युहन्‍ना 17:3 - धिमाल

³ एला असिम ज्‍यान इदोइ एइ, एम्‍बालाइ ना एमिखिनिङ सत परमेस्‍वरहेङ नालाको रो नाङको दिङगिल्‍का इसु ख्रिस्‍टहेङ नालाको।

Dhimal NT

³ कालाउ आनान्त जिबन इदोइ दोङ कि द्‍याङगेलाइ नासेहेङ एमि खिनिङ सत्ये परमेस्वर दोअ्तेङ नाल्लि द्वाको, कालाउ कासेहेङ येसु ख्रिस्ट जाइ नाअ् दोङ दिङगिल्का हि दोअ्तेङ इम्बालाइ नाल्लि द्वाको।

युहन्‍ना 17:3 Iomraidhean Croise

मर्कुस 9:37

“जाइ काङको मिङता इसिका म्‍हुइका जामालता एमिहेङ र्‍हुखे, इङको कासेहेङ दोङ र्‍हुखे। जाइ कासेहेङ र्‍हुखे इङको कासेहेङ माको, कालाउ बुङ कासेहेङ दिङगिल्‍काहेङ र्‍हुखे।”

लुका 9:48

कालाउ एम्‍बालाइहेङ दोअ्‌हि, “काङको मिङता इसिका जामालहेङ र्‍हुकालाइ कासेहेङ र्‍हुकावा। कालाउ कासेहेङ र्‍हुकालाइ कासेहेङ दिङगिल्‍का आबाहेङ र्‍हुकावा। नेलाइता जाइ झाराङखान्‍तेङ आतुइका हिसुन्‍हा; वा दोङ झाराङखान्‍तेङ बारा जेनावा।”

युहन्‍ना 10:36

आबा पुनित बान्‍हाइतेङ दुनियाता दिङगिल्‍का खामाल ‘का परमेस्‍वरको चान एइ’ दोअ्‌लाउ हेसापा परमस्‍वरको बादनामि ज्‍यावा?

युहन्‍ना 11:42

का गेखा, ना काङको पुकार जेलाउ बुङ हिङखेना। कुलाउ इता जाअ्‌कालाइको भाअ्‌सिङ का इदोइ दोअ्‌का एइ। कोलाउ ना कासेहेङ दिङगिल्‍का एइ दोअ्‌तेङ एम्‍बालाइ खान्‍धुर पाको।”

युहन्‍ना 14:26

कुलाउ साल्‍हापिका, माकोनु पुनित हाङसा, जाइहेङ आबा काङको मिङता दिङगिलावा। वा नेलाइहेङ गोताङ काथा धिरपावा। का नेलाइहेङ दोअ्‌का गोताङ काथा नेलाइहेङ फोम पापावा।

युहन्‍ना 17:18

जेसापा ना कासेहेङ दुनियाता दिङगिलन्‍हा, का बुङ एम्‍बालाइहेङ दुनियाता दिङगिल्‍का हिघा।

युहन्‍ना 17:21

हाइपानु एम्‍बालाइ झाराङ एलोङ ज्‍याको। आबा, जेसापा ना काता हिन्‍हा रो का नाता हिघा, एन्‍साङ एम्‍बालाइ बुङ केलाइता ह्‍याको। कालाउ ना कासेहेङ दिङगिलन्‍हा दोअ्‌तेङ दुनिया खान्‍धुर पाको।

युहन्‍ना 17:23

का एम्‍बालाइता, कालाउ ना काता हिका भाइपाङ एम्‍बालाइ बुङ ए ज्‍याको। ना कासेहेङ दिङगिल्‍का एइ, कालाउ कासेहेङ इन्‍ताना पाकाभाइपा ना एम्‍बालाइहेङ बुङ इन्‍ताना पान्‍हा दोअ्‌तेङ दुनिया ग्‍याको।

