युहन्‍ना 2:4 - धिमाल

⁴ इसु दोअ्‌हि, “आमाइ, का हाइपालि गोयाङका कासेहेङ मादोअ्। काङको पहर एलाथिकापा लोनाङ मान्‍थु।”

Dhimal NT

⁴ येसु उङकोहेङ दोअ्हि, “ओइ बेबाल कासेहेङ या हाइ दोअ्खेना? काङको बेला एला थेकापा लोका मान्थु।”

युहन्‍ना 2:4 Iomraidhean Croise

मत्‍ति 15:28

कालाउ इसु इङकोहेङ दोअ्‌हि, “ओइ बेबाल, नाङको खान्‍धुर बाराका हि। नाङको लाल्‍सा पाकाभाइपा नासेहेङ ज्‍याको।” इङकोको चामिन्‍दि इङकोङ पहर एल्‍हि।

मत्‍ति 8:29

एम्‍बालाइ एसा दोअ्‌तेङ र्‍हिकाइहि, “ओइ परमेस्‍वरको चान, नाङको केलाइदोफा हाइ मतलब? नियाको पहर माथुकासिङ केलाइहेङ हाइपालि साजाइ पिलि लोका हिन्‍हा?”

लुका 2:49

इसु दोअ्‌हि, “नेलाइ कासेहेङ हाइपालि भोसुखेना? का ताइको आबाको साअ्‌ता हिलिगोयाङ दोअ्‌तेङ हाइ नेलाइ मागेसुन्‍हा?”

युहन्‍ना 12:23

इसु एम्‍बालाइहेङ दोअ्‌हि, “एला का द्‍याङको चानको प्रताप जेङका पहर लोका हि।

युहन्‍ना 13:1

लाअ्‌पिका पारबाको लाम्‍फा इदोइ दुनियासो बेदाङगि जेङतेङ आबाकोता हानेका वाको पहर लोहोइ दोअ्‌का इसु गिहि। कालाउ दुनियाता हिका ताइको द्‍याङहेङ इन्‍ताना पातेङ वा एम्‍बालाइहेङ आखिरिथिकापाङ इन्‍ताना पाहि।

युहन्‍ना 2:3

अङगुरको निघार दोकान्‍हुअ्‌सो इसुको आमाइ वासेहेङ दोअ्‌हि, “एम्‍बालाइदोसा हिका अङगुरको निघार दोहोइ।”

युहन्‍ना 20:13

ओबालाइ इङकोहेङ दोअ्‌हि, “आनाउ, ना हाइपालि खारखेना?” इङको ओबालाइहेङ दोअ्‌हि, “एम्‍बालाइ काङको प्रभुहेङ चुम्‍पुहि, कुलाउ वासेहेङ हिता ताअ्‌का हि, का माग्‍याङका।”

युहन्‍ना 20:15

इसु इङकोहेङ दोअ्‌हि, “आनाउ, ना हाइपालि खारदोङखेना? हासुहेङ भोदोङखेना?” इङको इसुहेङ बागाने गेतेङ दोअ्‌हि, “मास्‍टर, ना इसुहेङ इतासो चुम्‍पुकाहिका हिनु, हिता ताअ्‌का हिन्‍हा कासेहेङ दोअ्, का वासेहेङ चुमप्‍वाङका।”

युहन्‍ना 7:30

इदोङखातिर एम्‍बालाइ इसुहेङ रिम्‍लि भोहि, कुलाउ हासुङ वासेहेङ खुर मालागाइहि, हाइदोनु वाको पहर एलाबुङ लोलितोम्‍का मान्‍थुघाहि।

युहन्‍ना 7:6

इसु एम्‍बालाइहेङ दोअ्‌हि, “काङको मुनासिप पहर एलाबुङ लोका मान्‍थु, कुलाउ नेलाइको भाअ्‌सिङ ते गोताङ पहर मुनासिप हि।

युहन्‍ना 7:8

नेलाइ पारबा मानेलि हानेसु, काचाहिँ एला मान्‍हाङका। हाइदोनु काङको पहर एका बुङ पोङघानाङ मान्‍थु।”

युहन्‍ना 8:20

इदोइ काथा वा थानता बिद्‍या पिलाउ दान पिका भाकारको भेर्पा दोअ्‌का हिघाहि। कुलाउ हासुङ वासेहेङ मारिम्‍हि, हाइदोनु वाको पहर आरोङ लोका मान्‍थुघाहि।