युहन्‍ना 10:6 - धिमाल

⁶ इसु एम्‍बालाइहेङ इदोइ तुलनाको आकारता दोअ्‌हि, कुलाउ वा एम्‍बालाइहेङ दोअ्‌का काथा एम्‍बालाइ मागेहि।

Dhimal NT

⁶ येसु इदोइ काथा निङपितेङ दोअ्का हिघाहि। कालाउ हिङकालाइ वाको दोअ्का काथाको माने माबुझिखे।

युहन्‍ना 10:6 Iomraidhean Croise

मत्‍ति 13:34

इसु इदोइ गोताङ कथन द्‍याङगेलाइहेङ तुलनाता दोअ्‌हि। एम्‍बालाइहेङ तुलनामाकोसिङ वा हाइ बुङ मादोअ्‌हि।

मत्‍ति 13:51

इसु हिअ्‌हि, “हाइ नेलाइ इदोइ गोताङ काथा गेसुन्‍हा?” एम्‍बालाइ वासेहेङ जावाफ पिहि, “गेन्‍हाहि।”

मर्कुस 4:34

तुलनामाकोसिङ वा एम्‍बालाइदोफा माधुइहि, कालाउ बुङ ताइको चात्‍यागेलाइ वा सिपापा गोताङको माने गेपापिघाहि।

युहन्‍ना 16:25

“इदोइ काथा का नेलाइहेङ उपमाता दोअ्‌का हिघा। कुलाउ पहर लोदोङखे, जेलाउ का नेलाइदोफा आरोङ उपमाता माधुयाङका, कुलाउ आबाको बारेता नेलाइहेङ गेपाङ दोअ्‌ताङका।

युहन्‍ना 16:29

चात्‍यागेलाइ वासेहेङ दोअ्‌हि, “एला ना गेपाङ धुइदोङखेना, उपमाता माको।

युहन्‍ना 6:52

कोलाउ यहुदिगेलाइ, “इदोइ द्‍याङ हेसापा केलाइहेङ ताइको जिउ चालि पिलि द्‌वावा?” दोअ्‌तेङ ताताइमिता सावालजावाफ पालि तेङहि।

युहन्‍ना 6:60

इदोइ हिङकान्‍हुअ्‌सो इसुको चात्‍यागेलाइता हेअ्‌मि दोअ्‌हि, “इदोइ कथन थाङका हि, हासु इदोइ हिङलि द्‌वावा कुनु?”

युहन्‍ना 7:36

याको दोअ्‌का, ‘नेलाइ कासेहेङ भोस्‍वाना, कुलाउ मानिङस्‍वाना रो जेता का ह्‍याङका, नेलाइ लोलि मादोस्‍वाना’ इदोइ कथन हाइ एइ?”

युहन्‍ना 8:27

आबाको बारेता वा दोअ्‌का एइ दोअ्‌तेङ एम्‍बालाइ मागेहि।

युहन्‍ना 8:43

काङको दोअ्‌का नेलाइ हाइपालि मागेसुखेना? हाइदोनु नेलाइ काङको कथन हिङलि मादोस्‍वाना।

1 कोरिन्थि 2:14

जेदोङ द्‌याङदोफा पुनित हाङसा मान्‍थुखे, इङको परमेस्‍वरको हाङसाको धिरपाका काथा मार्‍हुखे रो इदोइ काथा इङकोको भाअ्‌सिङ बेकामको जेङखे। इङको इदोइ काथागेलाइ गेलि मादोखे, हाइदोनु एमि खामाल इदोइ काथागेलाइ पुनित हाङसाको साहेताहोइ खिनिङ गेलि दोखे।

२ पत्‍रुस 2:22

एम्‍बालाइ ते इदोइ सत दोअ्‍का एम्‍बालाइता ओसाभारापाङ मिलिखे, “खिया ओअ्‌तेङ ताइमिङ चाखे” रो “चिउपापिका पाया आरोङ खिचाताङ लोताइखे।”

१ युहन्‍ना 5:20

केलाइ गेन्‍हाखे, परमेस्‍वरको चान इसु ख्रिस्‍ट लोका हि, जाइ सत हि। वासेहेङ नाल्‍लि द्‍वाको दोअ्‌तेङ परमेस्‍वर केलाइहेङ आकिल पिका हि। केलाइ सत परमेस्‍वरता हिन्‍हाहि, हाइदोनु केलाइ वाको चान इसु ख्रिस्‍टता बुङ हिन्‍हाहि। इसु ख्रिस्‍ट दोङ जातिङको परमेस्‍वर रो असिम ज्‍यान हि।