युहन्‍ना 10:5 - धिमाल

⁵ कुलाउ मानाल्‍का खामालहेङ एम्‍बालाइ मापिताइखे, भुरुङ इङकोसो खाअ्‌खे। हाइदोनु मानाल्‍का खामालको गाला एम्‍बालाइ मानाल्‍खे।”

Dhimal NT

⁵ लाखुरिया बाहेक भेडागेलाइ आरु हासु बुङ काइलाउ वाको लेसारा मापिताइखे भरु वाको गाला मानाल्नाङ भेडागेलाइ थितेङ खाअ्खे।

युहन्‍ना 10:5 Iomraidhean Croise

मर्कुस 4:24

इसु एम्‍बालाइहेङ आरोङ दोअ्‌हि, “नेलाइ जे हिङसुखेना, इङकोहेङ फोमपासु। हाइपानु जेदोङ दोङकाहोइ नेलाइ पिस्‍वाना, इङकोङ दोङकाता नेलाइ निङस्‍वाना रो नेलाइहेङ झन हेन्‍जा प्‍यावा।

लुका 8:18

एन्‍सा जेङलाउ नेलाइको हिङका काथाहेङ रेम्‍फा फोम पासु हाइदोनु जाइदोफा हि, वासेहेङ आरोङ प्‍यावा। जाइदोफा मान्‍थु, वाकोदोफा हिका बुङ घिनावा।”

युहन्‍ना 10:16

“काङको बो भेरा हि, जाइ इदोइ खोतारको माको। एम्‍बालाइहेङ बुङ का चुमालिगोइका हि। एम्‍बालाइ काङको गाला हिन्‍हावा रो एम्‍बालाइ एलोङदोङ जेर ज्‍यावा रो एलोङदोङ घोका ज्‍यावा।

युहन्‍ना 10:4

जेलाउ वा गोताङ भेरागेलाइहेङ बाहार ओल्‍हेपालिदोखे, वा एम्‍बालाइको आगाआगा तेखे रो भेरागेलाइ वासेहेङ पिताइखे, हाइदोनु एम्‍बालाइ वाको गाला नाल्‍खे।

2 तिमोथि 4:3

हाइपानु एला द्‍याङगेलाइ जातिङको बिद्‍याहेङ सहेतेङमासहेका पहर बुङ लोदोङखे। एम्‍बालाइ ते ताइकोङ लाल्‍सागेलाइको न्‍हु लाग्‍यावा। एम्‍बालाइ ताइमिहेङ माजा लागेका काथा हिङपाका मास्‍टरगेलाइहेङ दोङ हेन्‍जा कायावा।

१ युहन्‍ना 2:19

एम्‍बालाइ केलाइको मान्‍थुघाहि, इङकोभाअ्‌सिङ एम्‍बालाइ केलाइहेङ लाअ्‌तेङ हानेहि। एदि एम्‍बालाइ केलाइको हिनु पाकाङ एम्‍बालाइ केलाइदोफाङ हितेङहिधावा। कालाउ एम्‍बालाइ केलाइहेङ लाअ्‌तेङ हानेनाङसिङ एम्‍बालाइ केलाइको माको दोअ्‌का काथा रेम्‍फा गेलि दोन्‍हाहि।

१ युहन्‍ना 2:21

नेलाइ सतहेङ मानाल्‍सुखेना दोअ्‍तेङ का लेखेका माको, कालाउ नेलाइ सतहेङ नाल्‍का हिनाङसिङ हिदिबुङ असत सतसो मालोखे दोअ्‍तेङ नेलाइ गेका हिनाङसिङ का नेलाइहेङ लेखेका हिघा।