युहन्‍ना 17:25

“धरमाति आबा, दुनिया नासेहेङ मानाल्‍खे, कुलाउ का नासेहेङ नाल्‍खा। कालाउ ना कासेहेङ दिङगिल्‍का एइ दोअ्‌तेङ चात्‍यागेलाइ गेखे।

युहन्‍ना 17:8

हाइदोनु जेदोङ धुइका ना कासेहेङ पिन्‍हा, का एम्‍बालाइहेङ पिका हिघा रो एम्‍बालाइ इङको र्‍हुका हि। का नासो लोका एइ दोअ्‌तेङ एम्‍बालाइ जातिङको गेका हि। कालाउ ना कासेहेङ दिङगिल्‍का एइ दोअ्‌तेङ एम्‍बालाइ खान्‍धुर पाका हि।

युहन्‍ना 3:17

हाइपानु परमेस्‍वर दुनियाहेङ फतुर पिलि दोअ्‌तेङ चानहेङ दुनियाता दिङगिल्‍का माको, कालाउ दुनिया वासो सिन्‍हुताको दोअ्‌तेङ दिङगिल्‍हि।

युहन्‍ना 3:34

हाइदोनु जाइहेङ परमेस्‍वर दिङगिल्‍हि, इङको परमेस्‍वरको बचन धुइखे। हाइपानु परमेस्‍वर मादोङसिङ पुनित हाङसा पिखे।

युहन्‍ना 5:44

नेलाइ हेसापा खान्‍धुर पालि दोस्‍वाना, जेलाउ बे नेलाइ मान भोसुखेना। कालाउ इङको मानको भोका मापासुखेना, जाइ एखिनिङ परमेस्‍वरसो लोखे।

युहन्‍ना 6:57

जेसापा सिन्‍हुका आबा कासेहेङ दिङगिल्‍हि रो का आबाको खातिर सिन्‍ह्‍वाङका, एन्‍साङ पातेङ कासेहेङ चाका बुङ काङको खातिर सिन्‍हुतावा।

युहन्‍ना 7:29

कुलाउ का वासेहेङ नाल्‍खा, हाइदोनु का वासो लोका एइ रो वा कासेहेङ दिङगिल्‍का एइ।”

युहन्‍ना 8:19

एम्‍बालाइ वासेहेङ हिअ्‌हि, “नाङको आबा हिता हि?” इसु दोअ्‌हि, “नेलाइ ना ते कासेहेङ ना काङको आबाहेङ नाल्‍सुखेना। नेलाइ कासेहेङ नाल्‍का हिनु, काङको आबाहेङ बुङ नाल्‍सुधाना।”

1 कोरिन्थि 15:34

हुस पासु, एला ओसो कुकरम मापासु। नेलाइको भाअ्‌सिङ इदोइ लेदेरलि गोइका काथा। हाइपानु नेलाइता हेअ्‌मि परमेस्‍वरहेङ नाल्‍काङ मान्‍थुसुन्‍हा।

1 कोरिन्थि 8:4

इदोइखातिर दिरहेङ चार्‍हाइका चाकाचिज चालि एल ना माएल दोअ्‌तेङ का नेलाइहेङ दोअ्‌खा, केलाइ गेन्‍हाखे, इता ए खिनिङ परमेस्‍वर हि रो दुनियाता हिका दिरचाहिँ जातिङको परमेस्‍वर माको।

फिलिप्पि 3:10

का ख्रिस्‍टहेङ नाल्‍लि रो वासेहेङ सिकासो आरोङ सिन्‍हुपाका सरबङहेङ गिलि भोखा। कालाउ वा तु: पिर भोगिका भाइपाङ का बुङ तु: पिर भोगितेङ वाको सिकाता वा भाइपाङ जेङलि भोखा।

