युहन्‍ना 3:3 - धिमाल

³ इसु इङकोहेङ दोअ्‌हि, “जातिङको का नासेहेङ दोअ्‌खा, हासुङ नावा पातेङ जोलोम माजेङनु वा परमेस्‍वरको सारभि तिङलि माद्‍वावा।”

Dhimal NT

³ येसु उङकोहेङ उत्तारा पिहि, “जातिङ भारि का नासेहेङ दोअ्खा, हासु बुङ नावा जेन्तेङ जोलोम माजेङनु वा परमेस्वरको सासन आनुभब पालि माद्वाङ।”

युहन्‍ना 3:3 Iomraidhean Croise

मत्‍ति 16:17

इसु वासेहेङ दोअ्‌हि, “योनाको चान सिमोन, ना सहसाम्‍पा निङका हिन्‍हा। हाइदोनु द्‍याङसो नासेहेङ इदोइ तिम्‍पाका माको, कालाउ बुङ सादेलता हिका काङको परमेस्‍वर आबा तिम्‍पाका हि।

मत्‍ति 19:24

आरोङ का नेलाइहेङ दोअ्‌खा, धनि द्‍याङहेङ सादेलको सारभिता दुल्‍काखान्‍तेङ भुरुङ उटहेङ बिन्‍दुको कानाता दुल्‍लि सुकातावा।”

मत्‍ति 21:31

एला इदोइ न्‍हेमिता हिदोइचाहिँ आबाको दोअ्‌का साअ्‌हि?” एम्‍बालाइ दोअ्‌हि, “दादा चाहिँ।” इसु एम्‍बालाइहेङ दोअ्‌हि, “जातिङको, का नेलाइहेङ दोअ्‌खा, तिरो ल्‍होपाकालाइ रो कासबिरिगेलाइ नेलाइखान्‍तेङ लाम्‍फा सादेलको सारभिता दुलावा।

मत्‍ति 5:18

हाइदोनु जातिङको का नेलाइहेङ दोअ्‌खा, जेलाउथिकापा सादेल रो सुमिङ मुअ्‌तेङ मान्‍हावा कालाउथिकापा मोसासो लेखिका नियमको म्‍हुइका खान्‍तेङ म्‍हुइका काथा बुङ मापोङघासिङ मालाअ्‌तावा।

मर्कुस 10:14

कालाउ बुङ इसु इदोइ तिङतेङ चेरताम्‍पातेङ चात्‍यागेलाइहेङ दोअ्‌हि, “म्‍हुइका जामालाइ चोमालाइहेङ काङकोता लोलि पिसु, एम्‍बालाइहेङ मारोकेसु, हाइदोनु सादेलको सारभि इसिकालाइकोङ एइ।

मर्कुस 9:47

आरोङ नाङको मिँ नासेहेङ खिचोला पिनु इङकोहेङ होअ्‌तेङ थाल्‍गिल। हाइपानु न्‍हे मिँ हितेङ पातेलता थालगिन्‍हाकाखान्‍तेङ भुरुङ ए मिँ चुमतेङ सादेलको सारभिता दुल्‍लि नाङको भाअ्‌सिङ रेम्‍का ज्‍यावा।

युहन्‍ना 1:13

एम्‍बालाइ हितिसो, जिउको लाल्‍सासो रो हिदिङ द्‍याङको लाल्‍सासो माको, कुलाउ परमेस्‍वर दोङ एम्‍बालाइहेङ ताइको चान चामिन्‍दि बान्‍हाइहि।

युहन्‍ना 1:5

इङको जोल्‍का कितिकितिकाता चिल्‍काखे रो कितिकितिका इङकोहेङ जितिलि दोका मान्‍थु।

युहन्‍ना 1:51

कालाउ इसु इङकोहेङ दोअ्‌हि, “जातिङको, का नासेहेङ दोअ्‌खा, नेलाइ सादेल हेनाका रो परमेस्‍वरको सादेलचरगेलाइ द्‍याङको चानर्‍हुता ताङतेङ रो खुअ्‌तेङ हिका तिङस्‍वाना।”

