युहन्‍ना 2:16 - धिमाल

¹⁶ पारेउ पिअ्‌कालाइहेङ वा दोअ्‌हि, “इतासो इदोइ गोताङ थोक चुमपुसु। काङको आबाको साअ्‌हेङ चोल्‍कापिअ्‌का थामे माबान्‍हाइसु!”

Dhimal NT

¹⁶ कालाउ कुर्जा पिकालाइहेङ वा दोअ्हि, “इतासो इदोइ चुम्पुसु। काङको आबाको साअ्हेङ बेपार घाका साअ् माबानाइसु।”

युहन्‍ना 2:16 Iomraidhean Croise

मत्‍ति 21:12

कालाउ इसु परमेस्‍वरको थानता हानेहि। वा थानता चोलतेङपिअ्‌तेङ पाका झाराङहेङ गिल्‍गिल्‍हि। वा टाका सोकालाइको टेबुल रो पारेउ पिअ्‌कालाइको योम्‍का थामे थाइपिगिल्‍हि।

मत्‍ति 21:13

वा एम्‍बालाइहेङ दोअ्‌हि, “धरमकिताबता इसिका लेखेका हि: ‘काङको साअ् पुकार पाका साअ्‌ जेङलि गोयाङ।’ कालाउ बुङ नेलाइ यासिहेङ डाकुगेलाइको आडा बान्‍हाइका हिसुन्‍हा।”

मत्‍ति 22:5

“कालाउ बुङ एम्‍बालाइ वास्‍ताङ मापासिङ एमि ताइको मिलिङभारि रो भेनेङ ताइको पाइकारभारि हानेहि।

मर्कुस 11:17

कालाउ इसु बिद्‍या पितेङ दोअ्‌हि, “हाइ इसिका लेखेका मान्‍थु, ‘काङको साअ्‌ गोताङ जात्‍याको भाअ्‌सिङ पुकारको साअ् दोअ्‌न्‍हावा?’ कालाउ बुङ नेलाइ ते यासेहेङ डाकुगेलाइको आडा बान्‍हाइका हिसुन्‍हा।”

लुका 2:49

इसु दोअ्‌हि, “नेलाइ कासेहेङ हाइपालि भोसुखेना? का ताइको आबाको साअ्‌ता हिलिगोयाङ दोअ्‌तेङ हाइ नेलाइ मागेसुन्‍हा?”

युहन्‍ना 10:29

काङको आबा इङको पिका हि, वा झाराङखान्‍तेङ बाराका हि। आबाको खुरसो हासुङ नेलाइहेङ घिङतेङ चुम्‍पुलि माद्‍वावा।

युहन्‍ना 2:15

कोलाउ दिह्‍यामको एलोङ छरि बान्‍हाइतेङ वा इङको झाराङहेङ, इङकोको भेरागेलाइ रो पियागेलाइहेङ सुदाङ थानसो बाहार गिल्‍गिल्‍हि रो टाका सोकालाइको चानचुन तुपितेङ एम्‍बालाइको टेबुल सुदाङ लोङपापिगिल्‍हि।

युहन्‍ना 20:17

इसु इङकोहेङ दोअ्‌हि, “कासेहेङ मासाइ, हाइदोनु का एलाथिकापा आबाकोता हानेका मान्‍थुघा। कुलाउ काङको ओनेगेलाइकोता हानेतेङ एम्‍बालाइहेङ दोअ्‌पि, ‘काङको आबा रो नेलाइको आबा, काङको परमेस्‍वर रो नेलाइको परमेस्‍वरकोता हानेदोङखा।’”

युहन्‍ना 5:17

कोलाउ इसु एम्‍बालाइहेङ दोअ्‌हि, “काङको आबा एलाथिकापा काम पादोङखे रो का बुङ काम पादोङखा।”

युहन्‍ना 8:49

इसु दोअ्‌हि, “कासेहेङ मासान खोअ्‌का मान्‍थु। का ताइको आबाको मानभाउ पाखा, कुलाउ नेलाइ कासेहेङ बादनाम मासुखेना।

1तिमोथि 6:5

इसिका द्‍याङगेलाइ ते एकोर्‍ह्‍या जेङतेङ गनगन खिनिङ पातेङहिखे रो इन्‍सिकालाइको आकिल दोङ बिगिरका हिखे। एम्‍बालाइ सत दोङ राम्‍पाका हिखे रो परमेस्‍वरको बारेता बिद्‌या पिलिचाहि ताका कामाइका रेम्‍का दामा दोअ्‌तेङ एम्‍बालाइ फोमपाखे।

२ पत्‍रुस 2:3

लोभलालचता वालातेङ इङको असत मास्‍टरगेलाइ काथा बान्‍हाइतेङ दोङ नेलाइसो लाभ र्‍हुकावा। कालाउ एम्‍बालाइको दारको काथाता लाम्‍फा दोङ निया जेङलिदोका हि रो जातिङकोङ एम्‍बालाइ मुअ्‌तावा।