ हिदिङ बुङ रितसो सादेलको सारभिता दुल्‍लि मानिङस्‍वाना।

मर्कुस 10:14

कालाउ बुङ इसु इदोइ तिङतेङ चेरताम्‍पातेङ चात्‍यागेलाइहेङ दोअ्‌हि, “म्‍हुइका जामालाइ चोमालाइहेङ काङकोता लोलि पिसु, एम्‍बालाइहेङ मारोकेसु, हाइदोनु सादेलको सारभि इसिकालाइकोङ एइ।

मर्कुस 16:16

खान्‍धुर पाका रो चिभुअ्‌लि र्‍हुका बानच्‍यावा, कालाउ बुङ खान्‍धुर मापाका दोसि ज्‍यावा।

मर्कुस 9:47

आरोङ नाङको मिँ नासेहेङ खिचोला पिनु इङकोहेङ होअ्‌तेङ थाल्‍गिल। हाइपानु न्‍हे मिँ हितेङ पातेलता थालगिन्‍हाकाखान्‍तेङ भुरुङ ए मिँ चुमतेङ सादेलको सारभिता दुल्‍लि नाङको भाअ्‌सिङ रेम्‍का ज्‍यावा।

लुका 13:24

इसु एम्‍बालाइहेङ दोअ्‌हि, “चेअ्‌का फिनुसो सादेलको सारभिता लिअ्‍ता दुल्‍लि बल पासु। हाइदोनु का नेलाइहेङ दोअ्‌ताङका, हेन्‍जाङ द्‌याङगेलाइ चेअ्‌का फिनुसो लिअ्‌ता दुल्‍लि भोलाउबुङ दुल्‍लि माद्‍वावा।

लुका 13:3

एन्‍सा माको, का नेलाइहेङ दोअ्‌ताङका; ताताइको कुकरम मानेतेङ परमेस्‍वरपाहा माघुरिपासुन्‍हा पानु नेलाइ बुङ एन्‍साङ पातेङ सिस्‍वाना।

लुका 13:5

एन्‍सा माको, कालाउ का नेलाइहेङ दोअ्‌ताङका, ताताइको कुकरम मानेतेङ परमेस्‍वरपाहा माघुरिपासुन्‍हा पानु नेलाइ बुङ एन्‍साङ पातेङ सिस्‍वाना।”

युहन्‍ना 1:13

एम्‍बालाइ हितिसो, जिउको लाल्‍सासो रो हिदिङ द्‍याङको लाल्‍सासो माको, कुलाउ परमेस्‍वर दोङ एम्‍बालाइहेङ ताइको चान चामिन्‍दि बान्‍हाइहि।

युहन्‍ना 3:3

इसु इङकोहेङ दोअ्‌हि, “जातिङको का नासेहेङ दोअ्‌खा, हासुङ नावा पातेङ जोलोम माजेङनु वा परमेस्‍वरको सारभि तिङलि माद्‍वावा।”

युहन्‍ना 3:4

निकोदेमस वासेहेङ दोअ्‌हि, “द्‍याङ वाराङ जेङकान्‍हुअ्‌सो हेसापा जोन्‍मेलि द्‍वावा कुनु? हाइ इङको ताइको आमाइको कोखेता न्‍हेखे खेप जोन्‍मेलि द्‍वावा?”

साल्न्हाका चात्या 2:38

पत्‍रुस एम्‍बालाइहेङ दोअ्‌हि, “कुकरम मानेसु रो नेलाइको कुकरम माफको भाअ्‌सिङ इसु ख्रिस्‍टको मिङता नेलाइ झाराङ चिभुअ्‌लि र्‍हुसु, कालाउ नेलाइ पुनित हाङसाको बर निङस्‍वाना।

साल्न्हाका चात्या 3:19

इदोइखातिर ताताइको कुकरम मानेसु रो परमेस्‍वरकोता घुरिसु रो नेलाइको कुकरम माअ्‌ताको। एसापा परमप्रभुसो आत्‍माता सुबिस्‍ता सरबङ निङस्‍वाना।

1 कोरिन्थि 15:50

दादाओने बाइओनेगेलाइ, का नेलाइहेङ दोअ्‌लि भोकाचाहिँ हिति रो बिहाहोइ बनेका जिउ सिखे। कालाउ इदोइ जिउ नावा माजेङपाधाउ परमेस्‍वरको सारभिता हेअ्‌लाउ हिलि मानिङखे।

1 कोरिन्थि 2:12

केलाइ दुनियाको हाङसा मानिङन्‍हाहि, कालाउ परमेस्‍वरको पुनित हाङसा निङका हिन्‍हाहि। परमेस्‍वर केलाइहेङ पिका गोताङ काथा गेलि द्‍वाको दोअ्‌तेङ दोङ केलाइ इदोइ निङन्‍हाहि।

1 कोरिन्थि 6:11

नेलाइता हेअ्‌मि ए पहर इसिकाङ हिघासुन्‍हा। कालाउ परमेस्‍वर नेलाइको कुकरम झापिका हि रो पुनित पाका हि। एला प्रभु इसु ख्रिस्‍टको मिङता वाको हाङसासो नेलाइ परमेस्‍वरको आगाता धरमाति जेङका हिसुन्‍हा।

गलाति 6:15

केलाइ खाताना पालाउ बुङ, मापालाउ बुङ हाइदोङ मान्‍थु। कालाउ द्‌याङगेलाइ परमेस्‍वरसो नावा ज्‍यान निङलि दोङ मुल काथा एइ।

1पतरुस 1:2

लाम्‍फासोङ परमेस्‍वर आबा ताइको उपाइआन्‍सार नेलाइहेङ ताइकोङ पुनित जन जेङलि साल्‍हि। इसु ख्रिस्‍टको हितिहोइ पुनित जेङतेङ वाकोङ हुकुम नेलाइ साअलि दोसु दोअ्‌तेङ वा नेलाइहेङ पुनित हाङसासो ताइको बान्‍हाइहि। कालाउ परमेस्‍वर आबा नेलाइहेङ इस्‍तुङ निगाहा रो सान्‍ति प्‍याको।

1पतरुस 3:21

इदोइहोइ बतिस्‍माहेङ तिङपाखे, जाइ नेलाइहेङ सिन्‍हुपाखे। इदोइ ताइ जिउको आखेका झाका भाइका माको, कालाउ इदोङ एल्‍का मनहोइ परमेस्‍वरदोफा पाका कबोल एइ। कालाउ जेसापा इसु ख्रिस्‍ट सिकासो सिन्‍हुपान्‍हाहि एन्‍साङ पातेङ बतिस्‍माहोइ नेलाइहेङ बुङ बान्‍चेपावा।

१ युहन्‍ना 2:29

ख्रिस्‍ट धरमाति हि दोअ्‌का काथा नेलाइदोङ गेसुखेना। एन्‍सा जेङलाउ नेलाइ गेसु परमेस्‍वरको आगा उचित जेङका काम पाकालाइचाहिँ परमेस्‍वरको जाहान एइ।

१ युहन्‍ना 5:1

इसु दोङ छुटकारा पिका ख्रिस्‍ट हि दोअ्‌तेङ खान्‍धुर पाका झाराङ परमेस्‍वरको जाहान एइ। कालाउ जाइ परमेस्‍वर आबाहेङ माया पाखे इङको चानहेङ बुङ माया पाखे।