युहन्‍ना 12:40

“परमेस्‍वर एम्‍बालाइको मि तुअ्‌पापिका हि रो एम्‍बालाइको कोन्‍धाङ थाङका पापिका हि। एसापा एम्‍बालाइ मिहोइ मातिनाको, कालाउ कोन्‍धाङहोइ माग्‍याको, माकोनुते एम्‍बालाइ घुर्‍यावा, कालाउ का एम्‍बालाइहेङ एल्‍पालि गोयाङ।”

युहन्‍ना 3:4

निकोदेमस वासेहेङ दोअ्‌हि, “द्‍याङ वाराङ जेङकान्‍हुअ्‌सो हेसापा जोन्‍मेलि द्‍वावा कुनु? हाइ इङको ताइको आमाइको कोखेता न्‍हेखे खेप जोन्‍मेलि द्‍वावा?”

गलाति 6:15

केलाइ खाताना पालाउ बुङ, मापालाउ बुङ हाइदोङ मान्‍थु। कालाउ द्‌याङगेलाइ परमेस्‍वरसो नावा ज्‍यान निङलि दोङ मुल काथा एइ।

तितस 3:5

केलाइ ताइमिङको पाका धरमाति कामसो माको, कालाउ वा दायातेङ केलाइहेङ सिन्‍हुपाहि। वा केलाइको कुकरमगेलाइ झापिहि रो केलाइहेङ पुनित हाङसासो नावा ज्‍यान पिहि।

याकुब 3:17

कालाउ जेदोङ आकिल सादेलसो लोखे, इङको पुनित, सुका पिका, नोइका रो मिलिका हिखे। इसिका आकिल दायाहोइ पोङघाका हिखे रो इङको रेम्‍का कामको फल सेपाखे। कालाउ इदोइ पछेपात रो छल मापाका जेङखे।

1पतरुस 1:3

केलाइको प्रभु इसु ख्रिस्‍टको आबा परमेस्‍वरको बाखिन्‍का ज्‍याको। वा इसु ख्रिस्‍टहेङ सिकासो सिन्‍हुपातेङ परमेस्‍वरको हेन्‍जाङ दायाहोइ केलाइहेङ नावा जोलोम पिहि। इदोइखातिर केलाइको सिन्‍हुका आस इदोङ हि,

१ युहन्‍ना 2:29

ख्रिस्‍ट धरमाति हि दोअ्‌का काथा नेलाइदोङ गेसुखेना। एन्‍सा जेङलाउ नेलाइ गेसु परमेस्‍वरको आगा उचित जेङका काम पाकालाइचाहिँ परमेस्‍वरको जाहान एइ।

१ युहन्‍ना 3:9

परमेस्‍वरको जामाल कुकरम पातेङमाहिखे हाइदोनु वाता परमेस्‍वरकोङ ज्‍यान हिखे। वा कुकरम पातेङ हिलिङ मादोखे हाइदोनु परमेस्‍वर दोङ वाको आबा हि।

१ युहन्‍ना 5:1

इसु दोङ छुटकारा पिका ख्रिस्‍ट हि दोअ्‌तेङ खान्‍धुर पाका झाराङ परमेस्‍वरको जाहान एइ। कालाउ जाइ परमेस्‍वर आबाहेङ माया पाखे इङको चानहेङ बुङ माया पाखे।

१ युहन्‍ना 5:18

केलाइ गेन्‍हाखे, परमेस्‍वरको जाहान जेङकालाइ हासुङ बुङ कुकरम पातेङमाहिखे दोअ्‌तेङ केलाइ खान्‍धुर पान्‍हाखे। हाइदोनु परमेस्‍वरको चान एम्‍बालाइहेङ जोगाइतेङ ताअ्‌तावा रो दुरजन इङकोहेङ हाइदोङ पालि माद्‌वावा।

१ युहन्‍ना 5:4

हाइपानु परमेस्‍वरसो झाराङ जाहान दुनियाहेङ दोङ जितिलि द्‌वावा रो केलाइको खान्‍धुरहोइ दोङ दुनियाहेङ जितिलि द्‌वाङ।