युहन्‍ना 3:11 - धिमाल

¹¹ जातिङको का नासेहेङ दोअ्‌खा, केलाइ जेदोङ गेन्‍हाखे इङको दोअ्‌न्‍हाखे रो केलाइ जेदोङ तिङका हिन्‍हाहि इङको दासि पिन्‍हाखे। कुलाउ नेलाइ केलाइको दासि मन्‍जुर मासाअ्‌सुखेना।

Dhimal NT

¹¹ जातिङ भारि का नासेहेङ दोअ्खा, केलाइ जेदोङ गिनाखे इङकोङ दोअ्नाखे, कालाउ केलाइ जेदोङ तिङका हिनाहि इङको कोङ साक्सि पिन्हाखे, कालाउ नेलाइ केलाइको दोअ्का काथाता खाङधुरि मापा सुखेना।

युहन्‍ना 3:11 Iomraidhean Croise

मत्‍ति 11:27

“काङको आबा गोताङ काथाको जिम्‍मा कासेहेङ पिका हि। आबाबिना चानहेङ हासुङ मानाल्‍खे रो चानबिना आबाहेङ हासुङ मानाल्‍खे। कालाउ बुङ चान जाइहेङ आबा नाल्‍पालि भोखे, एम्‍बालाइ खिनिङ आबाहेङ नाल्‍खे।”

मत्‍ति 23:37

“यरुसलेमको द्‍याङगेलाइ, यरुसलेमको द्‍याङगेलाइ! नेलाइ आगाधुइकालाइहेङ सेअ्‌सुखेना कालाउ नेलाइकोता दिङगिल्‍कालाइहेङ उन्‍ठुइहोइ तोसुखेना। जेसापा कियाको भुन्‍दि ताइ किचानगेलाइहेङ जोम्‍पाका भाइपा, का नेलाइहेङ हेअ्‌खे जोम्‍पालि भोघा, कालाउ बुङ नेलाइ माकिअ्‌सुन्‍हा।

लुका 10:22

“काङको आबा कासेहेङ गोताङ थोक जिम्‍मा पिकाहि। आबाबिना का चानहेङ हासुङ मानाल्‍खे। एन्‍साङ चान रो वाको नाल्‍पाका द्‌याङगेलाइ बिना बो हासुबुङ आबाहेङ मानाल्‍खे।”

युहन्‍ना 1:11

वा ताइकोङ द्‍याङगेलाइकोता लोहि, कुलाउ वाको ताइको द्‍याङगेलाइ वासेहेङ मार्‍हुहि।

युहन्‍ना 1:18

परमेस्‍वरहेङ हासुङ हेअ्‌लाउ तिङका मान्‍थु। कुलाउ आबाको दोसा हिका ए खिनिङ चान वासेहेङ देखाल पिका हि।

युहन्‍ना 12:49

हाइदोनु का ताइकोङ पाहासो माधुइघा, कुलाउ का हाइ दोअ्‌लिगोइका एइ रो हाइ धुइलि गोइका एइ, कासेहेङ दिङगिल्‍का आबा ताइमिङ कासेहेङ हुकुम पिका हि।

युहन्‍ना 14:24

कासेहेङ इन्‍ताना मापाकालाइ काङको कथन मासाअ्‌खे। जेदोङ कथन नेलाइ हिङसुखेना, इङको काङको माको, कुलाउ कासेहेङ दिङगिल्‍का आबाको एइ।

युहन्‍ना 3:12

का नेलाइहेङ दुनियाको काथा दोअ्‌घा, कोलाउनुङ नेलाइ खान्‍धुर मापासुखेना। नेलाइहेङ सादेलको काथा दोअ्‌पिघा पानु हेसापा खान्‍धुर पालि दोस्‍वाना?

युहन्‍ना 3:13

सादेलसो खुअ्‌तेङलोका का द्‍याङको चानबिना हासु बुङ सादेलता ताङका मान्‍थु।

युहन्‍ना 3:3

इसु इङकोहेङ दोअ्‌हि, “जातिङको का नासेहेङ दोअ्‌खा, हासुङ नावा पातेङ जोलोम माजेङनु वा परमेस्‍वरको सारभि तिङलि माद्‍वावा।”

युहन्‍ना 3:5

इसु इङकोहेङ दोअ्‌हि, “जातिङको का नासेहेङ दोअ्‌खा, हासुङ चि रो हाङसासो माजोन्‍मेहि पानु परमेस्‍वरको सारभिता दुल्‍लि माद्‍वावा।

युहन्‍ना 5:43

का ताइको आबाको मिङता लोका हिघा, कुलाउ नेलाइ कासेहेङ मार्‍हुसुखेना। भेनेङ हासुङ ताइकोङ मिङता लोहि पानु इङकोहेङ र्‍हुस्‍वाना।

युहन्‍ना 7:16

कोलाउ इसु एम्‍बालाइहेङ दोअ्‌हि, “काङको धिरपाका बिद्‍या काङकोङ माको, कुलाउ वाको एइ, जाइ कासेहेङ दिङगिल्‍हि।

युहन्‍ना 8:14

इसु दोअ्‌हि, “का ताइकोङ बारेता दासि पिखा, कोलाउबुङ काङको दासि सत हि। का गेखा, का हितासो लोका हिघा रो का हिसो हानेदोङखा। कुलाउ नेलाइ मागेस्‍वाना, का हितासो ल्‍वाङका रो हिसो हानेदोङखा।

युहन्‍ना 8:26

का नेलाइको बारेता दोअ्‌लि रो निया पालि हेन्‍जा दोङ हि। कुलाउ कासेहेङ दिङगिल्‍का सत हि रो वासो का जेदोङ हिङघा इङको दोङ काथा का दुनियाहेङ दोअ्‌खा।”

युहन्‍ना 8:38

जेदोङजेदोङ का काङको आबाहिलाउ तिङका हिघा, इङकोङ का दोअ्‌खा। नेलाइ बुङ जेदोङ नेलाइको आबासो हिङका हिसुन्‍हा, इङकोङ पासुखेना।”

साल्न्हाका चात्या 22:18

प्रभु कासेहेङ एसा दोअ्‌हि, ‘मार्फा पातेङ यरुसलेमसो ओल्‍हे, हाइपानु ना काङको बारेता पिका दासि इताको द्‍याङगेलाइ माहिङप्‍यावा।’