फिलिप्पि 3:8

इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

1 थेस्लोनिकि 1:9

केलाइ नेलाइकोता लोलाउ नेलाइ हेसापा केलाइहेङ सेउपासुन्‍हा, कालाउ नेलाइको दिरदिराङहेङ पुजिलि लाअ्‌तेङ सिन्‍हुका रो जातिङको परमेस्‍वरको चाकर पालि घुरेसुन्‍हा, इदोइ ते इङको द्‍याङगेलाइ दोङ दोअ्‌खे।

2 थेस्लोनिकि 1:8

कालाउ परमेस्‍वरहेङ मानाल्‍कालाइहेङ रो केलाइको प्रभु इसुको रेम्‍काबानाल मासाअ्‌कालाइहेङ वा दार प्‍यावा।

२ पत्‍रुस 1:2

नेलाइ परमेस्‍वर रो केलाइको प्रभु इसु ख्रिस्‍टहेङ नालनासिङ परमेस्‍वर नेलाइहेङ हेन्‍जाखान्‍तेङ हेन्‍जा निगाहा रो सान्‍ति प्‍याको।

२ पत्‍रुस 1:3

पुनित ज्‍यान सिन्‍हुलिको भाअ्‌सिङ गोइका गोताङ काथा केलाइ परमेस्‍वरको सरबङसो दोङ निङका हिन्‍हाहि। हाइदोनु ताइको प्रताप रो भालाइसो काइका परमेस्‍वरहेङ केलाइ नाल्‍का हिन्‍हाहि।

२ पत्‍रुस 1:8

नेलाइहेङ गोइका काथागेलाइ इदोङ एइ। कालाउ इदोइ काथागेलाइ नेलाइको ज्‍यानता बार्‍हेतेङ हानेहि पानु नेलाइ प्रभु इसु ख्रिस्‍टहेङ नाल्‍नाङसिङ एल्‍का कामसो नेलाइको ज्‍यानता लाभ ज्‍यावा।

१ युहन्‍ना 1:2

जेलाउ इङको ज्‍यान देखाल जेङहि, केलाइ तिङन्‍हाहि। वा असिम ज्‍यान हि दोअ्‌तेङ केलाइ नेलाइहेङ दासि पितेङ दोअ्‌न्‍हाखे। वा परमेस्‍वर आबादोफा हिघाहि रो केलाइकोता देखाल जेङहि।

१ युहन्‍ना 1:3

केलाइ जाइ तिङका रो हिङका हिन्‍हाहि, इङको केलाइ नेलाइहेङ पारचार पान्‍हाखे, कोलाउ केलाइदोफा नेलाइको मिलाप ज्‍याको। केलाइको मिलापचाहिँ परमेस्‍वर आबा रो वाको चान इसु ख्रिस्‍टदोफा हि।

१ युहन्‍ना 2:23

जाइ चानहेङ इन्‍कार पाखे इङको परमेस्‍वर आबाहेङ बुङ इन्‍कार पाखे। जाइ चानहेङ साअ्‌खे, इङको परमेस्‍वर आबाहेङ बुङ साअ्‌खे।

१ युहन्‍ना 4:6

कालाउ केलाइ ते परमेस्‍वरको एइ। जाइ परमेस्‍वरहेङ नाल्‍खे वा केलाइको काथा हिङखे। जाइ परमेस्‍वरको माको, इङको केलाइको काथा माहिङखे। इदोङसो केलाइ सतको हाङसा रो आवाइपाका हाङसाहेङ नालन्‍हाखे।

१ युहन्‍ना 5:20

केलाइ गेन्‍हाखे, परमेस्‍वरको चान इसु ख्रिस्‍ट लोका हि, जाइ सत हि। वासेहेङ नाल्‍लि द्‍वाको दोअ्‌तेङ परमेस्‍वर केलाइहेङ आकिल पिका हि। केलाइ सत परमेस्‍वरता हिन्‍हाहि, हाइदोनु केलाइ वाको चान इसु ख्रिस्‍टता बुङ हिन्‍हाहि। इसु ख्रिस्‍ट दोङ जातिङको परमेस्‍वर रो असिम ज्‍यान हि।