युहन्‍ना 1:4 - धिमाल

⁴ वाता ज्‍यान हिघाहि रो इङको ज्‍यान द्‍याङगेलाइको जोल्‍का हिघाहि।

Dhimal NT

⁴ वा दोङ जिबनको स्रोत हि, कालाउ वा दोङ गोताङ द्‍याङगेलाइहेङ फाइसालामका पिखे।

युहन्‍ना 1:4 Iomraidhean Croise

मत्‍ति 4:16

कितिकितिकाता हिका द्‍याङगेलाइ एलोङ बाराका जोल्‍का तिङका हि। सिलि गोइका काथाता थितेङ हिकालाइर्‍हुता एलोङ जोल्‍का चिल्‍काका हि।”

लुका 2:32

वा दोङ बो जात्‍याको द्‍याङगेलाइहेङ नाङको दामा तिम्‍पाका चोलका हिन्‍हा रो वा दोङ नाङको इस्राएलिगेलाइहेङ प्रताप पिका जेनावा।”

युहन्‍ना 11:25

इसु इङकोहेङ दोअ्‌हि, “सिकासो सिन्‍हुका रो ज्‍यान का दोङ एइ। कासेहेङ खान्‍धुर पाका सिलाउ बुङ सिन्‍हु तावा।

युहन्‍ना 12:35

इसु एम्‍बालाइहेङ दोअ्‌हि, “आरोङ आतुइसा पहरथिकापा जोल्‍का नेलाइको माझाता ह्‍यावा। जोल्‍का नेलाइदोफा हिपाधाउ तेगेल्‍सु, कोलाउ कितिकितिका नेलाइहेङ माथुमाको। जाइ कितिकितिकाता हिगिल्‍खे पानु, इङको हिसो हानेदोङखा, इङको मागेखे।

युहन्‍ना 12:46

का दुनियाता जोल्‍का जेङतेङ लोका हिघा, कोलाउ कासेहेङ खान्‍धुर पाका कितिकितिकाता माह्‍याको।

युहन्‍ना 14:6

इसु इङकोहेङ दोअ्‌हि, “दामा, सत रो जिबन का दोङ हिघा। कासो बिना हासु बुङ आबाकोता लोलि माद्‍वावा।

युहन्‍ना 3:19

ठहरचाहिँ इदोङ एइः जोल्‍का दुनियाता लोका हि रो द्‍याङगेलाइ जोल्‍काखान्‍तेङ भुरुङ कितिकितिकाहेङ मोन्‍दाताहि। हाइपानु एम्‍बालाइको काम आसाति हिघाखे।

युहन्‍ना 5:21

हाइदोनु जेसापा आबा सिकालाइहेङ सिन्‍हुपाखे रो एम्‍बालाइहेङ ज्‍यान पिखे। एन्‍सा दोङ चान बुङ जाइहेङ लाल्‍सा पाखे, इङकोहेङ ज्‍यान पिखे।

युहन्‍ना 5:26

हाइदोनु जेसापा आबा ताइमिङता ज्‍यान हि, एन्‍सा दोङ वा चानहेङ बुङ ताइमिङता ज्‍यानको मुल जेङका खाबरा पिका हि।

युहन्‍ना 8:12

इसु आरोङ एम्‍बालाइहेङ दोअ्‌हि, “का दुनियाको जोल्‍का एइ। कासेहेङ पिताइका कितिकितिकाता माहिगिलावा, कुलाउ वा ज्‍यानको जोल्‍का निनावा।”

युहन्‍ना 9:5

दुनियाता हिपाधाउ का दोङ दुनियाको जोल्‍का एइ।”

साल्न्हाका चात्या 26:23

आगाधुइकालाइ ख्रिस्‍ट पिर भोगितेङ सिलिगोयाङ, वा सिकासो सिन्‍हुकालाइता झाराङखान्‍तेङ लाङफा ज्‍यावा। एसापा वा ताइको फाइसालामका यहुदिगेलाइता बुङ रो बो जात्‍याको द्‍याङगेलाइता बुङ चुमावा दोअ्‌लिदोका हिघाखे।”

1 कोरिन्थि 15:45

एन्‍साङ धरमकिताबता इसिका लेखेन्‍हाका हि, “लाङ द्‍याङ आदमचाहिँ ज्‍यान निङका द्‍याङ जेङखे।” कालाउ न्‍हुअ् आदम ख्रिस्‍टचाहिँ ज्‍यान पिका हाङसा दोङ हि।

कलस्सि 3:4

नेलाइहेङ नावा ज्‍यान पिका ते ख्रिस्‍ट दोङ हि। वा इदोइ सुमिङता द्‌याङगेलाइकोता तिङन्‍हालाउ नेलाइ बुङ वा दोफाङ तिङन्‍हास्‍वाना रो वा दोफाङ मानता आसि र्‍हुस्‍वाना।

१ युहन्‍ना 1:1

का युहन्‍ना इङको ज्‍यान पिका वचनको बारेता लेखेदोङखा। जाइ सिरजाइकाको लाम्‍फासोङ हिघाहि। केलाइ साल्‍तेङ दिङगिल्‍कालाइ वाको काथा हिङका हिन्‍हाहि, वासेहेङ मिहोइ तिङका हिन्‍हाहि, रेसेतेङ तिङका हिन्‍हाहि रो खुरहोइ साइका हिन्‍हाहि।

१ युहन्‍ना 1:2

जेलाउ इङको ज्‍यान देखाल जेङहि, केलाइ तिङन्‍हाहि। वा असिम ज्‍यान हि दोअ्‌तेङ केलाइ नेलाइहेङ दासि पितेङ दोअ्‌न्‍हाखे। वा परमेस्‍वर आबादोफा हिघाहि रो केलाइकोता देखाल जेङहि।

१ युहन्‍ना 5:11

परमेस्‍वरको पिका दासि इदोइ एइ, वा केलाइहेङ असिम ज्‍यान पिहि। कालाउ इदोइ असिम ज्‍यान वाको चानता हि।